منتديات زيدل

منتديات زيدل (http://www.zaidal.com/229/index.php)
-   الأعضاء الجدد و التعارف (http://www.zaidal.com/229/forumdisplay.php?f=27)
-   -   انشقاق عن الفيس بوك (http://www.zaidal.com/229/showthread.php?t=14537)

hosam danial 20th July 2012 08:26 PM

انشقاق عن الفيس بوك
 
أحبائي واخوتي وأصدقائي .. اليوم اعلن انشقاقي عن الفيس بوك ,, وانضمامي الى موقعي المميز والرائع بعد صحوة ضمير .. وانا اليوم ساكون معكم في هذا المنتدى الرائع الذي جمع ما بين العلم والمحبة .. شكرا لكم ...و لمن لا يعرفني ؟؟ انا اسمي حسام دانيال من زيدل الحبيبة وانا عضو في هذا المنتدة من سنة 2007 ..ملاحظة : انا لغيت صفحتي على الفيس بوك لاسباب عديدة ومنها السياسة والكذب والتلفيق .. وثاني شي حياتي الاجتماعية و العائلية .

الإدارة 20th July 2012 11:03 PM

تسرنا عودتـك أيها الطيب حسام دانيال , ونعود معك إلى أصل انطلاقنا في عالم النت .. شكراً لعودتـك , ونأمل لك أن تلاقي ما لم تجده في تـلك الصفحات التائهة ...

( إيلي سويد )

أمل حنا 21st July 2012 01:35 AM

2 مرفق

الملف المرفق 5975
كآن هــنــآ..~
في كل قسم..له لمسة..
وفي كل زآوية..له بصمة
بحسن خلقه وجمآل أسلوبه ~
علآ. .و ارتفع.. نجمه
ركن أسآسي ..من أركآن المنتدى ..
أخذته مشآغل الحيآة بعيداً عنآ..!!
كما أخذه الفيس بوك..؟؟
واليوم أعآده لنآ الشوق من جديد..
فمن يتنفس أجواء المودة هنا لايحتمل الفراق أبدا ً
وإن غابت فلابد يوما ما ستعود ...
مرحبا بمشرفنا عدد ما خطته الأقلام من حروف
وبعدد ما أوردة بالأرض الورد
مرحبا ممزوجة .. بعطر الورد .. ورائحة البخور
مرحبا بك بين إخوانك وأخواتك ..

:rose2:هلا وغلا مشرفنا حسام:rose2:
حياك الله وألف الحمدالله على سلامتك
وانشاء الله آخر الغيبات
نور المنتدى بطلتك الحلوة
مودتي تسبق ردي
الملف المرفق 5976


Kinan 21st July 2012 05:30 AM

هلا و الله بالخال نور المنتدى برجوعك

http://dc03.arabsh.com/i/02590/hoty8i3j61ya.gif

ziad sattah 21st July 2012 12:55 PM

إنشقاق ؟؟؟؟
بالرغم من الصورة السوداوية للكلمة , إلا ّ أنها في هكذا حالة هي تصحيح وضع و عودة إلى الجذور .
أهلا ً بكم سيدي الكريم , على أمل أن يرافقك باقي أفراد مجموعة منتدى زيـــــــــدل .
بالنسبة لي : سأبقى عميل مزدوج بين المنتدى و الفيس بووك أحارب على جبهتين .

:rose2: :rose2:

ثناء البيطار حيدر 21st July 2012 03:30 PM

اقتباس:

المشاركة الأصلية كتبت بواسطة ziad sattah (المشاركة 57019)
بالنسبة لي : سأبقى عميل مزدوج بين المنتدى و الفيس بووك أحارب على جبهتين .


:rose2: :rose2:


أهلا بالغالي حسام نورت بيتك الجميل
أما أنا فالأستاذ زياد تحدّث بلسان حالي

:rose2:

hosam abdulaziz 21st July 2012 04:13 PM

اهلا و سهلا خال عن جديد كلنا مقصرين بهالفترة بحق المنتدى و الاسباب هو ما يعيشه بلدنا الحبيب سورية هذه الايام
بس يا ريت تسهب شوي بالشرح عن اسباب تركك للفيس بوك ربما بنستفيد من تجربتك
مثلا شو تاثير الفيس بوك عصعيد العائلة ؟؟؟؟ طبعا اذا ما في احراج الك
انا شخصيا كنت رافض قطعيا الانضمام اله و السبب انه بعرف سلفا انه ما رح يقدملي شي ذو فائدة عن ما يقدمه لي الانترنت عموما بدون الفيس بوك.
بس يعدين عملت حساب كرامة جروب العائلة و عمليا ما بفوت نهائيا الا لزيارة و المشاركة بهالجروب
و هالشيء ما عملي اي ازعاج و بالعكس وجدت فائدة ملموسة من الفيس بوك.

