موقع زيدل الصفحة الرئيسية  

العودة   منتديات زيدل > المنتدى الزيدلي > المنتدى الأدبي > الشعر العامّي والزجل

إضافة رد
 
أدوات الموضوع تقييم الموضوع انواع عرض الموضوع
  #1  
قديم 10th February 2012, 10:17 AM
هاني الحركة هاني الحركة غير متواجد حالياً
عضو
 
تاريخ التسجيل: Jul 2010
المشاركات: 74
الجنس: ذكر
هاني الحركة is on a distinguished road
سْرَاح

سْرَاح

هاني الحركة

=======
يا مْقَاهِرني من زمان = مِنّك قلبي كتير تعبان
خَلّصْني دخلك مِنّك = وِفْرِقني بْقرد وسعدان
***
مبسوط مريّح بالك = ورح تقتلني بأعمالك
ومخمّن ما في بْدالك = وْلا في متلك بالأكوان
***
لا تقلّلي ما بيسايل = قلبي ما عاد لك مايل
مش شايف هالعمايل = الْـ ما بيتحمّلها إنسان
***
زرعت براس الجهل شموخ = وبكرا بتوقع لمّا تدوخ
منفوخ قلبي كتير منفوخ = ومِنّك قلبي كتير حَبْلان
***
ما كنت تحسّ ولا تذوق = وما بشوفك إلّا معجوق
نِزْعَبْتَك مَنّي محقوق = إنتا المحقوق والغلطان
***
ألله يلعن هاك ظروف = الْـ خلّت هاك بضاعه نشوف
لا بتتعاشر بالمعروف = وْلا بِتْفارق بالإحسان
***
مأصّل بالكذب مأصَّل = مقطّع إنتا وموصَّل
وقلبي منّك ما حَصَّل = غير همّ وغمّ وأحزان
***
بِتْحَرقَص .. مَنّك مهتمّ = وبتضحك لّمّا بِنْهَمّ
نشالله يبْلى لك هالتِّمّ = تْصيرْ تضحك من دون سْنان
***
بيسعدني إنّي سيبك = ألله مع دواليبك
فلتان ويحرق ديبك = وفرامك متلك فلتان
***
روح بِدروب اللي بِتْسِدّ = بتسِدّ وما تعود تْرِدّ
ناوي اليوم أوضع لك حدّ = ومش ناوي إبقى قلقان
***
كَسْحَا وتقدف فيك الريح = يللي نهار ما كنت منيح
مخمّن هالدنيي تشبيح = وآخد الدنيي كيف ما كان
***
زرعت بقلبي سيوف ورماح = وما عرفت بقربك إرتاح
سراح من حدّي يلّلا سراح = وع فراقك منّي ندمان
رد مع اقتباس

Sponsored Links
  #2  
قديم 26th February 2012, 09:04 PM
الياس شلهوب الياس شلهوب غير متواجد حالياً
عضو
 
تاريخ التسجيل: Jul 2011
المشاركات: 56
الجنس: ذكر
الياس شلهوب is on a distinguished road
السيد هاني معودين دائما على صراحتك
اشتقنالك ويسعد اوقاتك
رد مع اقتباس
  #3  
قديم 2nd March 2012, 08:44 AM
هاني الحركة هاني الحركة غير متواجد حالياً
عضو
 
تاريخ التسجيل: Jul 2010
المشاركات: 74
الجنس: ذكر
هاني الحركة is on a distinguished road
اقتباس:
المشاركة الأصلية كتبت بواسطة الياس شلهوب مشاهدة المشاركة
السيد هاني معودين دائما على صراحتك
اشتقنالك ويسعد اوقاتك
في أحلى من الصراحة أخي الياس
وأنا كمان مشتاق لك كتير
عم فتّش عليك
يسعد أيامّك
مشكور على سؤالك عنّا

تحيّاتي الحّارة .. واحترامي
رد مع اقتباس
إضافة رد

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


Sponsored Links

جميع الأوقات بتوقيت GMT +3. الساعة الآن 06:50 AM.


Powered by vBulletin V3.6.2. Copyright ©2000 - 2022
تصميم الموقع وسام عبد العزيز جميع الحقوق محفوظة, Copyright ©2001 - 2022
المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص