منتديات زيدل

منتديات زيدل (http://www.zaidal.com/229/index.php)
-   العائلة (http://www.zaidal.com/229/forumdisplay.php?f=43)
-   -   تهنئة مبكرة ل (زيزو) ايزابيل عبد العزيز (http://www.zaidal.com/229/showthread.php?t=12811)

سالم عبد العزيز 22nd March 2011 12:34 AM

تهنئة مبكرة ل (زيزو) ايزابيل عبد العزيز
 
يصادف في اواخر هذا الشهر العيد الثاني لميلاد ايزابيل حسام عبد العزيز
فاننا نتمنى للطفلة الغالية زيز و وعائلتها الفرح الدائم
وبما اننا احتفلنا بالعيد الاول في زيدل نقول لحسام ورنيم
باننا سنعمل لها عيد في زيدل وانشاءلله بتشوفو الصور

لاننا يارنيم لا نستطيع ارسال تبولة وكاتو الى اميركا طلبك صعب
فمنعملهن وبناكلهن

وكل عام وانتم بخير وعقبال المية

angel 24th March 2011 07:20 PM

يظهر يا عمي بيت أبو إيزابيل مدووشين بالنقل عالبيت الجديد لهيك اتأخروا بالرد عليك..
للغالية زيزو منقلها كل عام وانت بألف خير يا عيون بيت عمك ... وللغوالي حسام ورنيم منقلهم انشالله كل أيامكم تجديد وعياد وفرح...

سالم عبد العزيز 26th March 2011 02:50 AM

الغالية انجيل ارجو ان تكونو جميعا بخير
والله زيزو غالية علينا وهي رفيقة ندى فما في مشكل بالنسبة لحسام ورنيم

الجماعة ما بقصرو بس ما تكون رنيم متلبكة كل شي بسيطة
ارجو ان نراكم عن قريب

hosam abdulaziz 26th March 2011 03:45 AM

و الله يا انجيل مدوشين بالنقل كلام سليم بس بعد هالنقل صفينا عالحديدة لهيك كنا عمنعمل مباحثات من زيزو بلكي بتقبل نأجلها عيد الميلاد شي سنة لبين ما نلقط نفسنا, ويبدو البنت مرضية و اعلنت موافقتها الاولية.
بس كل الاحتمالات بعدها واردة

و شكرا عمي للمباردة بكل الاحوال و انشاء الله بنحتفل بعيد ميلاد ندى او ايزابيل معكم باقرب وقت.

talal_alachkar 29th March 2011 02:05 PM

مبروك إيزابيل
 
ولك حسام حتى على إيزابيل عم تمارس دكتاتوريتك . بس الحق مو عليك الحق على رنيم الي ما عم تمارس حقها في التعبير ههههههههههههه.
مبروك من طلال و رنا و نادين

hosam abdulaziz 31st March 2011 01:00 AM

4 مرفق
هي من ورا نقك يا طلال ما صار الا و عملنا عيد ميلاد عائلي للغالية ايزابيل بعيد ميلادها الثاني
حظك حلو انك بعيد و الا كانت غرامتك كبيرة :gthumb:

شكر كبير لعمي سالم المحفز و المحرض الأكبر على الاحتفال بجميع المناسبات العائلية
و انشاء الله بيعيك الرب الصحة و العمر لتفرح بالغالية ندى
و شكرا كمان لانجيل و طلال للاهتمام بمناسبة ميلاد ايزابيل
و هي مجموعة صور لايزابيل بعمر سنتين

الملف المرفق 5685

الملف المرفق 5686

الملف المرفق 5687

الملف المرفق 5688

angel 31st March 2011 02:58 AM

لك تقبرني اللي صايرة صبية ... ماتبلى هالوقفة وهالقعدة يا زيزو ..
أحلى تدشين للبيت الجديد ... انشالله العمر كله يا غالية

سالم عبد العزيز 31st March 2011 03:02 AM

كل عام وانت بخير زيزو الغالية
وعجبتني يا زيزو اناقتك بهالعيد وعقبال المية
واللك مني هاقصيدة

بعنوان

[

شو لابقهْ الحُمره على الفستانْ=والظِّل متناسب مع الكحلي
والشَّعر تشكيلي من الألوانْ=تسّبيل أو تجعيد كل خصلي
القبّه قطع لا يقطع بإنسانْ =والعقد من هالّعنق مدّ لّي
وحّلاقْ عم تتمايل بآذان=مثل النّجوم العَ دّني مطلّي
ومنلّ كمرهالّخصر شو ضجرانْ=خلّيّ دلع أحّلى بلا بكلي
والجوُّ كلّو إنتعش من ريحة(البرفان)=وشاف الجّمال الدائم الكلّي
بزّرار فستانك أنا سرحانْ=والطّقس حرّ وما بتحّتملي
لو تعملي معروف أو إحسان=فكيّلنا شي زرّ او زرين
ولو طار كلّ العقل من عقلي=


فاروق القدومي 31st March 2011 07:53 PM

يا عيني شو حلوة وامـورة واحلى عيد ميلاد...كـــل عام وهي بخير...يااااه شو الايام سريعه امبارح اتزوج حسام**

*قدومي*


Nada1981 1st April 2011 03:15 AM

حسام ورنيم الله يخليلكم ياها وعقبال ال 100 سنة يارب

ندى

أمل حنا 1st April 2011 10:41 AM

1 مرفق
كل عام وانت بخير يا زيزو وعقبال ال100سنة يا رب
مبروك للغوالي حسام ورنيم الله يخليها وتفرحوا فيها يا رب
بوسي كبيري لزيزو مني ومن عموتك سلوى وبتسلم عليكم كتير

الملف المرفق 5689

تهانينا الحارة


جميع الأوقات بتوقيت GMT +3. الساعة الآن 04:16 PM.

Powered by vBulletin V3.6.2. Copyright ©2000 - 2022
تصميم الموقع وسام عبد العزيز جميع الحقوق محفوظة, Copyright ©2001 - 2022

المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص