منتديات زيدل

منتديات زيدل (http://www.zaidal.com/229/index.php)
-   منتدى المجتمع (http://www.zaidal.com/229/forumdisplay.php?f=16)
-   -   العرس الجماعي (http://www.zaidal.com/229/showthread.php?t=2573)

أبو كارلوس 15th November 2005 11:49 PM

العرس الجماعي
 
:scatter:
يا جماعه شيلونا من السياسة وقلق بدي أحكي عن موضوع يتداول اليوم بين فئة من شباب القرية و هو هل يمكنه أقامة عرس جماعي في زيدل البعض يقول لا يمكن أقامته و البعض يقول يمكن إقامته ولكن يجب أن تكون هناك مساعده من المغتربين أما من الناحية المادية أو المعنوية وهناك البعض يقول لا نستطيع ان نلزم المغترب لإنه كل مشروع نريد ان نقيمه يكون المغترب من الوسط لا نستطيع ان يكون المغترب على عاتقه كل شيء وأراء و أراء و أراء
فقط طلب مني أن أطرح هذا الموضوع في منتدى زيدل و منتدى المحبة زيدل
أبو كارلوس abo_karlos@yahoo.com
:cheers3:

سناء جلحوم 16th November 2005 02:39 PM

بالعامية كتير
 
الحق معك أبو كارلوس لازم نطلع شوي من الأجواء السياسية ونغير الجو لموضوع إجتماعي لا ومش أي موضوع ...عرس جماعي وبزيدل !!!!
الفكرة حلوة ...ولكن كيف برأيك رح تكون طقوس هالعرس
وليه العرسان رح يكونوا بحاجة مادية أو معنوية من المغتربين
غريب كلامك شوي أبو كارلوس
ومن ثم برأي صعب يصير عرس جماعي ....؟
يعني مش ممكن يلاقوا صالة بتسع لكل المدعوين في حال كان العدد بس أربع عرسان ومن طوائف مختلفة إلا إذا صار العرس بالفلا ..بشي حرش كبير تحت الشوادر ووقتها رح تحتاجوا تستأجروا كراسي وطاولات يامن فيروزة يا من القريتين يا من حمص .:peace
: :peace:
وبطمنك أبو كارلوس الشباب بزيدل((صبايا وشباب )) مش من النوع اللي بيحبوا الأعراس الجماعية ..(( وفهمك كفاية )) حتى إذا تأمنت كل الظروف لمتل هيك أعراس :greeting:

شكراً
:hammer: :hammer:

زهرة الصحراء

a_aroush 16th November 2005 07:44 PM

مرحبا جميعاً

لفت انتباهي هالموضوع من أبو كارلوس ... بس يا ريت لو أن يوضّح هو و مين اللي عرضو هالفكرة هل هي فكرة شباب و صبايا متحمسين لهيك شيء .. أم أنها فكرة عابرة تناقشت فيها مع زملاء ربما متزوجيم و ما عندهن حدا يجوزوه و حاملين هم هالشباب العزابي مثل العم سليمان و ما لقيتو غير حل العرس الجماعي ... فكيق جات الفكرة يا ريت توضّح .. لأن الجواب بيعتمد كثير على مين صاحبها لان ما فينا نحنا نفصّل من عنا للشباب و الصبايا إذا ما عندهن رغبة بهالشي .

على كل الفكرة حلوة و بتصير بكثير مجتمعات و بكثير من المناسبات الدينية أو الوطنية أو الرياضيّة .

بس مثل ما بتعرف أن نحنا الزيادلية و الفوارزية .. و كل الصديّة عموماً فقرا أو أغنياء ما بيرضو على حالهن هيك شيء .

على كل ممكن نتناقش بالفكرة أكثر لو نعرف مين هني الداعيين لهالشي .. الأهل .. أم الشباب و الصبايا ؟

أبو كارلوس 16th November 2005 08:35 PM

توضيح
 
:cheers3:
بالبدايه بدي وضح شي ما في أحلا من العزوبية
هذا الموضوع كان عدد من الأشخاص من القرية وعندهن الحماس لهيك موضوع يمكن أخذتوا هذا الموضوع على شكل المزحة ولكنها حقيقة ليس فيها أي أستغلال للمغترب و لكن الفكره أي ثمن أو أي شيء يتبرع به المغترب يكون مساعده بلأضافة إلى أهالي القرية و الفعاليات في القرية
المكان فليكن ساحة الرام بما أنه مكان قديم في القرية وكبير

أبو كارلوس
:iloveu:

a_aroush 16th November 2005 10:58 PM

توضيحك ما زال غامض أبو كارلوس .

السؤال كان : هل كان هذا رأي أشخاص عزابية شباب و صبايا مستعدين لمثل هذا العمل أم رأي من ؟

لأنهم إذا كانوا متزوجين لا أظن من حقهم بحث هذا الموضوع أو طرح مثل هذه الأفكار دون مشاورة من يخصهم الأمر ... ألست معي ؟


جميع الأوقات بتوقيت GMT +3. الساعة الآن 06:57 PM.

Powered by vBulletin V3.6.2. Copyright ©2000 - 2020
تصميم الموقع وسام عبد العزيز جميع الحقوق محفوظة, Copyright ©2001 - 2020

المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص