منتديات زيدل

منتديات زيدل (http://www.zaidal.com/229/index.php)
-   الشعر العامّي والزجل (http://www.zaidal.com/229/forumdisplay.php?f=50)
-   -   خيي زياد يللا عالعتابا...علقت (http://www.zaidal.com/229/showthread.php?t=10456)

شفيق ديب 27th January 2010 06:35 PM

خيي زياد يللا عالعتابا...علقت
 
قومي اسرجي يا شمس صبحك واحدي فيّ....وشيلي لهامات الأعادي واحدفي
بفنّ العتابا والمعنّى وحدي في.....شاعر أحد ما في أحد بمقامنا

اسرجي الخرسا يا روحي واحدي فيها....بشمس ما زال فارس وحدي فيها
وهدّيلي الجماجم وحدفيها...بسطوة فارس الموت المهاب

خينا زياد أنت غالي علينا بس ما في مكرمة بالحرب

هههه



أبو حيان 27th January 2010 09:30 PM

أهلاً بالشاعر شفيق الديب
 
الشاعر شفيق ديب
نورت المنتدى
وبانتظار المعركة بينك وبين الشاعر زياد
وأنا رح كون من المشجعين

أبو حيان

أبو حيان 27th January 2010 09:49 PM

اقتباس:

المشاركة الأصلية كتبت بواسطة أبو حيان (المشاركة 47854)
الشاعر شفيق ديب


نورت المنتدى
وبانتظار المعركة بينك وبين الشاعر زياد
وأنا رح كون من المشجعين


أبو حيان

كأنو حسيت حالي لازم رحب بالشاعر شفيق ديب ببيت عتابا

تعـى ياديب حــط حدك وحدنا
تَ حتى بالحــرب نبقى وحدنا
لنا هامـــــــات بالعالي وحدنا
شــفيق الديب رح يبقى سراب

هادا بعد أذنك أخي زياد
وبكل محبة أخونا شفيق

أبو حيان

ماجد سطّاح 28th January 2010 12:44 AM

إسمحولي رحّب بالشاعر خيّال المنبر الأستاذ شفيق الديب بزيدل ..وبدّي إستأذنو بهالبيت بين ما يدرى زياد بعلقتوا معو بهالصفحة اللي أكيد رح نتابعها بشوق وترقبْ ..


شفيق الديب ,زيدلْ , قدْمـِيلو ...

...مِـيمَاسِكْ , وانْ طِلِعْ مِشْ قـَدّ مَيْلو .

عْيونـِكْ قـَدّميلو , قـَدّ مِيْلو...

..رِمِشْها , بيسكـَر بأحلى هْداب ْ

==============

شفيق ديب 28th January 2010 02:34 AM

شكرا كتير يا شباب عمشاركاتكم
وبقول للأخ أبو حيان

يا زيدل شعبك المنصان رح حب....بمساحة رحبها بالكون رحّب
أبو حيان فيي كيف رحّب....وبعد شكرو إلي سيفو سحب


وللأخ حكيم عيون

بعيون قلبي يا وفي زيد البها...أرض المحبّة ما خلق زي دلبها
يا روح حقّك تفخري .زيدل بها....أجمل حكيم عيون يشفي قلوبنا


مع محبتي

ziad sattah 28th January 2010 12:13 PM

حميانه وْ ما لي خَبَر!!!!!!
السادة الشعراء :
شفيق : أهلا ً و سهلا ً شرّفونا حبابنا :rose2:
أبو حيّان : كشّ ما مات .. الحمد لله على السلامه :rose2:
حكيم عيون : لا تلعب بـْ حقل الجَنى بِزْعَل أنا :rose2:
-----------------------------
خيي شفيق : قافية ( زيدل ابهى ) هذه لي .. و لكنني أتنازل عنها لك .. فقد قلتُ أنا سابقا ً :


على التّلاّت شــــــــــامِخ ْ زَي دلبْها


و ْ عِنِدْ ما جيت صارِت ْ زيدل ابهى


وْ تـ َ حتّى فـيـك تـكـبـر زيــد لـبـها


لأنّـــو الــقــلــب يـكـبـر بـالاحـــبـــاب


----

ziad sattah 28th January 2010 12:19 PM

اقتباس:


قومي اسرجي يا شمس صبحك واحدي فيّ.



وشيلي لهامات الأعادي واحدفي



بفنّ العتابا والمعنّى وحدي في


شاعر أحد ما في أحد بمقامنا


--------------------


اسرجي الخرسا يا روحي واحدي فيها


بشمس ما زال فارس وحدي فيها


وهدّيلي الجماجم وحدفيها


بسطوة فارس الموت المهاب





-------------







يا شمس مازالو عـَ بالِك تِعْتِلي


خافي الرّياح العاتيه لـِمْ تعت ِ لي



شو صعب تـَ النُور الـ عَتَلتو تعتلي


شو وَقـَّعِك يا شَمس بـيدَيّي أنا


----------------


عجزتي بـْ هَيك همّه تعتليها


منابرنا اللي جايي تعتليها



وْ إذا بـْ نادي خِرافي:تع , تليها


خِراف الكَون, تحنيلي الرِّكاب


_________



(( أعرفُ خرافي و خرافي تعرفني ))


.

شفيق ديب 28th January 2010 03:04 PM

تحياتي أخ زياد

يا خيي أنا جيت من اخر الدنيا عموقع زيدل خصوصي لأسرقلك قافيتك بسابق الترصد والإصرار ههههههههه

بقلك بدالها

يا خمر الشعر دخلك زيد..لف راح....الحلا عا راح يدلف زي دلف راح
ويا قلبي الجيت قاصد زيدل فراح.....فرح جوري إذا بعطرو اختضب

وبردلك

حاجي يا خيي من حروفك تركي بي....بيتك وبدوّ الف ورشة تركبي
ولوكان بالأشعار دشّر تركي بيّ....للشعر بيكون السند اسمي انا

صعب كلمة على كلمة تركبيها....يا روحي ولو بيترك تركي بيها
خواريفَك بتقدر تركي بيها....وتحني عنقك ان طلو الدياب

ziad sattah 28th January 2010 06:40 PM

زيدل قلب لو كنت جايي تقصدو
دمـَّك دوايه تا قصيدك تقصدو
قصدي أنا غير اللي إنتى تقصدو
من هيك شوف الفرق واسع بيننا
--------------
إذا زيـدل نـَوَيـتـو تقصدوها
مزامير الزّبور بـْ تقصدوها
وْ إذا بتْزور دَوها تـ َاقصِ ِدَوْها
تـَيـِبْقى سهلها بطُهر الذّهب
===:rose2:===

شفيق ديب 29th January 2010 02:33 AM

سطّاح ابن فنون شعرك عاق بو...حتى غضب بيّو وبنفسو عاقبو
بحرب القوافي رميت شعرك عا قبو....أيّاك تلحقنا وأنت مش قدّنا

العتابا ان كان فيها عاق بوها....يا ريتن بالمذمّة عاقبوها
المعاني رح تزتّك عا قبوها....بمصير الجهل لُ اتحدّى الكتاب

تحياتي خيي زياد
استمر متل ما بدك بطريقة الرد أنا معك للأخر .بس ما بدنا نملل العالم بطريقة نظم قافية عالميجنا والعتابا
عا كل حال بتمنّى المتابعين يأمرونا كيف منكمّل ونحنا معكن وانشالله نكون عند حسن ظنكن

والله محييكن

ziad sattah 29th January 2010 03:47 PM

:rose2:
بـْ زيدل خَلايا النحل زادو منحلي
لِمّو شَهِد مقدود حلوو من حلي
لو ضَلّ يِهْجي ما بـْغَيِّر منحى لي
شَرَّف شَفيق بْسهلنا وْ طاب الجنى
---------------
مَنَح زيدل وُجودَك منحه ليها
تَحَتّى يْبان جوهَر من حليها
وْ بِجَولِتْنا تَغَيِّر منحى ليها
عَلَيك الأمـْر وِ عْلَيّي الجواب
--------------

هي نهاية الجولة الأولى, و قد كانت للتعارف .

و الآن يمكنك عزيزي أن تبدأ بما تراه مناسبا ً و يبقى لي شرف اللقاء معك .

ziad sattah 1st February 2010 11:27 AM

-------------------------
إهـْجي قـَبـِل ْ مـا تـِعـْلـَق وْ إهـْجـي أنـا
-------------------------

:lier::scared9::close_ears:

شفيق ديب 2nd February 2010 07:06 PM

أهـــــلأ خيي زياد
أنا ما عندي أي مشكلة بالاستمرار على الشكلين
عا كل حال رح جاوبك ببيت عتابا واحد حتى يصير الحوار أسرع وأحلى
وكنت بتمنى أبداء اراء القراء بكيفية استمرارنا بالجولة
وأي أحد بيريد نكمل على الشكل السابق نحنا جاهزين

بقلك يا غالي::

العتابا والمعنّى منهجينا....لأنو العبقرية منها جينا
وإذا هجينا بقدرك ما انهجينا....الشعب ناطر نولّعها لهب

Kinan 2nd February 2010 07:47 PM

الشاعر شفيق ديب و الاستاذ زياد
شكرا على هالمناورة الشعرية الرائعة انا متابع من وراء الكواليس
و كيف ما عملتو عم تمتعونا وتحّلو هالمنتدى باشعاركم الجميلة
شكرا الكم و بانتظار المزيد
تحياتي

ziad sattah 2nd February 2010 10:51 PM

شكرا ً كنان على التجاوب و التواجد و الثناء . و انشالله نكون عند حسن ظنكم .
 
بـِساح الموهبه عالي قدرنا



وْ قـُلوب أسْود نـَهـْنـَهـّا قدرنا



وْ ياما ذياب واجهنا و قدرنا



نـِنَسّيها الحليب مْن الذّياب



*:nonono:*


جميع الأوقات بتوقيت GMT +3. الساعة الآن 05:48 PM.

Powered by vBulletin V3.6.2. Copyright ©2000 - 2021
تصميم الموقع وسام عبد العزيز جميع الحقوق محفوظة, Copyright ©2001 - 2021

المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص