منتديات زيدل

منتديات زيدل (http://www.zaidal.com/229/index.php)
-   النكات و القصص الطريفة (http://www.zaidal.com/229/forumdisplay.php?f=13)
-   -   مواقف طريفة (http://www.zaidal.com/229/showthread.php?t=17893)

Safaa Bshara 19th August 2014 01:37 PM

مواقف طريفة
 
بتمنى من كل أعضاء المنتدى المشاركة
وكل واحد يخبرنا عن موقف حصل معو او مع أحد أفراد العائلة
يلا هاتو لنشوف ويسعد أوقاتكن جميع

سالم عبد العزيز 20th August 2014 01:09 PM

اقتباس:

المشاركة الأصلية كتبت بواسطة safaa bshara (المشاركة 63002)
بتمنى من كل أعضاء المنتدى المشاركة
وكل واحد يخبرنا عن موقف حصل معو او مع أحد أفراد العائلة
يلا هاتو لنشوف ويسعد أوقاتكن جميع


السيدة الكريمة كاتبة الموضوع

اهنئك على هذه الفقرة الظريفة جدا واعتقد انها جديدة في المنتديات


والحمد لله نحن في قرية زيدل الحبيبة لدينا الكثير من الظرفاء تركوا لنا إرثا

من المواقف جميلا جدا وخزان مليء بالاحداث المضحكة

وعلى هذا الاساس . اقترح وبما اننا جميعا لا تخلو حياتنا من تلك الامور

ان يرشح الكاتب الاول شخص اخر يختاره كما يشاء ليكتب بعده

وانا سأطبق هذا على نفسي وسأكتب اليوم

اذا كان كهربا مهربا

دومي بخير ونرجو ابداء الرأي

عبد العزيز 21st August 2014 07:39 PM

أالصديقة صفاء يسعد أوقاتك بالرغم من أن الموضوع المطروح من قبلكِ شيّق وجميل ولكن كأن أعضاء الموقع الأكارم لا يملكون الجرأة الكافية للخوض به فحتى الآن لم يبادر أيّ عضو في المشاركة وكان الأجدر بكِ أن تفتتحي أنتِ الموضوع بموقف طريف حدث معكِ ,,, ومع ذلك وتشجيعاً للجميع سأذكر هذه الحادثةالتي جرت معي من فترة .
كنّا نسهر في بيت أحد الأصدقاء وكنّا مجموعة مؤلّفة من 6 أشخاص وفي نهاية السهرة ودّعنا أهل البيت وخرجنا لنعود إلى بيوتنا وعندما أردنا لبس أحذيتنا تفاجأنا بأنها غير موجودة في مكانها فدبّرنا حالنا وعدنا للبيت وعند وصولنا تفاجأنا مرّة أخرى بأنّ أحذيتنا موجودة على باب منزلنا هذه القصّة حدثت فعلاً ولكن أترك لكم حلّ هذا اللغز وكيف انتقلت الأحذية في تلك الليلة من البيت الذي كنا نسهر به إلى بيتنا
وشكراً للأخت صفاء ودمتم بخير,,

سالم عبد العزيز 21st August 2014 09:34 PM

ههههههههههههههههههههههههههههههههههههههه
حلوة
وانا صارت معي بس بالزمان كان عنّا كلب اجّلكم هو من عمل ذلك


