عرض مشاركة واحدة
  #43  
قديم 31st December 2003, 02:03 PM
الصورة الرمزية suher issa
suher issa suher issa غير متواجد حالياً
عضو مؤسس
 
تاريخ التسجيل: Oct 2003
الدولة: zaidal_ spain
المشاركات: 597
الجنس: انثى
suher issa
حاحبك..بالعام الجديد

باحبك...
في وقت ابتسام الزمن
باحبك..
في أجمل وأحلى مكان
في بسمة طيور العام الجديد
في فرحة كل العيال في كل البلاد
بلبس هدوم العام الجديد
في نور المحلات عمال يلعلط
في عصفور مزأطط
في لون النهار الجميل الوليد
في فجري اللي راجع رايق سعيد
في مشوار جديد
باحبك...باحبك وحأفضل أحبك
في قلبي الصغير بكل براءة
في عقلي المصحصح بكل جراءة
حاحبك....
وحاعلن على الناس فضحيتي
وأقول....
يا خلايق دى أجمل فضيحة
أقولها....
بحسي قوية وصريحة
تطلع صريحة
وتسكن في قلب الخلايق
مريحة
تبتعر جوه القلوب انشراح
وتشفى الجراح
وتفرج علينا وتطلق سراح
كل اللي رايد يعود للبراح
واحبك....واحبك وأفضل أحبك
يقولوا اوصفيه
أقول طب وليه
حتفرق في ايه
أقيس لك طوله
واقول لون عينيه
حتفرق في ايه
بأقولك باحبه....وحافضل أحبه
في نور الشوارع ولون المزارع
في كل اللي رايح وكل اللي راجع
في مشوار جديد ما فيهواش مواجع
حاحبه....وحارتاح دايما في حبه
وحاخلق في حبه زمان السعيد
وافضل عشانه توبي الجديد
وارزق له عمري واعمل له عيد
لأنه زي الحقيقة جميل
وواضح وفاضل و جريء و أصيل
حاحبه براءه
وحازعق عليه تاني و تاني
بكل جراءة
وأقوله....باحبك أظهر و بانيا
رحال يا عفريت
عليك الأمان
اسكن في قلبي
بقى يا عنيد
ده قلبي يا راجل
عام سعيد

*********************

ملاحظة:إنها ليست من كتابتي ولكن إنها بالعامية ليست بالفصحة ولكن أحببتها هكذا ولهذا لم أصحح شيء فيها
فلا تفكروا أن فيها أخطاء بالكتابة ولكن هي كتبت هكذا و هي من موقع من الإنترنت
وعام سعيد للجميع
__________________
الحياة سفينة وأنتم فيها الربان فمهما افترقنا نلتقي في نفس المكان

آخر تعديل بواسطة suher issa ، 31st December 2003 الساعة 02:30 PM
رد مع اقتباس

Sponsored Links