منتديات زيدل

منتديات زيدل (http://www.zaidal.com/229/index.php)
-   الأنترنت و الكمبيوتر (http://www.zaidal.com/229/forumdisplay.php?f=41)
-   -   نظام تشغيل جديد من جوجل ينافس مايكروسوفت (http://www.zaidal.com/229/showthread.php?t=9634)

Kinan 9th July 2009 07:44 AM

نظام تشغيل جديد من جوجل ينافس مايكروسوفت
 
جوجل تطور نظام تشغيل ينافس مايكروسوفت

تعمل شركة جوجل الامريكية على تطوير نظام تشغيل جديد لاجهزة الكمبيوتر الشخصية في منافسة مباشرة لشركة مايكروسوفت، الرائدة في سوق انظمة التشغيل في العالم.
ويستهدف النظام الذي يحمل اسم كروم اجهزة الكمبيوتر الدفترية الصغيرة والمنخفضة التكلفة كما يمكن استخدامه على بقية اجهزة الكمبيوتر الشخصية الاخرى.
وتقول شركة جوجل ان اجهزة الكمبيوتر الدفترية المزودة بنظام تشغيلها الجديد ستكون متوافرة في السوق في النصف الثاني من العام 2010.
واشارت الشركة على مدونتها الرسمية على شبكة الانترنت الى ان نظام التشغيل الجديد سيتميز بـ" السرعة والبساطة والامن".
وتقول جوجل ان نظام التشغيل الجديد الذي سيعمل وفقا لاسلوب المصدر المفتوح هو امتداد طبيعي لمتصح شبكة الانترنت كروم والذي اطلقته شركة جوجل قبل تسعة اشهر وتقول انه استقطب 30 مليون مستخدم حتى الان.
وبالنسبة لشركة مايكروسوفت، فان الانباء عن قرب طرح نظام التشغيل الخاص بجوجل ياتي قبل اشهر قليلة من اطلاق عملاق البرمجيات احدث نسخة من نظام التشغيل الخاص بها وهو ويندوز 7.


العودة للاساسيات


ومن جانبها تقول مديرة شركة جوجل للشؤون الهندسية لينوس اوبسون ان الشركة "تصمم نظام التشغيل الجديد ليكون سريعا وخفيفا بحيث يتمكن المستخدم من بدء التشغيل والدخول على الانترنت خلال ثوان".
وتشير الشركة الى ان انظمة التشغيل الحالية صممت خلال الفترة التي سبقت انتشار الانترنت، وان نظام التشغيل الجديد يعيد النظر في الكيفية التي يجب ان تكون عليها انظمة التشغيل.
وتقول جوجل، عملاق محركات البحث على شبكة الانترنت، ان نظام التشغيل الجديد سيعود للاساسيات.
وتشير الشركة الى انها تعيد بشكل كامل تصميم بنية الامن على نظام التشغيل بحيث لن يكون على المستخدمين العاديين التعامل مع الفيروسات والتحديث الخاص بالخواص الامنية.
وتضيف الشركة ان مهمة نظام التشغيل الجديد هي ان يعمل ليؤدي وظيفته.


تنافسي بشكل كامل


,ويتوقع ان يؤدي اعلان جوجل الى اعادة تشكيل سوق انظمة التشغيل بشكل جذري خصوصا في ظل سيطرة شركة مايكروسوفت على حصة 90 في المائة من السوق العالمية لانظمة التشغيل.
ووصف مدير مجموعة اندرلي المتخصصة في دراسة السوق روب اندرلي هذا الاعلان بالضخم قائلا ان هذه هي المرة الاولى التي نرى فيها منافسة حقيقية في سوق انظمة التشغيل منذ سنوات فهي المرة الاولى التي تحاول شركة رئيسية تحدي مايكروسوفت.
وقال اندرلي في حديث لماجي شيلس، مراسلة بي بي سي لشؤون تقنية المعلومات ان كروم هو نظام التشغيل الاول الذي يعتمد على سلسلة من المنتجات المرتبطة بشبكة الانترنت، فهو نظام التشغيل الاول الذي صمم لحقبة الانترنت.
وكانت شركة جوجل قد اطلقت العام الماضي متصفح الانترنت كروم والذي قالت انه صمم للاشخاص الذين يعيشون على الانترنت، يبحثون فيها عن المعلومات، ويبقون على اتصال مع بريدهم الالكتروني، والاخبار ويتسوقون ويتواصلون مع اصدقائهم.


اللي بيحب الاطلاع على المدونة الرسمية لجوجل ولكن بالانكليزية
من هنا

طبعا خبرية حلوة كثير لانها رح تقلل من سيطرة مايكروسوفت على انظمة التشغيل و هذا تهديد كبير الها
و طبعا بما انه النظام رح يكون مفتوح المصدر فا على الاغلب رح يكون مجاني او بسعر زهيد
و انا من هلق مجهز حالي لنزلو وقت رح يتم طرحه
:gthumb:



abode durra 10th July 2009 07:18 AM

عنجد خبر حلو و انشالله بيصير هالشي و يكون نظام التشغيل الجديد مليح مثل ما عم يقولو
و سؤال اذا حدي جرب يستخدم المتصفح الجديد الجوجل كروم و شلون رائيكن في

شكرا كنان على النقل

Malik Yazji 13th July 2009 07:54 PM

مشكور كنان
ولكن من الصعب أنو ينافس مايكروسوفت صاحبة خبرة 15 سنة وانتشار 90 % من أجهزة الكمبيوتر في العالم
يعني هيك موضوع بدو وقت طويل ليقدر ينافس وعلى كل حال لما يوصل لعنا منجرب ومنشوف (إذا وصل )
مع الشكر

Kinan 14th July 2009 08:03 AM

اقتباس:

المشاركة الأصلية كتبت بواسطة Malik Yazji (المشاركة 44695)
مشكور كنان
ولكن من الصعب أنو ينافس مايكروسوفت صاحبة خبرة 15 سنة وانتشار 90 % من أجهزة الكمبيوتر في العالم
يعني هيك موضوع بدو وقت طويل ليقدر ينافس وعلى كل حال لما يوصل لعنا منجرب ومنشوف (إذا وصل )
مع الشكر

مرحبا مالك
عم تقول من الصعب انه ينافس مايكروسوفت
بس انتي شفت انه اغلب منتجات جوجل كانت ناجحة بشكل كبير و نافست مايكروسوفت و عاملتلهون كابوس ما عم يقدرو يفيقو منه

من فترى نزلت جوجل نظام اندريود للموبايل و نجح نجاح كبير مع العلم انه نظام وندوز موبايل فيه مشاكل كبيرة و تعليق بشكل دائم

اما من ناحية الوندوز و خبرة مايكروسوفت الطويلة فا هالخبرة يا صديقي ما هي الا فشل بعد فشل

بحيث انه كل ما نزلت نظام تشغيل عم يكون فيه مشاكل دائمة و ما عم تقدر تتعرف على هالمشاكل الا بعد فترى و بعدها عم تقوم بتحديث service pack 1 او service pack 2 لحتى يمشي الحال

حتى فيك تشوف هالشي حاليا بنظام وندوز فيزتا اللي بياكل موارد النظام كاملة و ما بيخلي لا رام و لا شي
و عم يحاولو انه يتداركو هالشي بالوندوز 7 حتى انهم صارو ينزلو نسخة تجريبي مشان الناس تجربها و تعطي رأيها بالنطام الجديد قبل ما ينزلو رسميا و يطلعو بسواد الوجه :ohhh2:

جوجل حاليا من اقوى و افضل شركات الانترنت و الكمبيوتر و اهم شي انه كلشي عندها و جميع خدماتهت مجانية و خدماتها من افضل الخدمات
هالشي اللي خلاها تسيطر على الانتنت و يخليها رقم واحد على مستوى الانترنت

ما بعرف انا عندي ثقة بجوجل و بنظام تشغيلها اللي رح يكون مفتوح المصدر مشان اي حدى يقدر يطور عليه
و يا ريت ينزل اي نظام تشغيل يقدر الواحد يستغني فيه عن مايكروسوفت و غطرستها

اما من ناحية انه خايف يوصل لعنا فا اتطمن بيوصل من اول يوم بينزل فيه هي اذا ما وصل قبل ما ينزل :crazylol:

تحياتي

dj-hani 15th July 2009 03:21 AM

اصدقائي حبيت قول شي من الناحية التقنية ............. و هو انو ..............
الخروقات اللي عم تصير ع انظمة تشغيل ويندوز لا تعتبر خروقات لانه هوي النظام المغلق اللي فينا نقول الاكثر شهرة اذا مو الوحيد
يعني متل ما بيقولو العين دايقة منو و الحسادين كتار ..... فالممنوع مرغوب .......... و بالتالي عم تكون كل محاولات الاختراق هيي عليه .
بس رح قلكون معلومة انو اذا انظمة التشغيل المفتوحة المصدر بتضرب بالاسواق رح تشوفو جرائم الكترونية مخيفة .....
بس متل ما عم قول الهكرجية مانون حاطين الانظمة المفتوحة ببالون هلأ

ما تفكرو انا ضد غوغل بالعكس انا من اكبر المشجعين الها بس عم بحكي من وجهة نظر تقنية مو اكتر.

و شكرا

Kinan 15th July 2009 07:47 AM

هاني لقيتلك هالمقالة على الانترنت

لينيكس يتفوق على الفيستا وعلى الماك من الناحية الأمنية

في مؤتمر استمر ثلاثة ايام، عقدته مؤسسة كان سيك ويست المهتمة بشئون الأمن التطبيقي في فانكوفر وشارك فيه عدد من المهتمين والمختصين بأمور أمن الحاسب، أجريت مسابقة استهدفت فيها ثلاث نظم للتشغيل هي الفيستا والماكنتوش ولينيكس.

رصدت جائزة لمن ينجح في اختراق أي من هذه الأنطمة قبل نهاية المؤتمر . الجائزة قيمتها عشرون ألف دولار تنقص بمقدار النصف في كل يوم يمر دون نجاح أحدهم في الاختراق.

الضحية الأولى للاختراق كان لابتوب عليه ماك بوك *** MacBook Air .. وجاء فيستا تالياً في اليوم الأخير.. أما لينيكس فقد ظل صامداً ولم ينجح أحد في اختراقه.

كانت الجهة المنظمة قد وضعت ثلاثة أجهزة لابتوب تحتوي على الأنطمة المذكورة متاحة لمن ينجح في اختراقها وادارة نظام التشغيل الخاص بها.

في اليوم التالي للمسابقة، تولى تشارلي ميللر وهو مختص مستقل بالنواحي الأمنية للحاسب مهاجمة اللابتوب الذي يحوي الماكنتوش. ونجح في اختراقه بعد أن استخدم ثغرة لم يكشف عنها بعد من خلال متصفح الانترنت سفاري الخاص بالماك. وذلك بعد دقيقتين من العمل ليعود بعدها إلى بيته حاملاً مبلغ عشرة آلاف دولار قيمة الجائزة التي تقدمها معامل تيبينق بوينت المختصة بشئون المناعة الرقمية. TippingPoint Digital Vaccine Laboratories.

أما الفيستا، فقد استغرق الأمر يومين من العمل لينجح شين ماكولاي أخيراً في اختراقه مستعيناً ببعض المساعدة من أصدقائه لأنه فوجئ بوجود حزمة فيستا الخدمية الاولى بالجهاز والتي تعطي مزيداً من المناعة الأمنية للنظام.

بسبب قوانين المسابقة التي تحظر تفصيل كيفية الاختراق قبل أن تقوم الجهات المعنية بإنشاء حزم تصحيحة للثغرات، اكتفى ماكولاي بالقول بأنه استغل الجافا في فيستا ليلتف حول الدفاعات الأمنية للنظام. وقال إن هذه الثغرة في جافا يمكن أن تؤثر على الماكنتوش ولينيكس أيضاً.

أما اللينيكس فقد ظل صامداً رغم أن العديدين اجتهدوا في محاولة اختراقه كما ذكرت تيري فولسروف ـ المسئولة المختصة بمسائل الاستجابة الأمنية في معامل تيبنق بوينت. لكنها عادت وقالت إن العديد من الـ 400 مشارك في هذه المسابقة وجدوا ثغرات في لينيكس ولكنهم لم يختاروا تطوير قطع برمجية تصلح لمهاجمة النظام.

dj-hani 16th July 2009 02:24 AM

صديقي كنان كلو هاد مالو قيمة عملية ............
رح نقارن بين اللينوكس و الويندوز سيرفر و اللي فيه يأثبت شي عملي انو اللينكس احسن من الويندوز سيرفر يجي لعندي و الو احلى هدية

مثلا بيقولو انو سيرفرات ويندوز نفسا هيي لينكس بس اللي فيه يأثبت شي عملي ...... ابوس روحو

و شكرا الك اخي كنان

hosam abdulaziz 16th July 2009 03:13 PM

جوجل ربحت عدة معارك مع منافسيها رغم عمر الشركة القصير (10 سنين)مقارنة مع منافسيها
و ابرزها سيطرتها على عالم محركات البحث بشكل مطلق تقريبا
اضافة الى استحواذها للاقمار الصناعية اللي من خلالها عملت تقنية جوجل إرث , و اللي صارت معتمدة حتى من قبل محطات التلفزة العالمية.
شرائها لمجموعة utube الرائجة في عالم الفيديو عبر الانترنت.
بريدها الالكتروني المميز Gmail و اللي بدء يسيطر بشكل مخيف على عالم البريد الالكتروني (السعة الاكبر , تعددية اللغات , السماح باستقبال البريد من الأوتلوك مجانا)
و يمكن في كثير اشيا بتود ملكيتها لجوجل و ما عندي علم فيها
بس كلها مؤشرات بتخلينا نضع ثقتنا المطلقة بهالشركة بجيمع الاصدارات اللي انتجتها و اللي رح تنتجها,

اما بعالم السيرفرات
فأنا خبرتي ضعيفة فيه , مع انه عنا سيرفر يونكس من 6 اعوام
بس من خلال معلوماتي البسيطة و حاجتي للبحث عن بعض الامور التقنية
لهلق ما التقيت بولا شخص عنده موقع و مستضيفه عسيرفر ويندوز
هذا ما بيعني انه يونكس افضل , بس بيعني انه الفرق بالتكلفة المادية كبيرة بين الاثنين و اللي عمخلي اغلبية الناس تختار اليونكس و هذا عامل تنافسي كبير جدا بيصب لمصلحة اليونكس.

Madonna Safar 16th July 2009 09:50 PM

فيستا اتعس نظام
هاي فترة عم تطلع دعاية bing من الميكروسفت عم يضارب ع GOOGLE عم يقولو بيفتح اكتر معلومات واسرع
حسام الجامعة عم تتعامل مع الجي ميل...اي ما كتير تشد ايدك فيه كثير بطيء بالموت ليفتح والبطء السبب ما الانترنت عندي حتى اذا بتفتحه من الجامعة بيطالع روحك..

dj-hani 16th July 2009 11:58 PM

حبايبي انتو يا شباب بس لازمني اثبات علمي ..... ما بدي مقالات بتقول انو غوغل و الانظمة المفتوحة هيي الافضل .
بدي اثبات عملي .... شي برمجي مثلا
و معكون من هلأ لشي سنة فترة تفكير
ما عم قول انو الويندوز احسن بس عم تقولو انو اللينكس افضل من ناحية الامن بس من الناحية العملية بدي تأثبتو هالشي.

و شكررررررررررررررررا

hosam abdulaziz 17th July 2009 10:34 AM

يا حبيبي hani امكاناتنا بتصور ما بتسمح من اعطاء الدليل القاطع اللي عمتطله

بس اللي فيني قوله انه هالنظام التعبان مع نسخة اصلية , ما بيقيم عندي اكثر من 3 شهور الا و بتحس بتراجع الاداء
و ما بيصل للـ 6 شهور الا صار ختيار و عالعكازة .
مع انه استخدامي للكمبيوتر و النت كله عملي و ما بفوت عالمواقع الا ذات الفائدة و بنزل البرامج اللي بتلزمني بس و ما بحمل شي اسمه العاب بنوب.
فهل هذا منطقي كل كم شهر بدنا نستعيد النظام او نفرمت.
----------------
مادونا ما بعرف شو مدى دقة كلامك حول جي ميل لأنه انا استخدامي اله 99% عبر الاوت لوك اكسبريس
و اذا شي مرة احتجت فوت من عبر المتصفح بالقيه عادي عهوى باقي المواقع مثل الهوت ميل.

dj-hani 20th July 2009 02:59 PM

اخي العزيز حسام : بجوز انت عم تشتكي من انظمة الوندوز بس انت بجوز مانك مجرب انظمة لينوكس او يونكس (مفتوحة المصدر ).بس انا مجربا و مشتغل عليا حوالي سنة و نص .
يا سيدي بدها خبرة كبيرة و تانيا مو عملية متل الويندوز يعني مو اي مستخدم عادي متعود ع الويندوز ممكن يتحول بكل بساطة للعمل عهالانظمة هي .

شغلة تانية هي الانظمة مخصصة للابحاث العلمية و الدراسات و التأسيس للانظمة الشبكية .... يعني مو للاستخدام العادي

يعني تلترباع القصص اللي منشوفها بالويندوز ما رح تلاقيها باللينوكس .

و ابسط مثال انو ما بيشغل ملفات mp3 .
كمان بدك تعرف الموديم بدك بكج منشان هالقصة و تنزيل هال package بدو كم ساعة ....

يعني قصة معتة متل ما بيقولو .....


و شكرا

Kinan 21st July 2009 01:08 PM

طيب هاني نحنا مو قصتنا مع اللينوكس كا لينوكس
مع انه اللينكس اله اكثر من شركة مطورة
و في نسخ منه قريبة جدا من الوندوز و ما فيها اي صعوبة
حتى انه حاليا اغلب الاصدارات من اللينوكس عم تكون فيها الدرايفرات كاملة و ما بتحتاج لتعرف اي شي
يمكن انتي عم تحكي على نسخة الريد هات (Red Hate)
او ما بعرف اي نسخة بس في مثلا Mandriva or openSUSE كثير حلوات و سهلات الاستخدام
على كل حال نحنا ما النا باللينوكس لانو قد ما كان اكيد الويندوز اسهل
ولكن عم نجكي على نظام جوجل اللي رح يصدر سنة الجاي
و اللي ما بتوقع يكون فيه اي صعوبة نظرا لبرامج جوجل الموجودة حاليا او اي خمات خاصة بجوجل
اغلبها سهلة الاستخدام
اما من ناحية الجودة و الامان فا بكرى بيذوب الثلج و بيبان المرج و منشوف كنو هالنظام رح ينافس وندوز او لاء


جميع الأوقات بتوقيت GMT +3. الساعة الآن 02:12 PM.

Powered by vBulletin V3.6.2. Copyright ©2000 - 2020
تصميم الموقع وسام عبد العزيز جميع الحقوق محفوظة, Copyright ©2001 - 2020

المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص