منتديات زيدل

منتديات زيدل (http://www.zaidal.com/229/index.php)
-   النكات و القصص الطريفة (http://www.zaidal.com/229/forumdisplay.php?f=13)
-   -   كيف تكتسب الجنسية الحمصية (http://www.zaidal.com/229/showthread.php?t=4110)

Nada1981 13th May 2006 02:10 PM

كيف تكتسب الجنسية الحمصية
 
الجنسية الحمصية هبة من الله سبحانه و الحمد لله على هالنعمة و لازم تكون مقتنع انو حمص مستقلة و لازم يكون كرماوي لإنو الكرامة إنتماء منفصل

1-أن تكون مستعدا لأن تعييد يوم الأربعاء
يعني تصيف عالأخير تمشي بعكس السير مثلا ، تلعب بالطابة بالشارع ، تلحق بنت وتلطشها ، تسبح عالشاطئ ، مع إنو ما في شاطئ عنا بحمص ، بس بدك تدبر راسك ، يعني : تخرج عن كل الضوابط والأعراف المألوفة ، فكل ما هو مألوف يجب تغييره يوم الأربعاء .

2-لازم تكون من العالم اللي بحبو أكلة المجدرة
مع البصل طبعا . فإذا ماكنت هيك روح دور على غيرنا

3-ولازم تكون مطيع كتير لزوجتك
لأنو الحماصنة مرضيين كتير ، يعني بدك تخفف شوي من رجولتك ..يعني ال تصير خروء شي 8 ساعات باليوم ومالك كلمة بالبيت

4-بدك تكون ظريف كتير مع الموظفين
لأنو عنا الموظفين بحمص حساسين كتير و بيزعلو ئوام ، يعني بدك تراجعهم بذوء وهدوء بدون ما تجرح مشاعرهم ، ولا تنسى . المعلوم !! اي اي هه المعلوم لأنو بلاه مافي شي بيمشي

5-لازم يكون عندك فراسة وسرعة بديهة
وتعرف الشوفير اللي ماشي قدامك لوين رايح وكيف بدو يلف او بدو يضرب فرام ولا لاء !! لأنو عنا بحمص ما حدا بيعطي إشارة وكلو بيطحش على كلو !! وعلى فكرة لازم تزكرو ا كمان انو يشغلك العداد لأنو وين مارحت رح ياخد منك 50 ليرة لذلك فزكرو منشان يشغل العداد

6- لازم تكون رئتك ملوثة بنسبة 99.999 %
لأنو إذا كنت متعود على الهواء النظيف والعليل ، ما راح يمشي حالك عنا بتمرض بعدين بأمراض مزمنة . لأنو عنا كل أنواع التلوث .. والحمد لله ، إلا إذا حبيت تسكن غرب حمص ، على ضهر لقصير مثلا أو بالقرب من حب نمره، فيمكن يمشي حالك وبيجوز تموت هنيك لأنو الحماصنة بس طلعو من حمص بموتو و طلع السبب انو عم يشمو برات حمص هوا نضيف .

7-لازم تحكي عالعريض ، أما شو يعني عالعريض
فلازم تسأل مهران يوسف تبع برنامج سؤال عالماشي ، وإذا حزرت إنت وعشرة كمان فراح يقسم الجائزة بيناتكم ، وغالبا راح يحجبها عنكم

8-ولا ننسى الأركيلة
لازم يكون عندك نفس ماكن يعني شفيط نمرة ون :banana:

9-ممكن تحصل على مرتبة الشرف
إذا قتلت تنين حموية

10-أكيد بدك تحفظ شعار الحماصنة
الحماصنة الصقور الحرة .. نظرتهم حادة ومرة .. واللي بيحبهم مرة بيحبوه ألف مرة ومرة


وأخيرا وليس آخرا : إذا وجدت هذه الشروط منطبقة عليك أو بإمكانك الوفاء بها قدم بطلبك لبلدية حمص.
لحق حالك هدا لأربعاء لأنو كل أربعاء الشروط بتتغير ....!!

منقوووووووووووووول من ايميلي الخاص
الموضوع للمزح فقط لاغير :gthumb:
ندووووووووووش :angel:

lamia 13th May 2006 02:54 PM

5-لازم يكون عندك فراسة وسرعة بديهة
وتعرف الشوفير اللي ماشي قدامك لوين رايح وكيف بدو يلف او بدو يضرب فرام ولا لاء !! لأنو عنا بحمص ما حدا بيعطي إشارة وكلو بيطحش على كلو !! وعلى فكرة لازم تزكرو ا كمان انو يشغلك العداد لأنو وين مارحت رح ياخد منك 50 ليرة لذلك فزكرو منشان يشغل العداد
--------------
رهيبة هاهاهاهاهاهاهاها هي فعلا اهم اهم شي سرعة البدية عند الحماصنة و لا تنسى الذكاء اللامع ( لاحظوا كلماة لامع ) و اذا مو لامع فيه يكون مشع ههههههههههههههههههههههههههههه

samer_nh2 14th May 2006 04:58 PM

كا بودي اني آخد الجنسية الحمصية بس في بعض الشروط ما مشي حالها معي :
اقتباس:

المشاركة الأصلية كتبت بواسطة Nada1981
1-أن تكون مستعدا لأن تعييد يوم الأربعاء
انا معييد كل ايام الاسبوع وصعب اختصر العيد إلى يوم واحد

3-ولازم تكون مطيع كتير لزوجتك
عفواً ؟؟؟ انا من حزب لا للزواج حتى اشعار آخر
6- لازم تكون رئتك ملوثة بنسبة 99.999 %

هون عندنا الرئة ملوثة بنسبة 150% واقل من
هيك نسبة :zorro:
8-ولا ننسى الأركيلة
لازم يكون عندك نفس ماكن يعني شفيط نمرة ون :banana:
اما الاركيلة يا ستّي عندنا المعسل شغال 24 ساعة

واخيرا ما بقدر اتنازل عن بيئتي واذهب الى بيئة نظيفة متل عندكون
يعني بالمختصر المفيد اللاذقية عاجبتني كتيييييييييير وماني مستعد انتقل منها
ولكن شكرا على الدعوة


جميع الأوقات بتوقيت GMT +3. الساعة الآن 04:25 AM.

Powered by vBulletin V3.6.2. Copyright ©2000 - 2021
تصميم الموقع وسام عبد العزيز جميع الحقوق محفوظة, Copyright ©2001 - 2021

المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص