منتديات زيدل - إم الفقير

إم الفقير
=======
حمص مش طين وحجر وبيوتْ .....حمص عَ خدود المدى ضحكهْ

صعب يوسعها عَتم تابوتْ..........من هيكْ عَ اللي راحْ لا نِبكي

حمص نغمهْ والزمانْ سْكُوتْ..........وعا كتف غَيمة بدرها مِرْكِي

حمص طفلة بقلبها مبحوتْ ..........طُهْر وشقاوة وروحها حِرْكة

من بوابها لما الفقير يفوتْ .............خِبزاتها يصيرو معو شِرْكهْ

هيي مدينة عِشْق ما بتموتْ...لو حِكَيو أهلا , وقِلْت عنّهُن خُوتْ

فيهُن بيكونْ الجِنْ عَمْ يحكي
===============================
ماجد سطّاح
08/05/2014