ماجد سطّاح 22nd August 2014 02:00 PM

من زمان ..أيام الباكالوريا ..كنت أنا وموسى سطّاح (أخو الأستاذ زياد سطّاح) بفرد شعبة ..
تعوّدنا ندرس عند بعض .....وكانت مسائل الفيزيا اللي يعطينياها الأستاذ (هاني باخص الله يذكروا بالخير )..تاخذ وقت كبير ..,وكنّا أي مسألة آخدينها وظيفة لازم تنحل ..مهما كلّفت وقت وجهد ...وفي مرّة بعد 4 ساعات متواصلة دراسة وحل مسائل فيزيا طلعنا من بيت موسى أنا وموسى وبنص الطريق لبيتنا ( حوالي الساعة 8 المسا ) ونحنا ماشيين وساكتين , واجهنا حدا بالطريق وبدل محسوبكُن ما يقول ( مسا الخير ) ...قال باللاشعور وبصوت عالي بالشارع ( سين - ري ) يعني (سر ) وهو رمز (السرعة بمادة الفيزيا ) ...و حالاً ..فقعت معنا الضحكة بالشارع أنا وموسى ..وهداك الشخص صار يتلفت حواليه ومو عارف شو القصة ..ونحنا ركدنا لقدام مخبين وجهنا وخجلانين من حالنا ..
هالحادثة صرلا من عام 1987 ..بس بعدني بذكرها بتفاصيلا وما بنساها ..
= فصل تاني ..صار معي وقت قررت من بعد تخرّجي من كلّية الطب بحوالي الست أشهر , قررت إنّي سافر تحتّى جيب مصدّقة التخرّج من الكلّية بحلب ..كنت فاتح عيادة وما عم داوم بأي وظيفة بإنتظار البداية بمرحلة الإختصاص .....وبصباح أحد الأيام رحت على كراج البولمان وقطعت تذكرة وتوجّهت إلى حلب ...وبعد ساعة سفر تقريباً ..ومن بعد مدينة حماة ..وتحديداً بقرية (مورك )..سمعت واحد من الركاب مقابيلي عم بيقول للراكب اللي جنبو :
-لولا ما اليوم 8 آذار كنّا ساوينا هالمعاملة بطريقنا ...
رد عليه رفيقو :
- إي والله يا صاحبي ..يالله ...غير جيي بنساويها ..
وطبعاً محسوبكُن صفرنْ ...وقلّن للشباب اليوم 8 آذار ؟؟...((وبيني وبين حالي " يعني الجامعة معطلة "))
قالوا ...إي خيوو ..إيش فيييييي؟؟
ناديت للمعاون فوراً وقلتلوا :..وقفلّي الباص لو سمحت ..نسيان شغلي بحمص بدي إرجع جيبها ...
ونزلت (بمورك) ..ورجعت بوجهي على زيدل ...
الله يرحم هديك الإيام ..

Elie Swed 22nd August 2014 09:30 PM

الله يسعد ايامكن يا رب .. قصص ظريفة وحلوة بس محسوبكن فاقد الذاكرة منشان هيك ما عم يطلع معي شي عاملو أو صار فيي زمان ... وأكيد إذا فطنت رح نزل مصايبي هون ... ههههههههه يسعدكن الرب .. ( سيدتي صفاء , سيد سالم , الأستاذ عبد العزيز , الدكتور ماجد ) وكل من سيأتي ويخبرنا قصتو .. شكرا لكم .

سالم عبد العزيز 22nd August 2014 10:09 PM

هههههههههههههههههههههههههههههههه

اسعد الله اوقاتك دكتور ماجد

واضحك الله سنّك


ضحكت من كل قلبي

وخاصة القصة الثانية

ومثلها الي قريب لزم كمان كان عم يدرس بالشام

بدو يرجع اجازة على حمص ركب بالباص ومن عادتو بينام بالباص

بعد ما غط بنومي سمع المعاون عم بيقول:

يالله يا شباب اخر موقف سأل وين صرنا قالولو هون صرنا بحلب

طلع انو مارق على حمص ونازلين ركاب حمص وهو مانو صحيان

بتصير

دومو بخير

Safaa Bshara 28th August 2014 08:47 AM

فكرة حلوة كتير اخ سالم ........... يسعد صباحك
انا صار معي انو بسهرة راس السنة نشرت غسسيل وباخر السهرة طلعت لفوتهن قمت ما لقيتهن للغسيلات هههههههههههه

Safaa Bshara 28th August 2014 08:52 AM

ههههههههههههههههه قصة حلوة عمو عبد العزيز بس والله فعلا غريبة كيف انتقلت الاحذية هههههههههههه

Safaa Bshara 28th August 2014 08:57 AM

ههههههههههههههههههههههههه ضحكت من كل قلبي دكتور يسعد ايامك

Safaa Bshara 28th August 2014 08:58 AM

سيدي الكريم حبيب العمر اساتك شباب يا زلمي ازا انت فاقد الذاكرة لا عتب الله علينا لكن هههههههه يسعد اوقاتك

سناء جلحوم 30th August 2014 01:06 PM

ليتشي محل معروف كتير
 
مش من زمان من 15 يوم تقريبا كان عنا عرس والعروس العزيزة طالعة من بيتنا مشان هيك كنت لازم افقع فستان غير شكل :mute::mute:

من شهر كنت نقيت واخترت واخدت القياس بمحل انا زبونة فيه من سنين ...
للأسف ولا مرة صار غلط الا هالمرة ورحت وكان وقت القياس الفستان في غلط والشغل فيه ماكان بالسهل كونه كله مشكوك بالخرز...

