موقع زيدل الصفحة الرئيسية  

العودة   منتديات زيدل > المنتدى الزيدلي > منتدى موقع زيدل > الأعضاء الجدد و التعارف

إضافة رد
 
أدوات الموضوع تقييم الموضوع انواع عرض الموضوع
  #1  
قديم 14th November 2005, 09:08 AM
DIMA ملاك الحب
Guest
 
المشاركات: n/a
Question رسالة تعارف

هاااااااااااااااااااااي
كيفكن
حبيت عرفكن عن نفسي
انا ديما عمري 21 سنه معروفه بأسم ملاك الحب DAMDOOM او ملاك الحب DIMA او ملاك الحب نبض القلب
انا طبعا للتوضيح انا بنت مو شب
بدرس طب سنه اولى وانشاء الله رح اتخصص طب نسائي عقم وتوليد
انا كاتبة وشاعرة
وبتمنى تستقبلوني بينكن اخت وصديقه

مع تحياتي واخلاصي
الكاتبة والشاعرة ملاك الحب DIMA

رد مع اقتباس

Sponsored Links
  #2  
قديم 14th November 2005, 09:33 AM
sulieman safar sulieman safar غير متواجد حالياً
مشرف سابق  
تاريخ التسجيل: Nov 2003
المشاركات: 981
sulieman safar is on a distinguished road
يا ميت أهلاً وسهلاً بديما وشكراً على تعريفك الواضح لنفسك وأحب ان أقول لكي اننا نحمد الله ونشكروا انك بنت ولستي شب لأنو في الحقيقة البنت بتساوي ألف شب مثل ما أن البسمة تساوي ألف عبسة في أي سوق (خليهم يطقوا) واتمنا لكي أوقات سعيدة معنا .
ولكي كل التحيات من ربوع أوستراليا.
سليمان
رد مع اقتباس
  #3  
قديم 14th November 2005, 09:44 AM
الإدارة الإدارة غير متواجد حالياً
الإدارة العامة للمنتدى
 
تاريخ التسجيل: Feb 2003
المشاركات: 279
الإدارة is on a distinguished road
Thumbs up أهلا بملاك الحب

جميل أن تكوني طالبة في كلية الطب
وجميلة أيضاً تلك الرسالة التي ستحملينها فيما بعد للتخفيف من عناء السيدات من عدم الإنجاب
ولكن ما من شيء أجمل من أنك ملاك هبط علينا من السماء نحو الأرض
وأنت تعلمين ياملاكنا بأن مهمة الملائكة أن تحمي سكان الأرض وترعاهم بمحبة وصدق وهانحن اليوم تحت حمايتك .
أهلا بك ديما صديقة وأخت لنا بالمنتدى وشكرا لك حضورك
رد مع اقتباس
  #4  
قديم 14th November 2005, 11:32 AM
DIMA ملاك الحب
Guest
 
المشاركات: n/a
يسعدلي اوقاتكن
والله خجلتوني بترحيبكن فيني يخليلي اياكن يا رب
ويا رب نبقى على طول اخوه واصدقاء
وميرسي كثير الكن
وتحياتي لجميع الموجودين بالمنتدى وللي مو موجودين
رد مع اقتباس
  #5  
قديم 14th November 2005, 12:18 PM
الصورة الرمزية johnnydaoud
johnnydaoud johnnydaoud غير متواجد حالياً
عضو
 
تاريخ التسجيل: Feb 2005
الدولة: lebanon
المشاركات: 19
johnnydaoud
Thumbs up soyez les biens venues dima

بس حبيت رحب فيكي يا ديما وانا بأيد الفكرة يلي قالها الاستاذ سليمان وانشالله تكوني عضو

فاعل بهالمنتدى بس ديما ما عرفنا من وين حضرتك او وين مقيمة. تحياتي لكل اعضاء المنتدى

وخصوصا لحضرتك استاذ سليمان وبقلك اشتقت للحكي معك.

