عرض مشاركة واحدة
  #201  
قديم 13th September 2008, 12:52 AM
الصورة الرمزية ثناء البيطار حيدر
ثناء البيطار حيدر ثناء البيطار حيدر غير متواجد حالياً
مشرفة المنتدى الأدبي
 
تاريخ التسجيل: Jan 2007
الدولة: غافية على أهداب
المشاركات: 592
الجنس: انثى
ثناء البيطار حيدر is on a distinguished road



عَ بالي عَ بالي عَ بالي

عَ بالي لاقيك يا قمر



عَ بالي إجيلك لحالي

غنيلك تايحلى السهر


***


عَ بالي عَ بالي

يا صفو الليالي الليالي



عَ بالي إجيلك لحالي


غنيلك تا يحلى السهر



***


عَ بالي غنيلك حبيبي

غنية ليالي الهوى



و يهب الهوا يا حبيبي

سلملي يا هبوب الهوا



يا هبوب الهوا يا هوا

رجع ليالينا سوى



و إنكنو مش راجع حبيبي

يا هوا يوديلي خبر



***


يا سجرا عَ باب الحبايب

مشتاقا واللون ليلكي


ورح نتكي عَ باب الحبايب

مطرح ما البنفسج بكي



وبغني غنيي لكي

غنيي ملياني بكي



يا ريتو ما كان في مراكب

يا ريتو ما كان في سفر



***


لا بدي أساور وعقودي

ولا بدي شالات القصب



ولا بدي خواتم جديدي

حبيبي الدهب يا دهب



حبيبي يا ورد وعنب

منديلي من دموع وعتب



وإنكنو مش راجع حبيبي

يا هوا ... يوديلي خبر






ثناء

12/9/2008
الصور المرفقة
نوع الملف: jpg 0200c394e4.jpg‏ (45.8 كيلوبايت, المشاهدات 334)
الملفات المرفقة
نوع الملف: rm 200809106548.rm‏ (766.6 كيلوبايت, المشاهدات 289)
__________________
ســوريا يا كمام الورد ** ** لونــــو عا خدودك صافي
عندك مني أحلا وعد ** ** رجعة عا الحضن الدافي
رد مع اقتباس

Sponsored Links