عرض مشاركة واحدة
  #3  
قديم 12th February 2016, 02:42 PM
الصورة الرمزية Elie Swed
Elie Swed Elie Swed غير متواجد حالياً
مدير عام و مشرف المنتدى الإداري
 
تاريخ التسجيل: Aug 2003
الدولة: zaidal
المشاركات: 1,388
الجنس: ذكر
Elie Swed is on a distinguished road
نتابع مع الشاعر جورج جابر :


نتابع قصائد الشاعر جورج جابر :

(( قالوا بتنسى ))

قالوا بتنسى شو أكلت مبارحة ..... صفّـيت بالستين وشوّية

قلتلهن إلا العيون الجارحة ..... ما بتنتسى ولو صرت بالمية

شفت الغزالة أمس كانت سارحة ..... تمشي ما بين الورد والمسبية

زادت عطور الورد هيَّ وسارحة ..... تمنيّت رافقها مساوية

وطلبت منها الحكي يبقى مصارحة ..... ودعيتها لعنا شي سهرية

قات يا عمّو جيلك من مبارحة ..... الـ بدّو يرافقني أنا لازم يكون

جيلو من جيالي يا عينيَّ

****************

(( شلِّخ هدومي ))

لو تعرفي شو كـَتبلك أشعار ..... وصاروا بيادر منّـك همومي

والليل عندي عاملو خمّـار ..... يعصر جنى الأحلام بكرومي

محروم شوفة بسمتك محتار ..... والروح منّـك دوم محرومي

عم تحجزيلي بصحوتي الأفكار ..... وان نمت دوم بشوفك بنومي

غيومي كثيرة من عدى أمطار ..... الظاهر سحبتيها من غيومي

عم شوف بعيونك كره ما صار ..... متل يلي بيني وبينك خصومة

بتقدميلي شوكة الدردار ..... بقدّملك اليسمين بالكومة

ذليت نفسي كرَامتك قنطار ..... والنفس لو تـنذّل مذمومي

الظاهر بصدرك قلب كلو حجار ..... وصرتِ من الأحباب مهزومي

وان كان قلبك ملك غيري صار ..... بـَدّي وراكِ شلخ هدومي

****************

(( شو بيمنعك ))

شو بيمنعك لو نلتقي مّرة ..... بِضوّ القمر بالليل يا سمرة

وضّمك عا صدري والقمر سهران ..... وانغاب منقـلّو يجي بكرا

وارشف من شفافك عرق ريان ..... ونفرط الرمان للسكرى

واشعر بأني معك كالإنسان ..... قبلك حياتو عاشها مُرّة

وبلوزة الـ فيها الكتف عريان ..... بإيدي لَـفّك زرارها العشرة

تقولي استحي يا حلو نهدي بان .... والصدر لو فكيّـت يتعّرى

دخلّك كفى لَيلعب الشيطان ..... والله العمر ضمة صدر وخصور

الشيطان مني ومنك تبرى

****************

(( عيد الخمر ))

اسكبْ يا خمَّـار المحبة كاسها ..... ت نحسب أخماس الهوى لأسداسها

ذوّقتها قبلة محبة وبعدها ..... بتقول لسّى الطعم جوى دراسها

عندا صدق لوّ دوم تعطي وعدها ..... وعندا وفا لليّ ع خدّا اسها

اسكي وملّي كوابها ولا تعدها ..... حتى تصل نشوة الخمر لراسها

وذوق الشهد من ثغرها ومن وردها ..... يتعطر الحبوّ النقي بأنفاسها

واكشف عن اسرار الغرام بنهدها ..... وضم النهد تا كون أغلى ناسها

يا ريت تقبلني حرس من جندها ..... احرس عيونا لو إجاها نعاسها

وردّ البرد عنها انئجاها بردها ..... وفصّـل الروح ترانحبكون قياسها

يا حلوةِ المشتاق راسي لزندها ..... إغفي وايدا تضمني ع صدرها

ويكون عيد الخمر عرس اعراسها

****************

(( ما بدنا ولي أمور ))

قالت اسمحلي اليوم ما بقدر ..... نطلع سوى ع مفارق البيدر

خييّ طلب مني كوي التياب ..... موعود عند الحبيبها يسهر

نيالهن صاروا سوى أحباب ..... عقبالنا أنت وأنا أكثر

بكرى انشا الله تخلص الأسباب ..... ونقعد سوى وأحلامنا تكبر

وبحب غيرك ها لقلب ما داب ..... تطفي بصدري النار والمجمر

وقتا حبيبي بتقطف العنّـاب ..... ومن خمرتي بتذوب وبتسكر

وإيمت ما بدّك ينكتب الكتاب ..... كبرنا وما بدنا وليّ أمور

قصر المحبّـة بحبنا يعمر

****************

(( عيد العشاق ))

بسهر لحالي دوم والأشواق ..... عم تعزم الدمعات والحسرة

وما كان يخجل عيد ها لعشاق ..... ويدق ع بوابي ولو مرّة

وافرح بحلوي قلبها مشتاق ..... نحِي الهوى لو بالعمر سهرة

مضّيت عمري ها لفكر ما راق ..... انطر يحنن قلب شي سمرة

ونسهر ويحرقني جمر العناق ..... ودمع الفرح يطفي لهيب النار

وتظل عا طول العمر كرى

****************

نتابع معكم بقية الأمسية مع

الشاعرين ماجد سطاح وزياد سطاح




__________________
الأرض التي تقع عليها متـألماً

عليها تتكئ وتقف من جديد
رد مع اقتباس

Sponsored Links