منتديات زيدل

منتديات زيدل (http://www.zaidal.com/229/index.php)
-   مواضيع اجتماعية (http://www.zaidal.com/229/forumdisplay.php?f=42)
-   -   قبل وقبل وقبل (http://www.zaidal.com/229/showthread.php?t=13013)

emado1 20th April 2011 10:39 PM

قبل وقبل وقبل
 
قبل ما تقول محاربة الفساد شوف مين عامل الفساد من أبوك لخالك أو عمك وجارك

وابقى بس يوقفك شرطي المرور لا تحط بأيدو المعلوم وادفع المخالفة ... ...
قبل ما تقول طوارئ روح شوف أميركا بعد الساعة5 العصر ما بيسترجي أخو أختو ينزل عالشارع ...
قبل ما تقول زيادة رواتب شوف حالك قديش عم تشتغل بالنهار .!!
قبل ما تطالب بتحرير الجولان روح اخدم عسكرية وحاج تدور عطريقة تتهرب فيها ...
قبل ما تشتكي من الراتب في شي أسمو "تحديد نسل" يعني حاج تجيب ولاد وتقول بدي شربون وطعميون ...
قبل ما تشتكي من البطالة روح تعلم انو الشغل مو عيب ولا تتكبر على 100 فرصة قدامك ...
واتذكر انو مو ضروري بعد التخرج فورا تصير مستشار او قنصل او رئيس مجلس ادارة ...بدها شوية تنازل...
قبل ما تقول حرية الرأي تعلّم كيف يكون الك راي مستقل ومو نمشي خلف اراء الاخرين.. واستقر على رأي واحد .....
قبل ما تطلب تغيير قوانين وتحديث و تطوير خلّي البنت عندك تتعلم و تقول رأيها واعطيها حقوقها كاملة ...
قبل ما تقول هلكونا الضرايب شوف حالك قديش عم تنصب وتربح و تزور وما حدا عم يحاسبك ...
قبل ما تقول "نظام" روح لشي محل وقف ع الدور أو استنى ختيار يقطع الإشارة بدون ما تتحيون وتزمر ...
قبل ما تقول حضارة وتطوير لا تبصق ولا ترمي الوسخ بالشارع ، لأنو هي أرض الوطن اللي انت عم تدافع عنها...
قبل ما تقول ألنا مطالب ..!! لا تبيع صوتك بالأنتخابات وتنتخب هالكم نصاب وهالكم مجرم كرمال كم ليرة ... وروح انتخب حدا يوصل صوتك بطريقة حضارية ...
قبل ما تروح تصلي الجمعة تذكر شو عملت طول الأسبوع من...
قبل ما تقول الشعب يريد ...!!
اتذكر انو انت اللي بتريد وانت بتمثل نفسك وبس
وحسب ماقال سيدنا عمر بن الخطاب: كما تكونوا يولى عليكم فبلش من حالك وعيلتك بالاول وانجح ... وبعدين انزل عالشارع واطلع عالاقمار الصناعية و طالب بتغيير النظام وسياسة الدولة وكل شي بدك ياه




بلادي وان جارت علي عزيزة واهلي وان ضنوا علي كرام

Kinan 23rd April 2011 03:53 AM

تشكر على هالكلمات
الصراحة كلها صح
انشالله بتزول هالازمات و بترجع سورية الى احسن من ما كانت


جميع الأوقات بتوقيت GMT +3. الساعة الآن 06:03 PM.

Powered by vBulletin V3.6.2. Copyright ©2000 - 2020
تصميم الموقع وسام عبد العزيز جميع الحقوق محفوظة, Copyright ©2001 - 2020

المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص