عرض مشاركة واحدة
  #3  
قديم 19th April 2011, 12:50 AM
jihadyazji jihadyazji غير متواجد حالياً
عضو
 
تاريخ التسجيل: Mar 2011
المشاركات: 23
الجنس: ذكر
jihadyazji is on a distinguished road
قرأتها في صفحة أخرى ووجدت أنها تناسب الموضوع ما رأيكم؟

قبل ما تقول محاربة الفساد شوف مين عامل الفساد غير ابوك و خالك و عمك و جارك و ابقى بس يوقفك شرطي المرور وانت عم تحكي مع صاحبتك لا تحط بأيدو المعلوم و ادفع المخالفه

قبل ما تقول حرية علم ولادك عالحرية و فرجيني شو رح يساوو فيك

قبل ما تقول طوارئ روح شوف اميركا الساعة 4 العصر ما بيسترجي اخو اختو ينزل عالشارع

قبل ما تقول تعليم غير مختلط روح انقلع ع افغانسستان

قبل ما تطالب بتحرير الجولان روح اخدم عسكرية و حاج تدور عطرق تتهرب و تفيش

قبل ما تشتكي من الراتب في شي اسمو تحديد نسل حاجة تبظ ولاد و تقول بدي شربون و طعميون

قبل ما تشتكي من البطالة روح ادرس و تزكر العلم عنا ببلاش أو تعلم شي صنعة لأنو مانا بسويسرا مشان نعطي رواتب للعاطلين

قبل ما تقول افراج عن معتقلين سياسيين روح شوف هال ولاد الحرام جواسيس لمين

قبل ما تقول حرية الرأي تعلم تفك الحرف و استقر على رأي واحد

قبل ما تنقد القيادات و تصيرلي فهمان و هاد المحافظ عاجبك و هاد لأ تعلم تقبل نقد العالم لانك لو حطيناك محافظ رح تنهب و تبلع و ما رح تعمل شي للبلد

قبل ما تطلب تغيير قوانين و تحديث و تطوير خلي البنت عندك تتعلم و تقول رأيا

قبل ما تقول الشغل دائر و الحالة الاقتصادية زفت انقبر قوم فتاح بكير و بيكفي تتفرج عالديش

قبل ما تقول هلكونا الضرايب شوف حالك اديه عم تنصب و تربح و تزور و ما حدا عم يحاسبك

قبل ما تقول نظام روح لشي محل و انقبر وقف بالدور او استنى ختيار يقطع الاشارة بدون ما تتحيون و تزمر

قبل ما تقول حضارة و تطوير لا تبصق بالشارع لانو هاي ارض الوطن و انشالله بيبزقوا عليك الشعب كلو

قبل ما تقول النا مطالب لا تاكل هوا و تبيع صوتك بالانتخابات و تنتخب هالكم نصاب و الكم مجرم كرمال كم ليرة .. و انتخب حدا يوصل صوتك بطريقة حضارية

قبل ما تكون رايح تصلي تذكر شو عملت طول الاسبوع بتكذب و بتنصب و بالو بتستنا الجمعة لتصلي ... الله ما رح يغفرلك

قبل ما تقول الشعب يريد .. انا رح قلك الشعب شو بيريد .....

لنحاسب انفسنا ونبدأ من ذاتنا قبل ان نحاسب الاخرين
رد مع اقتباس

Sponsored Links