مرة تانيي اهلا وسهلا فيكي ديما
__________________
أحبب فيغدو الكوخ كوناً نيراً......ابغط فيمسي الكون سجناً مظلما
رد مع اقتباس
  #6  
قديم 14th November 2005, 12:44 PM
DIMA ملاك الحب
Guest
 
المشاركات: n/a
ميرسي لمروركون الكريم
ولترحيبكن الحار انا من سوريا الشام بدرس طب باستراليا
رد مع اقتباس
  #7  
قديم 14th November 2005, 04:20 PM
الصورة الرمزية victorwardeh
victorwardeh victorwardeh غير متواجد حالياً
عضو مؤسس
 
تاريخ التسجيل: May 2003
الدولة: syria.homs.zaidal
المشاركات: 764
victorwardeh can only hope to improve
أهلا ديمة

هلا بك ديمة ملاك للحب الأبيض وقلبا ً نقيا ً شفافا ً ..أهلا بك وبعطرك الأنثوي يهمي علينا من البعيد وتتطيب به أجواء المنتدى بكلماته الشاعرية العذبى وبرقة نسماته ..أهلا بك وبنثر أناملك الرقيقة ..أهلا بك زميلة في أكثر من مجال ..و إنشاء الله صديقة رغم المسافات والبحار والجبال
_______________
د. فكتور
__________________
ماذا يهمني إذا ربحت العالم وخسرت نفسي؟
______________________________
رد مع اقتباس
  #8  
قديم 15th November 2005, 12:33 AM
George daboul George daboul غير متواجد حالياً
مشرف سابق وعضو مؤسس
 
تاريخ التسجيل: Feb 2003
الدولة: Syria
المشاركات: 622
الجنس: ذكر
George daboul is on a distinguished road
أهلا ديما

وزادت الزهور في منتدانا
دخلت القلوب بلا استئذانا

إحدى وعشرون ربيع هنا
ماهمكم رفاقي اليوم والآن

صبية من عمر الورود
تنادي أخوة وأهلا وجيرانا

فقدت أهلا ووجدت أهلا
لبيك نحن للأخوة عنوانا

آباؤنا هاهنا عطفهم ينادي
ديما أختكم ولها الأمان

***************************
أهلا بك ديما
وعذرا إن أخطأت
الاثنين، 14 تشرين الثاني، 2005
__________________
الحياة ليست بدعابة فلنعشها بجد
رد مع اقتباس
  #9  
قديم 15th November 2005, 03:28 AM
الماهر الماهر غير متواجد حالياً
عضو بارز
 
تاريخ التسجيل: Oct 2005
الدولة: زيدل
المشاركات: 102
الماهر is on a distinguished road
شو هذا يا ست ديما
الشباب كلون مبسوطين فيك ......
ياحسرا علينا ـــــــــــــــــــــــــــــــــ ما حدا سأل فينا

ستي : أهلا وسهلا فيك ــــــــــــــــــــــــــــــــ بس بيضل
الإثبات على انك (كاتبة وشاعرة) ـــــــــــــــــــــــــــ علماً أنو
فتحتي العيون على حالك وموقعنا زاخر بالشعراء المبدعين
و العلقة معهن مو سهلة أبداً وبدون ذكر أسماء

ـــــــ تمنياتي بالتوفيق وآهلا ً فيك ـــــــ ناطرينك .

__________________
ليس بالخبز وحده يحيا الإنسان
رد مع اقتباس
  #10  
قديم 15th November 2005, 10:08 AM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,166
الجنس: ذكر
hosam abdulaziz is on a distinguished road
ولك شايفيين يا شباب شو هالديما هي ؟؟؟؟؟؟
و شو هالتواضع !!!!!!!!!!
كاتبة و شاعرة و 21 سنة و جامعة و استراليا و من الشام و كتابين شعر
اي و الله منيح انك قبلتي تنضمي لمنتدانا المتواضع انا بتشكرك من كل قلبي .

هيئتك متأثرة بكتاباتك ببيت ابو عيد ( هي عيلة عنا بالضيعة مصيوتة بال ...... الشعر) بس ما تزعل منا الخالة نهلا (بالمونة)

اهلا فيكي في رحاب المنتدى .
__________________
Life Without Love is no life at all
رد مع اقتباس
  #11  
قديم 16th November 2005, 09:00 PM
a_aroush a_aroush غير متواجد حالياً
مشرف سابق  
تاريخ التسجيل: Aug 2003
الدولة: united states of America
المشاركات: 886
الجنس: ذكر
a_aroush is on a distinguished road
حسام يا ريت تبقا توضّح أكثر ... و لو أن نحنا عرفنا شو قصدك , بس يمكن ديما ما فهمت عليك , و لا جورج و ما بعرف إذا كان ماهر من زيدل ليفهم عليك .

فبتحب توضّح أنت أم بتحب وضّحلها و خصوصاً للآنسة الدكتورة الكاتبة و الشاعرة ديما .

طيب طالما بدأت رح كمّل .

الآنسة ديما ..... لقد علمت أن ما تدعين هو ليس إلا كذباً ... و أنك لا تعيشين في أستراليا و لا أظن أنك حتى عربيّة ... و أنت تعرفين ذلك تمام المعرفة و لا أوجه الكلام لك و إنما للأعضاء الذين رحبو بك ذلك الترحيب الذي لا تستحقينه .