المهم بعد اخد ورد وشغلنا المحل مشي الحال وظبطت الأمور ومن عندهم لعند الحلاق وصلت ولكن كنت معصبة شوي ....والصالون مليان وسألوني عن السبب فخبرت انو هيك صار معي وبآخر وقت ولكن مشي الحال ...

زبونة بالصالون بتسأل أوف ومين هاد المحل أنا بعرف كل محلات الزلقا وجل الديب؟؟؟ .وهون حظنا الجمال ويلي جاوب أنوا حضرتك ما الك علاقة ولقيتها كبيرة... وويلي اكذب وهيك بكون شوي مهذبة قـــ إخترعت بثانية اسم محل مش ببالي وقلتلها ...المحل اسموا (( ليتشي )) عرفتي ...حد الماكدونالز دغري مابيضيع ...

ويأتيني الجواب : يه كيف مابعرفوا بنت إختي من سنين بتشتغل فيه وهييي المسؤولة عنوا !!!

.ووقتها يارعاكم الله عصرت حالي و ماعرفت شو اعمل بفقع من الضحك أو بموت من البكي ...بس إنوا لقيت عيب إضحك وليه بدي إبكي ..........فقلتها وبأقل من ثانية عرفتها لبنت إختك ولو وووومسؤولة كبيرة بالمحل هههههههههههههه ...وخلصت القصة براس مرفوع للسما :laugh@u2:

والله يلعن هالطبع اللي عندي مشان ماقول الحقيقة وزعل العالم دايما باطلها بجلدي :pullhair::pullhair:

دكتور ماجد قصتي أسلس وأهضم من قصصك مع انو ضحكت من قلبي على سر سر سر ...


دمتم جميعاً بخير وشكرا صفاء عاموضوع اللطيف .....:rose2::rose2:

Safaa Bshara 1st September 2014 07:57 AM

ههههههههههههههههه بعين الله سنوءة نحنا المشكلة ما منعرف نكذب هههههههههه وقلبنا طيب كتير لانو حبل الكذب قصير بس منيح انو مشي الحال ههههههههههه يسعد كل أوقاتك سنوءة

عبد العزيز 1st September 2014 08:11 PM

مواقف طريفة
 
صارت معكم شي مرّة ؟؟؟
كلّفني أحدهم بتطعيم شجرة فذهبت لعنده بالوقت المحدّد واتّجهت فوراً لمكان الشجرة ولمّا لم أجده في الحديقة أخرجت الخليوي وعلّمتلو حتي يعرف إني حضرت وأعدت الجهاز لجيبي وبعد قليل جاء الرجل وبدأنا العمل إلاّ أنني كنت أسمع أصوات قريبة منّي فسألته عن مصدر الصوت فأجابني بعدم معرفته فبدأنا البحث عن مصدر الصوت فلم نجد أحداً على مقربة منّا والصوت مستمر فاقترب الرجل منّي وقال الصوت قريب جدّاً وكأنّه يصدر منك فأخرجت الجهاز وإذا هو مصدر الصوت استغربت جدّاً ولكن اكتشفنا أن الجهاز غير مطفي ومصدر الصوت يأتي من جهاز الرجل الموضوع قرب التلفزيون ؟؟؟؟؟؟؟ والنتيجة خسارة 120 وحدة ؟؟؟؟؟

ماجد سطّاح 5th September 2014 01:27 PM

عن Desert rose
اقتباس:

دكتور ماجد قصتي أسلس وأهضم من قصصك مع انو ضحكت من قلبي على سر سر سر ...
ما في شك وعادي جداً .....طالما إنتو الهضامة كلا إم ملحم ..:gthumb:
أبو وسام :
قصّتك طريفة ولو إنها ياما وياما صايرة وبأرقى العائلات كمان ..والحمدلله إنها انفدت 120 وحدة ..مو متلي بضياع نص نهار على الطرقات ..هههه..:crying2:


جميع الأوقات بتوقيت GMT +3. الساعة الآن 08:31 AM.

Powered by vBulletin V3.6.2. Copyright ©2000 - 2020
تصميم الموقع وسام عبد العزيز جميع الحقوق محفوظة, Copyright ©2001 - 2020

المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص