عرض مشاركة واحدة
  #28  
قديم 30th September 2003, 03:03 PM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,166
الجنس: ذكر
hosam abdulaziz is on a distinguished road
ما عاش اللي يزعل سارة

أنا بزعل الدنيا كلها إلا سارة و ....... يعني عن جد يا سارة ما عاش اللي يزعلك
انت سألتي و انا رح جاوب !!!!!!!!
يعني صايبني مثل المثل البيقول كلما زاد الشيء عن حده انقلب ضده
يمكن انا من كثر محبتي للنساء و تقديري الهم منذ الطفولة دفعني لخوض هذا التحدي و الالتفاف على نفسي للخروج من هذه الدائرة التي لازمتني طويلا,
انا يا سارة تربيت في بيت حرم من نعمة الأخت و هالشي جعلني قدر الأنثى و احترمها اكثرمن أي شخص آخر و حاولت عوض هالشي مع صديقاتي خلال فترة الدراسة و فعلا نجحت و كنت مصدر ثقة للجميع و جمعتنا صداقات قوية الى ابعد الحدود و التي كانت من اجمل ايام العمر
اما عن سبب الهجوم الزائد على النساء في المنتدى له عدة اسباب
انا من الأشخاص بحب اني خالف اللي بحبهم و بعدين راضيهم ان سارت الأمور بشكل معاكس للمتوقع , و إلا كيف كنتي رح تزعلي يا سارة و تعتبي علي و بعدين نتصالح و نصير اصدقاء و مثل ما بيقولوا مالك صاحب إلا من بعد خناقة.
و السبب الثاني اذا توافق الجميع بالرأي فما فائدة النقاش , فلبث الروح و الحيوية في النقاش لازم من احدنا ان يسير احيانا بعكس التيار و يتخالف مع الآخرين بالرأي لكن ضمن مساحة يحكمها الأحترام المتبادل بين الجميع دون التعدي على احد,

اعضاء المنتدى رائعين جميعا و كل شخص بيتميز عن الثاني بأمر معين و هيك بنكمل بعضنا البعض لنصل الى النتيجة المرجوة من النقاش فمنا الخبير في تجارب الحياة و منا المتعلم و منا الأديب و ربما الفيلسوف و انا ما بعرف بأي خانة رح صنف نفسي بس بتوقع ربما وجود عضو بيغرد خارج السر بيفيد احيانا!!!!!!!!!
بس ما تفكري اني متبني القول خالف تعرف ابدا لأنه صرنا مجموعة متكاملة و كلنا بيعرف الثاني منيح

و يا سارة بما انك بلشتي العتب رح اكسب الفرصة و عاتبك انا شوي و قلك انه طولتي الغيبة علينا يعني وجودك له دور كبير في حيوية المنتدى و غيابك له التأثير الكبير بتمنى ان هالشيء ما يتكرر رغم انه حسب ما فهمت غيابك بسبب مشاكل تقنية بس لازم تذللي كل العقبات اللي بتبعدك عنا .
انا بدوري بشكرك عهالعتب و انا بقبله و بفسره مثل ما بتقول فيروز عقد المحبة العتب كبير
و بدوري بقلك لا تترددي بتوجيه أي نقد لاحقا لأنه هالشي بيفرحني و بتقبله بكل صدر رحب
و لك مني كل الأحترام يا صديقتي سارة
__________________
Life Without Love is no life at all
رد مع اقتباس

Sponsored Links