hosam danial 21st July 2012 07:31 PM

شكراً الكن جميعاً وعلى ترحيبكن
.. الصراحة اتذكرت اول ما انضميت للمنتدى
.. ما بدي طول عليكن .. بس من شان كلمة (انشقاق ) حطيتها لاني فعلاً انشقيت عن مجموعة انا رح سميها مجموعة (( ال لاواقعية )) وهيي مجموعة المؤييدين والمعارضين لايعرفون الا التحاليل السياسية النابعة من لا شئ وبدون توثيق .. وخلوني احكي بالمشرمحي .. صرت شوف ولاد زيدل عم تسب وتشتم بعضها بإسوء الكلمات ... وزيدل رح تتبرى من هؤلاء لانو انا بعرف كيفك ولاد زيدل تربت ... ومنشان الوضع الاجتماعي والعائلي ؟؟ كنا نفوت على منتدى زيدل مرة او مرتين باليوم لنشووف شو نازل جديد من علم وادب وضحكة ونكثة .. من اروع ناس ..
.بالفيس بوك كل ثانية بتفوت لتشوف سخافات وحتى السخافات بيكتبولك انها (( منقول )) المهم صار بالمحل فيس بوك وبالبيت فيس بوك وين مارحنا فيس بوك حتى صار بل اي فون و بل اي بات يعني صرنا نقعد مع ونسهر مع الناس وعقلنا بهالفيس بوك (( طبعاً انا عم احكي عن حالي )) وبدون ما نحس صرنا عبدة الفيس بوك . على فكرة انا وقت لغيت الصفحة تبعي كان عندي 1407 صديق .. وكلهن بحبهن و غاليين عليي .. بس ما فيك تشوف اللي بتحبن وبتريد الخير الهن انقسموا لقسمين ميلشيات معارضة ومليشيات مؤيدة .. .. خليكن بصفحاتكن .. بس نصيحة لا تصيروا من عبدة الفيس بوك لانو مثل مرض السرطان من غير شر يصيبكن .. بيدخل بالجسم شوي شوي لحتى يفتك فيه . شكرا الكن جميعاً

بتمنى ما حدا يرد عليي رد سياسي لانو مليت ... .. ما بدي ارجع انشق من هالمنتدى لانو غالي عليي .

سناء جلحوم 21st July 2012 10:28 PM

إنشقاق سلمي
 
سلام للكل ....بما أنو نحنا بزمن الإنشقاقات ورغم سوداوية هالكلمة متل ماقال زياد عم فكر إنضم لحسام ....ولكن قبل لازم نعرف شو المغريات ..يعني شو ممكن نرجع نلاقي هون ....هلق رح يبقى المنتدى هيك عالإدارة وبس والمشرفين غايبين ....
أكيددددددددد لا .

يلا شدوا الهمة لنرجع نعرف قيمة الحرف وقيمة الكلمة ....كم يوم وبنشق مابحب السكتات القلبية متل ماعمل حسام اليوم ومتل ماعملت أنا والدكتورة مريم بيوم .:nonono:

تحياتي للمنشق الأول حسام

وتحياتي لكل الأحباء بمنتدى زيدل

مابيدملك الا قديمك :becrazy:

حسام انا ردي إجتماعي ماتزعل :rose2:

زهرة الصحراء ....
مش عارفة اذا بعدني زهرة عندكم :cheers:

Elie Swed 22nd July 2012 01:26 PM


عسى أن تكرهوا شيئاً وهو خيرٌ لكم .. هل أستطيع أن أفهم بأنكم تعبتم من غربةٍ أبعدتكم عن موقع كنا معاً في بداياته وكان لنا نافذة إلى عالم أوسع وصداقات أشمل .. أتمنى أن يكون هذا الانشقاق هو نقطة بداية لعودة كل الذين هجروا صفحات المحبة والحب والعطاء .. كلي أمل بذلك .. شكراً لعودتكم التي أتمناها أن تكون دون انقطاع .. لمرة .. ولمرة .. ولمرات .. أرحب بكم من جديد ..

سناء جلحوم 23rd July 2012 02:21 PM

إنشقاق قسري
 
شكرا حبيب العمر للترحيب والشكر الكبير لجهودك ولأمانتك بإدارة منتدى زيدل بغياب الأعضاء المؤسسين والمشرفين
نحنا اليوم ولاد اليوم ومش وقت العتب ولا وقت اللوم ولكن الكل يعلم سبب إنشقاقنا السابق عن منتدى زيدل
بيعتقد البعض بأنو المنتديات عالم خالي من المشاكل والترهات وأن رأيي العكس تماماً وأكتر الخلافات بتصير بكتير من الحوارات والنقاشات وأحياناً بتوصل للتحديات ولكن منعزي حالنا أحياناً تكون النتائج سلمية إيجابية بسبب الضابط الإداري اللي منفقدة نهائياً على الفيس بووك .
فقط للتوضيح ومن دون شرح مفصل وتصحيح ...مش لازم نقلل من أهمية هالعملاق الجبار اللي سموه فيس بووك ...واللي للأسف إتحول لكل شي إلا ماتعني حقيقة هالكلمة ...بالنسبة إلي كان عالم حلوا كتير عرفني على أصدقاء حول العالم ربطتني معهم صداقات رغم إختلاف مذاهبنا وعقائدنا وتوجهاتنا ...كانت الصفحة الرئيسية موسوعة تنشط دائماً مخزوننا الثقافي ...
بتعرفوا مابيلزم هالحكي كتير ....بس إذا كل العصافير هجرت العش الأم مابيبقى إلها رجا ولا أمل ...فالعالمين أكيد رح يبقوا حلوين .

مرة تانية شكرا للترحيب حبيب العمر تحياتي وإحترامي لك سيكون لنا لقاء مميز إنشالله على تلال من الفرح لنا وللوطن .

م: أيمتا بدنا نخلص من قصة أهلا خال ....الخال بالبيت حسام مش بالمنتدى لازم نرجع نبدا صح :becrazy:

سناء جلحوم 23rd July 2012 09:28 PM

للتذكير فقط
 
طلال يريد تغيير النظام


نكشة بس مافي قصد

وحسب نواياكم ترزقون وإذا ماإنكوشنا ببعض بمين بدنا ننكوش مع أنو مش أيام نكوشة بيكفينا اللي عم ينكوشوا بالوطن

:mute::mute::mute:
تحياتي

Kinan 24th July 2012 01:15 AM

بغض النظر عن موضوع طلال كنو نكشي او لا .. و كنو بقصد او بلا قصد (مع انو بعتقد في قصد)
بس انا معك بالفكرة انو المنتدى صار بدو اعادة هيكلة للاداريين
طبعا شكرا لجميع المشرفين الحاليين لما قدموه للمنتدى ...........
ولكن قسم كبير منهون الو على اقل تقدير اكثر من 6 شهور ما شارك بالمنتدى ابدا .. بغض النظر عن الاسباب

بتامل انو اعادة هيكلة لطاقم المشرفين لمن يسمح له الوقت و الظروف بانو يكون مشرف فعال بالمنتدى على امل انو يتحسن اداء المنتدى بعد فترة هالركود اللي مرق فيها و اللي كانت الظروف اللي عم نمر فيها و الفيس بوك الهون اكبر سبب بهالشي

الإدارة 24th July 2012 02:31 AM

مني أنا :
( أول شي شكراً سناء لكل كلمة كتبتيها كما أشكر كل المعلقين على الموضوع ), وبرجع قوووول مني أنا ما عندي مانع لأي شي بتطلبوه أو بتشوفوه جيد لصالح المنتدى ليبقى متألق, وطبعاً ما رح أخفي سر إذا قلت أني بعتلو رسالة لحسام بقلو فيها يجب التغيير لكل طاقم الإدارة والمشرفين , وتركت الأمر تا يشوف حسام شو ممكن يساوي بهيك أمر , وبما أنكم راجعين ( أو بالأحرى ارجعتو ) بتمنى تبقو وما تهجروا المنتدى من تاني, حتى تتواصل اقتراحاتكم مع حسام لبناء هذا الصرح من جديد, وعليي أنا إني كون متـل ما بدو الجميع .. بشرط تعودوا ..!!

( إيلي سويد )

سناء جلحوم 24th July 2012 01:03 PM

والله مش قاصدة نكش
 
كنان كل العالم خير وبركة وعني أنا بحترم وبقدر كل شخص إتعرفت عليه على صفحات الفيس مهما كانت أحواله وأشكاله ولكن مابخفيك بأنو الحنين دائماً بيكون دائماً أكبر لأحباء أصدقاء جمعني فيهم هالموقع وهالشي طبعاً بيرجع لكتير أسباب أهمها إني بنت زيدل وهالموقع المفروض يكون جامع أولاً أهلي وأحبابي ومن ثم فيما بعد كل اللي إنضموا لموقع ومنتدى زيدل
أسماء كتير بتعن عبالي وخصوصاً المؤسسين اللي مكانتهم اليوم متل ماكنت بالفكر القلب ...تحياتي إلهم جميع
وخصوصاً الدكتور فيكتور وردة ...ووسام ...وجورج عرعوش ...وحسام ...وعبودي ... وندوش..والدكتورة مريم ... طلال ...وسمر...ورشا ... سليمان ...الكتور ماجد ...أستاذ زياد اللي بيوم كان الوا محطة حلوة لاتنسى ...ولجميع الأسماء العزيزة اللي كانت واللي وصلت فيما بعد بإنتظار لقائهم من جديد إنشالله ....


مع محبتي للجميع .......ومرة كمان ألف شكر لكل عمود فقري سند منتدى زيدل لتاريخ اليوم


جميع الأوقات بتوقيت GMT +3. الساعة الآن 05:54 AM.

Powered by vBulletin V3.6.2. Copyright ©2000 - 2021
تصميم الموقع وسام عبد العزيز جميع الحقوق محفوظة, Copyright ©2001 - 2021

المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص