منتديات زيدل

منتديات زيدل (http://www.zaidal.com/229/index.php)
-   حوارات سياسية (http://www.zaidal.com/229/forumdisplay.php?f=30)
-   -   إلى كل لبناني و سوري .. أرجو القراءة (http://www.zaidal.com/229/showthread.php?t=4172)

انطونيو 29th May 2006 06:09 AM

إلى كل لبناني و سوري .. أرجو القراءة
 
كتبت بالدم و أرجو من كل لبناني و سوري أن يقرأ ماذا كتبت:rose2:
.
.

ادخلو الرابط:rose2:
.
.
.
.
..

http://www.bloodyfingermail.com/message.php?id=1155529

سناء جلحوم 29th May 2006 07:52 AM

شكراً جزيلاً أنطونيو
الرابط رائع
والفكرة أروع
وأسم أنطونيو لايقل روعة عن الإثنين
أهلاً بك في منتدى زيدل وشكراً لتواجدك

لبنان + سوريا = دم واحد

:cheers:

قولك هالشعب بعد اليوم رح يقبل بها الحكي

:uzi:

زهرةالصحراء



انطونيو 29th May 2006 09:39 PM

شكرا كتيير لمرورك زهرة الصحراء

ويمكن ضل كم واحد بيقبل بهالحكي وياريت نرجع سوا متل ما كنا

بتذكري غنية فيروز سوا ربينا
قولتك منشان نرجع لازم يشدو هالفنانين الهمة شوي

ملاحظة أنا اسمي أنطون بس دلعي انطونيو ميرسي لمرورك

سناء جلحوم 29th May 2006 11:16 PM

بعض الأسماء بتدخل القلب من دون إسئذان
طبعاً لأسباب بتكون خاصة جداً
تصغيير إسمك من أنطوان لأنطونيو زاد الإسم دلع
وإذا بدنا نزيد الدلع ليزيد حلا فاسم طوني رح يزيدلأسمك بقلبي غلا

سوا ربينا غنية للست فيروز مش مرفوعة على النت بيوم خصصتها لأحد المنتديات الغالية لشخص غالي على القلب فإذا موجودة ضمن مجموعتك الغنائية أسمعها يا أنطونيوا وأتذكر فيها كل اللي ربيوا سوا بيوم بإلفة ببلدين شقيقين متجاوريين..... وكل الأعضاء الأحباء في منتدى زيدل الخضراء .

أهلا أنطونيو :hearteye:


زهرة الصحراء

syrian eagle 30th May 2006 12:06 AM

ما بقى بينفع
 
تحية للجميع:

شكرا سيد أنطونيو على جهودك و شكرا آنسة وردة الصحراء على مشاركتك

الذي حدث أكبر بكثير من أن يندمل و الشرخ كبير و اللبنانيين الذين ادعو الأخوة قامو بعض اليد التي مدت لهم و أنقذتهم من الحرب الأهلية

حرق العلم السوري في وسط عاصمة المياعة بيروت و قائدنا الشريف بشار حافظ الأسد أهين من قبل اللبنانيين و عمالنا قتلوا و سياراتنا كسرت و بلدنا أهينت
لن يرق قلب السوريين بعد اليوم و الغالبية العظمى تؤيد القطيعة مع لبنان و لن نهتم لأغاني فيروز و غيرها و لن يكون للعاطفة مكان بعد اليوم

اتهامات و اتهامات كثيرة كلما قتل جرو في بنان يقال سوريا , جنبلاط المعتوه لا يفوت فرصة إلا و يشتم النظام و الرئيس السوري هو و جوقة الحثالة المسمين الأكثرية

ادخلو إلى أي منتدى لبناني و انظروا إلى الحضارة في مهاجمة سوريا و كأنها العدو لهم

على أي حال انتهى عصر المودة الذي كان من طرف واحد و لن نكون كسوريين أبدا بسطاء و سيدفع الثمن كل من سولت له نفسه أن يهاجم أسد سوريا و شعب سوريا

انطونيو 30th May 2006 12:23 AM

زهرة الصحراء

شكرا كتير كتير يا مثال الرقي اللي بيتميز فيه الشعب اللبناني

بشكرك لوجودك معنا وبشكر كل القيمين على موقع زيدل

ويا ستي فيكي تناديلي طوني مو مشكلة

أغنية الست فيروز موجودة عندي بس C7 مش CD وما بعرف نزلها غير اذا كانت CD

بس رح حاول اعمل Search ع الانترنت بركي بشوفها

وهيدا الرابط فيكي تعملي بحث لأي أغنية بدك ياها

http://search.6rb.com/

وتحية كتير كبير للنسر السوري و بخبرو اذا انت اخد فكرة انو كل لبنان هيك

بتكون كتير غلطان

أنا هون بالغربة معظم أصحابي من لبنان و هنن مثال للأخوة والمحبة

mariam 30th May 2006 01:20 AM

بعمرنا ما بناخذ بالكلام الانفعالي لانو فيه كثير تسرع .........اهلا فيك انطونيو وبتضل لبنان بلد حضاري ولو بدنا نحاسب كل بلد عا آراء بعض الشخصيات فيها وخاصة من هذول اصحاب المصالح الشخصية كنا قلنا عالدنيا السلام .........يا نسر سوريا اتاكد انو اسد سوريا ما ممكن يحاسب اللبنانيين او يعاملهن بناء على بعض الشخصيات المريضة بمصالحها وارتباطاتها مع العدو واتاكد انو الشعب السوري بيضل مع الشعب اللبناني اخوة ويمكن هلق آخذين عا خاطرنا شوي بس الواحد لو زعل بيزعل من ناس بيحبهن وبيعتب عليهن لهيك الشعب السوري ما تعود ياخذ مواقف بناء على مواقف شخصية من بعض تجار الحروب ...........وبنضل شعب واحد ولو تزاعلنا شوي لاتنسى انو عنا كثير ناس استفادو من وجودهن بلبنان وغلطو واذا الشعب اللبناني رح ياخذ موقف من الشعب السوري منشاهن بيكون وبنكون غلطانين .........كشعب ما لازم نضل نطبل ونزمر بابواق بعض تجار الحروب من البلدين لانو هاذ المطلوب يقسمونا لنضعف ....نحنا واللبنانيي جناحين ما بيصير ينكسر واحد منا اذا بدنا نحّلق .........وما ممكن نطير بجناح مكسورة ...............ياريت نخلي شوية محبة بقلوبنا وما تجرنا انفعالات متسرعة.........

syrian eagle 30th May 2006 03:13 AM

لا انفعال ولا شي , هيدا موقف ثابت و موقف معظم السوريين و أكيد أسد سوريا أكبر من هيك حثالة و ما منقبل ينزل مستواه إلهون و هو اكتفى بكلمتين وجهون للبنانيين وللرأس المدبر: ( عبد مأمور لعبد مأمور)

و أكيد اللي اتخذوا هالمواقف مو قلة قليلة و هني بيفتخروا بالمسيرة المليونية اللي خرجت حاملة المكانس و اللافتات المهينة لسوريا
يمكن كلامك صحيح بالنسبة لشعوب الدول التانية متل الأردن و العراق اللي بيبقى الشعب فيها بمعزل عن اساءات مسؤوليه نحو سوريا و ما شفنا هجمة جماهيرية من أي دولة منهم ع سوريا , بينما بلبنان التعاسة و التبعية و النخاسة شفنا الملايين عم تهين شرف سوريا

و بأكدلك إنو الجرح كبير و العقاب عسير و غدا لناظره قريب ...........

tomassen 30th May 2006 10:46 AM

مين قال انو سوريا ولبنان اتنين
يعني شوية تخبيصات سورية على شوية هرطقات وليدية مخلوطة بالسخافات المروانية والتفاهات الحريرية ما لازم يهتملها الشعب باللبنان الغالي وسورية الأبية

سناء جلحوم 30th May 2006 01:38 PM

أول مرة بكون متفائلة هالقد
 
أنا سعيدة جداً بوجود بعض النسور السورية اللي بتحلق بالعالي من خارج سوريا ولكنها عم تحمي سماها ومن بعيد بعيون ساهرة .
مش رح ضيف أي كلام عاللي قالتوا الدكتورة مريم إلا فكرة حتمية صغيرة وهي خضوعنا جميعاً لموضوع الإقليمية شئنا أم أبينا .,
وعندها مش رح يكون باليد أي حيلة إلا إعادة الإخاء عن جديد بين الشعبين .
ووقتها المواقف الثابتة يانسرنا العزيز مابتفيد كتير ومتل ما أستقبل الشعب اللبناني المحكوم اليوم الجيش السوري في عهد الرئيس الياس سركيس بالرز على مشارف بيروت والكحالة ورجع تم التهجم عليه بوسط بيروت لشحطهم بالمكانس متل ماذكرت مش رح يكون من المستحيل توليد حالة جديدة من الإلفة والمحبة بين هالبلدين ونسيان مرارة ذكريات الماضي ولكن الشي اللي دائماً منخاف منوا هوي التفرد الشخصي بالتفكير البعيد تماماً عن تفكير دولتنا الحكيمة .
رح يبقى إيماني كبير بأنوا كل الهرطقات اللي ذكرتيها عزيزتناtomassen رح تزول قريباً إنشالله ورح يرجعوا سوريا ولبنان بلد ببلدين .

لذلك خلي إيمانكم متل إيماني بلبنان وبسوريا وبالله كبير ......... ولابد ماتُفرج إنشالله .


زهرة الصحراء :syria:

tomassen 30th May 2006 02:26 PM

http://arabic2.salmiya.net/songs/fey.../feyroz161.ram

http://www.damascus-online.com/48/mu...tu_majdaki.ram
على امل السلام يعم البلدين والمحبة تسكن قلوب الشعبين

fr george massis 30th May 2006 05:40 PM

أهلا أنطونيو
 
حبيت اسم الدلع انطونيو كثير لأنو فيه شي من البرازيل حبيبتي الثانية............
مرحبة فيك ونحنا معك أنو دم واحد بتعرف ليش
ببساطة لأنو ماجمعه الله لايفرقه انسان
وبدل غنية سوى ربينا بدي منك تروح على الكسليك بحد الجامعة من فوق في سناك شيخ الشباب بتطلب منقوشة زعتر اكسترا بتاكلها وبتتذكرني اتفقنا
والله معك............................

mariam 31st May 2006 02:02 AM

والله يا ابونا مناقيش الزعتر اللبنانية ما بتنسى وان كان مليون حملو مكانس كان في بالشارع الثاني اكثر من مليون عم يحيوا سوريا فاذا كانت المجموعة الحاكمة هلق معها وسائل اعلام مو معناتو نظلم الملايين الثانية اللي غامرت بامنها لتقول كلمة حق ..........واذا كان جرح السوريين كبير من بعض اللبنانيين مو معناتو نصب غضبنا عا الكل في ناس لسا فيها خير وما في لزوم نذكر اسماءها وكتلها اللي عم تعيش اصعب اللحظات لتغير من سلوك بعض الفاسدين والخونة في لبنان ومنشان هذول ما بيصير نحطهن بين المطرقة والسندان والا كنا اسوأ من غيرنا ونحنا ما بنتمنى نكون بيوم مثلهن واللي من سوريا شاركهن هاي الخيانة من فترة كان سيفو عا رقابنا وما حدا يقدر يقول لا الا اذا كان عا قولة رشا ايدو طايلة ....فيا ريت نخلي شوية محبة لكل لبناني شريف ونكون معو مو نحنا والزمن عليه............وانشالله بناكل مناقيش مرة ثانية بلبنان وبنتنزه عالبردوني

syrian eagle 31st May 2006 05:05 AM

تحية للكل:

أكيد في لبنانيين شرفاء و لكنهم قلة قليلة . لأن الشعب اللبناني شعب منقاد كالقطعان خلف قادة دينيين أو سياسيين و موقف هذا القائد يحدد موقف القطيع كله , لذلك غاب عامل الثقة عندنا نحن السوريين بهؤلاء المزاجيين.
أما موضوع ( منقوشة الزعتر): فما هذا الإعجاز و هل هي قنبلة ذرية مخترعة محصورة في لبنان , و هل تستدعي كل هذا العشق و التغني و المواويل و و و و , و هل هي حرير نادر أو بضاعة نفيسة لا تتواجد في سوريا !!!!!!!!!!!!!!!!!!!!!!!!
على أوتستراد طرطوس- اللاذقية عشرات المحلات الصغيرة ( ما يسمى بالتنور) مختصة بالمناقيش و كل منقوشة من هذه المحلات الشعبية البسيطة تساوي عندي محلات و مطاعم الكسليك كلها بكل عجرفتها و تكبرها
رجاء يا إخوان كفى بساطة و انبطاح و كفى تصغير من شأننا و شأن سوريا العظيمة , حتى المنقوشة اللبنانية صرنا نفرد لها مقال و ردود , يا خوفي أن نطالب قريبا بجائزة نوبل لنانسي عجرم أو جاد شويري و أن نوقع عريضة نرفعها للفاتيكان لتطويب فيروز مثلا"

عاشت سوريا الحضارة و العروبة و لتبقى شوكة في حلق كل الأعداء و الحاقدين

انطونيو 31st May 2006 07:21 AM

النسر السوري ملاحظ حالك انك وصلت لمرحلة الأهانة بكتاباتك للشعب اللبناني بنقدك

الجارح

ومو بس الشعب اللبناني انت عم تهين شعبك السوري لأنك واحد منن

وعن جد لاتحاور جاهلا لكي لا يغلبك في النهاية :argue:


منشان هيك ياريت انو نسكر الموضوع لأنو وجود راس متل راسك ( قمة بالعناد )

ما بظن رح نوصل لمرحلة حلوة مع لبنان


يا ويلي الحقد :pullhair:


جميع الأوقات بتوقيت GMT +3. الساعة الآن 03:25 PM.

Powered by vBulletin V3.6.2. Copyright ©2000 - 2021
تصميم الموقع وسام عبد العزيز جميع الحقوق محفوظة, Copyright ©2001 - 2021

المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص