عرض مشاركة واحدة
  #9  
قديم 9th June 2005, 07:04 AM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,166
الجنس: ذكر
hosam abdulaziz is on a distinguished road
عبد الله ان امعك في كل ما قلت 100% فلا شيء يدعو حقيقة للتفائل , فقيادة الحزب الواحد للبلاد منهم ناويين يغيروها و قانون الطوارئ ما بعرف اذا عميفكروا يوقفوه ,
يعني و كأنه متأملين بشي عصا سحرية من هالمؤتمر تحلحل امور البلد , العصا السحرية ممكن تجي من الخارح تقلب الدنيا راسا على عقب , بس بين بعضنا الفساد مغلغل للأعماق و ما رح يتغير شي .
الشي اللي رح يصير بتصوري هو مثل ما المختار بمسرحية ضيعة تشرين عمل وقت صار الشعب الكريم ينق براسه
فوعدهم بالتغيير الجذري و الأصلاح , ففات غير البرنيطة تبعيته و طلع يحيي الجماهير الكادحة عن جديد و هيك حصل التغيير .

و المضحك المبكي انه عبد الحليم خدام طلب اعفائه !!!!!
و كأنه الزلمي بملئ ارادته اراد هالشي , اي منيح اللي طلبه منه يتنحى و ما كان مصيره مثل الزعبي .
و المضحك بالديموكراتية (بالكاف احلى) السورية انه حضرة بثينة شعبان وزيرة المغتربين (الهيئة ظهرها مسنود منيح هالأيام) بتصرح لوسائل الأعلام و بتنتقد خدام عهالتصرف و بتقول ( هلق وقت المواقف البطولية من خدام)
ولك ايا بطولية يا مدام بثينة , مكره اخاك لا بطل و مغلوب عأمره
بس الله يحرق اخت حرية الراي اذا بدها تكون بهالطريقة ضحك عدقون الناس ( صاير عنا نقد للمسؤولين وما النا خبر يا شباب )

على كل يا عبد الله بيقول المثل لحاق الكذاب لباب الدار (الكذاب عائدة عالمشاركين بمؤتمر التغيير) و ليس عالمشاركين معنا
و تعا لناخذ ان او انت جرعة تفائل عيار 500 مج كافية انه تخلينا متفائلين لليومين القادمين و لنشوف شو رح تصدر قرارات من هالمؤتمر.
بس اذا اعفوهم للأحمر و مشارقة و ميرو و قداح من مناصبهم تجوا تحسبوه تغيير و انجاز !!!! هذول شغلتهم معروفة سلف ( اوبالأحرى مطلوب هيك مطلوب منهم ) بدنا شي قرارات تحرز
و في حل ثاني عبد الله اذا ما حبيت شغلة الأبر
تعا من هلق لنبلش نتفائل بمؤتمر الحزب بال 2009
كاسكم و كاس التفاؤل يا شباب
__________________
Life Without Love is no life at all
رد مع اقتباس

Sponsored Links