منتديات زيدل

منتديات زيدل (http://www.zaidal.com/229/index.php)
-   منتدى التسالي (http://www.zaidal.com/229/forumdisplay.php?f=66)
-   -   حوار على الهواء (http://www.zaidal.com/229/showthread.php?t=17783)

سالم عبد العزيز 12th June 2014 08:23 AM

حوار على الهواء
 
هاي فقرة قبل المونديال وبعدو منشوفكن على خير
*************************************


السلام عليكم ورحمة الله وبركاته
الاخوة الاعزاء نزل مراسل منتدى موقع زيدل الى شوارع القرية وارسل لنا الرسالة التالية.

تن تن تن ( موسيقى)

تفضل انت عالهوا

مرحبا ايها الاخوة
انا الان في حديقة زيدل التقيت بالاخ
- الاسم اذا بتريد

- انا اسمي م ق ط و ع ة ا ل ك ه ر ب ا

اهلا وسهلا
- شلون شايف الحركة السياحية بزيدل
-تمام بلشو يجو الاميركانيي والمغتربين
بعد رجوع الامن وانسحاب المسلحين
- اخي الكريم م ق ط و ع ة ا ل ك ه ر ب ا
بما انو اليوم كأس العالم مين بتتوقع يحصل على الكاس
- انا متاكد انو اللي بدو ياخذ الكاس هوّي اللي بيفّوت اهداف اكثر بالمباراة النهائية
- عظيم.شو اتغديت اليوم
- ما اتغديت اي ما في مطاعم بزيدل بدنا نا كل شي صحن حمص اوفول مافي
سندويشة الشاورما ب ميتين ليرة واكثرهلق انا بتكفيني وحدي
-وحدة شو اخي ......... عم احكي عالسندويش
-شكرا اخي م ق ط و ع ة ا ل ك ه ر ب ا
-والى رسالة الغد والسلام عليكم

Safaa Bshara 12th June 2014 08:41 AM

بين القلب والضلوع .زيدل ...سوريا ....غلاكم والله مزروع
رح تبقوا دووم الغاليين بجاه الرب يسوع
نسور الدني بتنادي ما في أحلى منك يا بلادي
من قلب زيدل بنقول صباح الخير لكل المغتربين.. ولكل السوريين
سوريا يا أحلى بلد سوريا يانعمة المطر ..لهيك الله أنعم علينا بأيام حلوي فيها كل الخير والبركة فيها الفرح والمطر فالسماء والأرض فرحين.. والفرح عم أرجاء زيدل و سورية,,,,,,,, يسعد أوقاتك أخ سالم

ماجد سطّاح 12th June 2014 09:31 AM

هههههههههههههههههههههههههههههههههه................ ..............مهضومة جداً ....نحنا بإنتظار التقرير اليومي لأحداث المونديال (بما إنّو ما في أمل بالكهربا ..ورح تظل مثل القربة تبعنا مقطوعة )..

سناء جلحوم 12th June 2014 10:44 AM

حلوةةةةةةة سالم
 
كل شي مخبوص بيكون مهضوم
:v_angry:
فكرة النقل اليومي من طرقات زيدل فكرة حلوة ونحنا بشوق دائم لنعرف آخر وخصوصي أسعار اللحمة والفواكه والخضار وبالتحديد من سالم :ohhh2:

أما عن نقل آخر أخبار المونديال متل ما اتفضل حكيمنا رح يخلين بكل أسف ا ننقل موضوعك يا سالم من منتدى التسالي للمنتدى الرياضي..:rose2: (( بدكم تقرروا))

دكتور ماجد لعيونك انت بتأمر بتحب تتفضل لبيروت كل فترة المونديال مع كولا وصحن فول وسندويش شاورما حسب طلبكم أما الباقي فاتركوا علينا ....:cheers:

سالم عبد العزيز 13th June 2014 03:10 PM

الاخوة والاخوات
الاصدقاء والصديقات

اهلا بكم .

اليوم بدّي اعتذر عن التقرير والسبب

يصادف اليوم انو 13 ويوم جمعة وهو شؤم جدا مثل ما بتعرفو

خايف الرسالة من المراسل تطلع سيئة

و لكن بكرا بإذن الله في رسالة حامية

كما انني اطلب من الاخت صفاء والست سناء والدكتور الصديق ماجد سطاح

ارسال تقارير من احياءهم وحاراتهم

يعني ام ملحم تقلنا شلون بيروت باعتبارها مندوبتنا هناك

وصفاء الحارة الجنوبية والدكتور ماجد الحارة الشرقية

ونحن ومن الشاكرين

ومبروك للبرازيل

دوموا بخير

سناء جلحوم 14th June 2014 10:32 AM

قلتلي مندوبة
 
أنا معك سالم المفروض بهيك يوم ماننقل آخبار الضيعة حرصاً مننا على عدم اصابتها بفيروس جهل المعتقدات :crazylol:

أما عن أخبار لبنان وبيروت ف ــ بمايتعلق بالأمور الرياضية عال العال والمونديال الحمدلله مطير عقل العالم متل العادة والزمامير شغالة عالطالعة والنازلة ناهيك عن المفرقاعات الهبلية النارية واللي كل ماطلع كوووول لصالحهم بينط قلبي من محلوا ولكن رح اتعود بإذن الله :greeting:

أما عن الوضع الإجتماعي فالحمدلله الأشغال على قدها وبلشت التنزيلات فصاؤ فيك تتفضلوا وتتسوقوا وتنفعوا اللبنانية والسورية كون صار في كتير محلات لابل لاتحصى من أصحاب المصالح بالأسواق اللبنانية

وهلق اكيد ناطرين خبركم عن الوضع السياسي واللي أغلبكم بتعرفوا .. النواب والوزرا عم يتخانقوا ولبنان بلارئيس جمهورية وانا لتاني مرة بشهد هالفراغ:arghh: وبكل شفافية العالم مش حاسة لا اذا في رئيس ولا اذا مافي ...يعني مافي شي عالشعب بيتغير ولكن مش حلوا شعب بلا قائد :cheers:

مراسلتكم من بيروت desert rose

سالم عبد العزيز 14th June 2014 06:46 PM

شكرا ست سناء
الحقيقة اتحفتينا بهالرسالة

الله يعطيكي العافية

والحق يقال انا ما ضحكت بقراءة موضوع مثل اليوم معك

بس عن جد تجربة جديدة الك وسبق صحفي

كل الود والتقدير

وكل فترة زودينا بجديدكم


سالم عبد العزيز 14th June 2014 06:49 PM

ايها الاخوة والاخوات
السلام عليكم
اكتب رؤوس اقلام لهذه المشاركة من غرفة المعيشة واجلس على سجاد جميل متناسق مع الطراريح والمساتد
ولكن يوجد بها .(حرق) قطره 5سم
ولنعد الى مراسلنا من شوارع قرية زيدل : عزيزي المراسل المايك معك
-نعم
اعزائي قراء منتدى زيدل نحن الان في ساحة الشهداء تقريبا امام دكان جبر وسمعت هذا الحوار
- معقول اسبانيا تخسر بالخمسة والله اكبر روبوت ما بيتوقع النتيجة
- انا بقول خطة هولنديي لكن معقول كاسياس تفلت منو الطابة بهالسهولة
-ههههههههههههههه-
-
****************
وانتقلنا الى جانب مكتب التكسي ونسمع مواطنة تكلم نفسها اقتربت منها ودار الحوار

-مرحبا اختي المواطنة
-اهلا
الاسم
-ا ل ل ح م غ ا ل ي
ليش عم تحكي حالك شو مضايقك
- والله انا بحب الفتايل وصارلي زمان ما اكلتها غاليي
فكرت اعمل محشي بعني بدي نص كيلو لحم 800 ل واربع كيلوات كوسا 300
رز وبندورة وماجي وسمن وما يلزم صارو 1600 انا بطلت خيو اعمل محشي
- لكن شو بدك تعملي
-كوسا ملفحة على بندورة طيبة مو تفضلو

والى اللقاء

Safaa Bshara 15th June 2014 10:46 PM

هههههههههههه الله عليك سالم مهضوم كتير
معكم المندوبة صفاء عن الحارة الشرقية
كهربااا مافي وغلاااااااااااء لا تسأل ههههههههههه وزيارات النسوان والجمعيات صباحا ومساءا الحمد لله
أما أخبار المونديال شغلة كل يوم صار الولد بدو ب 600 ليرة شوووووو يحضر المباراه ههههههههههه وهاي يادوب كيس بطاطا وقنينة كولا ههههههه العالم ضاجة من المونديال ههههههههههه بس منيح بس شهر واحد بالسنة مو كل السنة والله يكون مع الجميع يارب وكل مونديال وانتو بالف خير يا رب هههههههههههههههه والى اللقاء بالهابي لاند جارتنا

سالم عبد العزيز 16th June 2014 09:15 PM

يا عيني عليك شو هالرسالة العظيمة

بس بها الايام الكهربا ما عم تساعدنا لشي

منبلش نكتب (طب انقطعت)

على كل شكرا من القلب لك صفاء

انا بشجعك جدا على العمل الصحفي

ننتظر الاكثر

دومي بخير

سالم عبد العزيز 29th June 2014 07:18 PM

تن
تن
تن
طططن

لهيب

غريب

عجيب

شوب حرق الاخضر واليابس

كهربا
زادت الطين بللة


الله ينجينا من نار جهنم

سناء جلحوم 30th June 2014 04:27 PM

الله يسامحك
 
الله يسامحك سالم

فوق الشوب عسر نظر

رح اعزي اختيارك لها اللون الأصفر الفاقغ للون الشمس وانشالله ماكون غلطانة :agree:

أما عن شوباتنا ببيروت مابيخلتفوا كتير عن شوبات زيدل انما اقل شوي طبعا ...واليوم ياسيدي الكريم مش عم نعمل حساب الشوب بقدر ماعم نعمل حساب هالشباب المفخخين:bomb: الله يبعدهم عن الجميع قول آمين :laugh@u2:


شكرا لصفاء مراسلتنا بزيدل الله لايحرمنا من أخبارك وأخبارها :cheers:


سالم عبد العزيز 2nd July 2014 01:24 PM

سلامة نظرك ست سناء

أنا اذا كنت مغمض بعرف شو كتبتِ

ولو

بهالمناسبة ...............بهديكي هالغنية

هههههههههههههههههههههههههههههه


https://www.youtube.com/watch?v=FgVLw8iEhec

سالم عبد العزيز 8th July 2014 01:49 PM

...........
....................
............................. على ضفاف الياسمين
فأنا مشتاق منذ سنين
ان ارمي همّ أقلامي
وأنهي كل اّلامي
وأختم كل احلامي
كرشفة للماء
من شفتيك
**************
مقطع من ديوا ن الدكتور ماجد سطاح على ضفاف الياسمين
كا ن التوقيع كبقعة ضوء في هذه الايام الكئيبة

مبروك للشاعر المولود الجديد
وانشاءالله (دزينة)

م: كل شي كان عظيم وعلى اكمل وجه

.......لو باركت عبير شعرا ههههههههههه

سالم عبد العزيز 29th July 2014 11:25 PM

ايها الاخوة

يسيطر علينا في هذه الابام الاخبار المزعجة عن عصابة داعش

والماّسي والجرائم التي ترتكبها اضافة الى اجرام الصهاينة الوحشي في غزة

واليكم هذا المشهد.
*************************************
في هذه الايام من السنة يكثر القرص والبق والناموس والحشرات

يعني بتكون نايم بتجي بقة بتعمل وزززززززززززز فوق راسك

بتفيق بتدور عليها بكون طار النوم وبتكون مقروص وبتصير تحكحك

**
1- شو اخبارك
2-(عميضرب على حالو)
1-شبك
2-معك معك بس هالبق اكلني
تعليق

اذا كانت بلقيس اشتهت الذبان

مين اشتهى البق

هههههههههههه

والسلام


جميع الأوقات بتوقيت GMT +3. الساعة الآن 02:32 PM.

Powered by vBulletin V3.6.2. Copyright ©2000 - 2019
تصميم الموقع وسام عبد العزيز جميع الحقوق محفوظة, Copyright ©2001 - 2019

المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص