عرض مشاركة واحدة
  #14  
قديم 10th June 2005, 07:05 AM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,166
الجنس: ذكر
hosam abdulaziz is on a distinguished road
مرحبا عن جديد

العزيز فكتور هي 1 -0 الك عندي و انا بعترف و بطلب السماح من الجميع لنقل هالحقيقة للي للأسف سمعتها بأذني و ما خطر ببالي وقتها سجلها بالصوت , و هي كانت عبر احدى المحطات الأخبارية بس وحياتكم نسيان ايا منهم لأنه بظل هالأحداث بنقضيها تنقيل كل دقيقة بمحطة.بس ان امتأكد اني سمعتها و مو بس مرة وحدة.
يعني بتحبوا تصدقوا شو سمعت براحتكم , و بيظل عندكم حرية تكذيب هالخبرية.

عزيزتي زهرة تشرين الأول مو معقول يوصلني الزمن رغم الخلاف بالأراء الى درجة الذم او القدم بأصدقائي بالمنتدى
انا ضدك في ما قلتي عن شعبية بوش الأبن , و الدليل نجاحهه بالأنتخابات للمرة الثانية على التوالي رغم كل افعاله في الساحة الدولية , و ما تبلشو تفتوها مثل طلال على تصريح من صديقه بن لادن , او لأي سبب ثاني.

إذا كنا نريد ديمقراطية أو كما اصطلح البعض تسميتها ديمكراطية

مرحبا فيك يا ايهم معنا بالمنتدى انشاء الله بتفيدنا بآرائك و افكارك
هلق انت عمتنتقدني كيف حرفت بحرف واحد من كلمة ديموقراطية
بس انت يا صديقي نسفت اسمي من الوجود و استبدلته بكلمة البعض !!!!! معقول منك شايفني بكل طولي و عرضي حتى توصفني بالبعض ؟؟؟؟

على كل انتم لازم تشكروني اني اكتفيت بتحريف حرف واحد من كلمة ديموقراطية لأنه للأسف هالكلمة برفض تمام تداولها بدولة اسمها سورية
حكولي عن ديكتاتورية , اضطهاد , غطرسة , قمع حريات , اغتصاب حقوق , بجي معكم بس ديموقراطية بعيدة عن سنانا كثير و من السخرية التكلم بها حاليا بمجتمعنا.

ولك شو هالديموقراطية اللي بليلة ما فيها ضو قمر بيتعدل الدستور و بيتفصل ليرث الأبن ابوه بالحكم ؟؟؟؟
و لسه من شوي انتخب اعضاء مؤتمركم المزعوم الدكتور بشار رئيسا للحزب بالأجماااااااااااع 99.9999%
قال ديموقراطية قال.

بجي طلال بيقلي
من منكم لا سمح الله إذا حصل مكروه في سوريا يعود ليدافع عن أهله وأرضه لاأحد
من منكم يقف أمام سفارة أمريكية أو بريطانية ليندد بما يفعلونه تجاه سورية

ولك على شو بدهم يرجعوا و يدافعوا او حتى ينددوا
يعني هالمعثرين لو كانوا مبسوطين ببلدهم كانوا سافروا من الأصل
بدي افهم شو قدمت سورية بالسابق و شو عن تقدم بالوقت الحاضر لحتى هالأبناء يحسوا انهم ابناء وطن بيستاهل التضحية
انا بدي اسأل سؤال وبدي حدا منكم يجاوبني عليه بصراحة و بدون بيع حكي و مزاودة
خلينا بجو ضيعتنا و ضيع الجوار
في حوالي 10000 مغترب غادروا سورية من 40 سنة لهلق على اقل تقدير (من منطقتنا )
فيكم تسمولي اسم شي عيلة وحدة او مغترب واحد حزم حقائبه و رجع يستقر بسورية من بعد الغربة ..؟؟؟؟
انا بقلكم ما رح تلاقوا بس شو السبب برأيكم ؟؟؟؟
مصاري و صار مع كل واحد منهم شي بيوزني عالقليلة
بقا شو السبب من الأستمرار بالغربة طالما انه السبب الرئيسي و هو العوز انحل ؟؟؟ ليه ما حدا عميرجع قولولي يا جماعة بالله عليكم ؟؟؟؟؟
يعني لوهالبلد فيها خير ما كانوا رجعوا و عاشوا بخير و سلام مع اهلهم و اقاربهم ؟؟؟
انا و الله كان قلبي يتقطع وقت اسمع من رفقاتي وقت يقولوا انه لولا وجود اهلهم ما كانوا بيفكروا يدوسوا البلد حتى بقصد السياحة .
صدقوني مغتربينا لولا زيدلكم ما كان حدا بيفكر يخطي ببلد اسمها سورية .

ايهم بيقول انه العيب بالأنسان الطماع و ليس بالحزب
في مثل يا ايهم بيقول المال السايب بيعلم الناس السرقة
و انا بقلك كمان الحاجة بتعلم الناس السرقة
بقا مو معقول انه لو المواطن يكون خلق من بطن امه حرامي , بس الحاجة لأيجاد لقمة العيش , اضافة لغياب الرقابة و غياب الأدارات و سلبيات النظام الأشتراكي اللي الدولة فيه ماسكة بكل مقاليد السلطة و قطاعات الأنتاج وصلتنا للي نحنا فيه.

بالنهاية ما تصدقوا رغم هالحكي انه ما بنتمتى الا كل خير لبلدنا , بس الواحد غير من الحرقة بيحكي هيك
يعني ابسط شي بقلكم يان انه لو بلدي فيها خير كنت انجبرت اتغرب انا او غيري و لنتحمل ذل و مهانة الغربة ؟؟؟؟
__________________
Life Without Love is no life at all
رد مع اقتباس

Sponsored Links