و أريد بهذه المناسبة أن أطلب من إدارة المنتدى أن تلغي اشتراك مثل هؤلاء الأعضاء نهائيّا و إلغاء هذا الموضوع نهائياً .

و من هؤلاء الأعضاء أيضاً .. السندباد ... فريد عميروش ... لأنهم لا يستحقون أن نقّطع معهم و لو دقيقة من الوقت .

و هذا طلب أتمنى أن يقول فيه الأعضاء رأيهم أيضاً ...فهذا رأيي الشخصي ... ربما نحن منفتحون لكل أنواع البشر ... و لكن أن ياتينا كذابين مثل هؤلاء فنحن بغنى عنهم و عن إضاعة الوقت معهم .. لأنه إذا كنا نحن قد كشفنا كذبهم , فربما سيكون بإمكانهم أن يخدعوا من لم يعرفهم بعد .

و شكراً
__________________
there is no place like home
رد مع اقتباس
  #12  
قديم 17th November 2005, 03:35 AM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,166
الجنس: ذكر
hosam abdulaziz is on a distinguished road
يخرب زوقك يا عبد الله شو انك صريح زيادة عن اللزوم و كلامك بدجه دج مثل الخبط عالراس
هلق بما انه عبد الله حكى انا رح وضح وجهة نظري و ليه هيك حكيت, و كمان بوجه حكيي لسناء اللي لامتني على هالمشاركة من مبدأ نشر معلومات خاصة بالأدارة.
بالنسبة الي مني ملاقي شي يتخبا او سري و رح احكي ما عندي و انتم حكموا:
وصلت رسالة للأدارة من يومين من العضوة ديما بتطلب فيها تفعيل حسابها بسرعة لأنه عندها كثير اشياء لتشارك فيها و هي كاتبة و شاعرة , مع انه لم يمر سوى ساعات على تسجيلها .
انا انبسطت بوجود هيك مواهب حابة تنظم معنا للمنتدى و قبل ما يتم التفعيل القيت نظرة على مصدر الرسالة اللي جاي للأدارة و تفاجأت انه المصدر اسرائيل.
فتت عالمنتدى مشان تفعيل العضوية و كمان بيبين معنا شو هو المصدر و تأكد معي انه المصدر كمان اسرائيل , و بالتالي معد في مجال للشك بهالشي.
بس قلت بيني و بين حالي بيجوز الأخت عربية فلسطينية و ما عنا مشكلة بتواجدها معنا و فعلا تم التفعيل, و تفاجأت بصباح نفس اليوم ب 13 مشاركة للأخت ديما ( شعر على طبخ على مآساة عائلية و ترحيب و شكر لأعضاء على مشاركات ) يعني فيه عدم ترابط بهالبداية و غرابة , كمان لهون معد الي حق اتدخل سوى اني نظم هالمشاركات و نبه العضو الى اتاحة المجال لغيره في المشاركات في اليوم الواحد و هكذا كان.
بس بعد ردودكم عالترحيب و تنويها الى انها من دمشق و بتدرس باستراليا طب , و انا كل الدلائل بتقول انها عم تتصل من اسرائيل , لقيت من واجبي تنبيه الأعضاء بطريقة ودية و ليس مباشرة.
يعني انا لا اعترض على كون الأتصال من اسرائيل لأنه ليس بالضروري ان يكون المتصل اسرائيلي لكن الذي لم يعجبني في الموضوع هو استغبائنا جميعا في موضوع الهوية و الدراسة المتقدمة في دولة مثل استراليا , ناهيك عن التشكيك بكل تلك المقومات التي تكلمت عنها.
و اتصور انه كان لا بد من التنويه من قريب او من بعيد الى الأعضاء حول هذه القصة , بس عبد الله ولعها و كان لا بد من التوضيح.
و لديما اقول:
نحن لا نعترض على تواجد اي شخص عربي معنا مهما كانت ديانته حتى اليهودية , لكن يهمنا الصدق في التعامل و عدم استغفال الأعضاء الذين هم على مستوى رفيع من الثقافة و التربية و حسن التعامل.
لذلك اتمنى عليك توضيح ما قلت و تكذيبه ان كان خاطئا و لك من اشد الأعتذار وقتها و نطلب سلفا منك السماح.
اما اذا كان ما قلته صحيحا فكما قال عبد الله سنضطر لتجميد عضويتك.
__________________
Life Without Love is no life at all
رد مع اقتباس
  #13  
قديم 17th November 2005, 10:45 AM
الصورة الرمزية سناء جلحوم
سناء جلحوم سناء جلحوم غير متواجد حالياً
مشرف عام
 
تاريخ التسجيل: May 2003
الدولة: بيروت
المشاركات: 2,980
الجنس: انثى
سناء جلحوم will become famous soon enough
شكراً للتوضيح

مبارح قريت رد ك عبدلله
وكنت بدأت عقب عالموضوع ولكن اتريثت شوي تما يغيب ردك الجرئ المكتوب باسمك عن الصفحة الرئيسية ..وهون لابد من وقفة صغيرة لشكرك عبدلله على موقفك الصريح من بعض الأمور اللي عم يتعرض إلها المنتدى ...جرأتك بالطرح كانت مميزة وندائك كان رائع ...والحق الكامل ألك بمثل هالنداء وأنا معك بالمية مية فشكراً عزيزي لصدقك وإخلاصك.

وعن توضحيك ياحسام كمان كان مميز وجريء وأنا بوافقك بالرسالة الموجهة للصديقة ديما بعدم إعتراضنا على أي عضو سجله واضح... ولكن يدخل عضو ليلعب لعبة مع الأعضاء ويقول أنا من سورية ويكون من أستراليا فمش حلوة لابحق الأعضاء ولا بحق الإدارة .
ومابتصور كان الصمت رح يستمر كتير واللعبة لابد ماتنكشف من البعض على بكير ولكن بما أنوا الصديقة ديما ماوجهت أي رسالة بتسيء للأعضاء أو للمنتدى فها الشي بيعني إنها إنسانة محترمة ومن وين ماكانت ومين ماكانت
وهلق ديما ....بما أنو صارت هويتك واضحة للجميع صار فيكي تكملي مشوارك معنا إذا بعد عندك رغبة بها الشي وأهلا وسهلا فيكي ...كنتي بنت أو كنتي شب ....طبيبة ..أم إنسانة عادية ....شاعرة أم ناثرة ....مارح يتغير شي بالموضوع .

يلا يعيشوا وياكلوا غيرها هالشباب وأكتر واحد ((؟؟؟؟؟؟))

من تعليقاتي على حسام :

شو خرج الواحد يسلمك رقم حساب مصرفي بالبنك
أنو أنت اللي مابتدج دج ؟؟؟



زهرة الصحراء
__________________
كل مجدي أني حاولت....sanaa jalhoum
رد مع اقتباس
  #14  
قديم 17th November 2005, 12:07 PM
الصورة الرمزية victorwardeh
victorwardeh victorwardeh غير متواجد حالياً
عضو مؤسس
 
تاريخ التسجيل: May 2003
الدولة: syria.homs.zaidal
المشاركات: 764
victorwardeh can only hope to improve
كالعادة

معلش حسام من بعد إذنك يعني بدك تتلقى تقريع ولوم تاني من سناء بعد مشاركتي هي لأنها رح تعتبرك عطيتني فرصة جديدة لتسقط أخطاء الإدارة بس هالمرة الغلط مو غلطك وكالعادة هوي غلط سناء وياما وياما عانينا من هيك شي ومن تشبثها برأيها و اعتقادها الدائم انها صح ويمكن كنا في الغالب أنا وياك متفقين وسناء دوم ضد ويمكن أي اتفاق بيناتنا كانت تعبروا مؤامرة ضدها وطبعا فكتور هوي الملوم دائما .
- أنا بأيدك 100/100 بموضوع الشفافية المطلقة ويمكن لو ترك الموضوع إلك كنت وضحت هالشي من الأول للجميع ومتل ما قلت حسام ما في مشكل بأنها من اسرائيل وهالشي بيبين من ip تبعها وأنا كان إلي تجربة سابقة بالمنتدى مع عضوة تبين انها من تل أبيب ولما سألتها عن هالشي قالتلي نحنا عرب 48 قلتلها مفهوم مافي مشكل وضلينا أصدقاء بعدها . المشكل مع ديما كان لازم تنبيها من البداية وبرسالة خاصة بعد التأكد من ip تبعها أنو في مفارقة ببياناتها الشخصية وهالشي بيفقدها مصدا قيتها عند الأعضاء ويمكن كانت تداركت الموضوع من البداية اما بخصوص إنها شاعرة هذا شي بخصها يمكن هي شايفي حالها هيك وما حدا عطا الموضوع أهمية أكثر من كونها تتميز باسلوب أدبي رقيق .
- أما يخص الأخ عميروش كان واضح ما حدا مصدقوومشكوك في أمرو وكنت حابب إسأل الإدارة ليش ما حددت موقعه من ip تبعو بس خفت تعتبر هالشي تدخل بشؤونها الداخلية و تأثير على سير العمل الإداري بس مو مشكل منقول صح النوم ؟. عادة كان أول ما يدخل عضو كنت اتأكد من ip تبعو وحدد موقعو و إذا حدا سألني كنت جابوا بلا تردد من وين هو.
- على كل الله يعطيك العافية يا حسام بدك تتعب كتير وخليك على شفافيتك بس مو على طريقة عبدالله دج يعني لأنو مو كلشي بينحكا هيك خبط لزق يمكن يكون الأسلوب ألين و أمرن شوي . بس الغريب أنو حسام بقول سناء لامتني على المشاركة بعدين بتقلو سناء أنا بتفق معك حسام ؟ طالما هيك ليش ما انوضع رد مشترك باسم الإدارة للتوضيح وهون هوي المكان الأنسب لمشاركة موحدة باسم الإدارة مو بغير محل بدل ما يطلع كلو واحد عم بغني على موالو . على كل الصورة صارت واضحة ليش كان البعض مصر على طمس الأمور وعدم تبيانها ؟ وتعيشوا وتاكلوا غيررررررررررررررها . والغريب إنو إدارة المنتدى من أول من رحب فيها ومن ثم يأتي حسام منفردا ً للترحيب ؟؟؟؟؟
_________________________________
د.فكتور-17-11-2005م
__________________
ماذا يهمني إذا ربحت العالم وخسرت نفسي؟
______________________________
رد مع اقتباس
  #15  
قديم 17th November 2005, 12:32 PM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,166
الجنس: ذكر
hosam abdulaziz is on a distinguished road
عن نقدك يا فكتور للأدارة شي تعودنا عليه من بعد مغادرتك الها بس الواحد ما بيزعل اذا كان عشي بيستاهل , يعني انا قلت سناء لامتني و لو بدي انسخ رسالتها بتشوف كيف انها بطريقة مازحة و ودية و ليس من باب الخلاف او التناقض اللي ببالك حتى هي مثل ما قالت بآخر ردها انه خاطبتني مازحة بصلاحيتي لأدارة بنك(عقد مني كتوم) .
و انا ما بنكر انه انا و انت كنا نلتقي بكثير اشيا بافكارنا بالمنتدى و بس كمان انا حاليا متوافق بالعمل مع سناء بدون اي مشاكل و هيك لوم ما فكرت للحظة انزعج منه لأنه عادي من جهة و لأنه هي ما بتسلم من لساني اذا غلطت بشي بس كمان لهلق ما زعلت مني شي مرة .

انت تسائلت ليه الرد صار باسمي الشخصي و ليس الأدارة:
السبب يا عزيزي انه كل من وصلوا خبر عن هالقصة( و منهم عبد الله) قبل ردي الثاني عهالموضوع عرف انه التسريب صار عن طريقي و بالتالي انا كتبته باسمي لأتحمل مسؤولية هالتسريب و اتحمل اي نقد او ردة فعل بتنجم عنه من قبل ديما او اي عضو آخر.

اما عن فريد عميروش فأنا عملت نفس ما عملت مع ديما و نوهت بطريقة غير مباشرة لهالشي , بس بيجوز انت ما قريت عن رحلته الى روسيا او انه ما انتبهتلها و كتبت وقتها
اقتباس:
فيا ريت تحكيلنا شوي عن بلدك الجزائر قبل الحكي عن رحلتك الى فرنسا , و هل انت مطرود منه بسبب افكارك الدينية التي هي محظورة من قبل الحكومة حاليا و هذا ما دفعك للجوء الى فرنسا؟؟
يعني بتصور فريد لا ذكر لا من قريب او من بعيد انه مقيم بفرنسا بس انا خاطبته بشكل مباشر انه مطرود من الجزائر و مقيم بفرنسا لحتى هو يعقب عهالنقطة و يقر فيها و كمان مشان باقي الأعضاء يتسائلوا ليه هيك عمبحكي انه مطرود و لاجئ لفرنسا.
بس كعادته فريد بيطنش اغلب الاسئلة او التساؤلات الموجهة اله و انت انتقدته شخصيا بهالخصوص.
بكل الأحوال شكرا لمرورك و ناطر اي نقد او اي استفسار آخر لنحكي فيه بهالخصوص,
بس الله يسترك من شي رد مدسم من عبد الله
__________________
Life Without Love is no life at all
رد مع اقتباس
إضافة رد

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


Sponsored Links

جميع الأوقات بتوقيت GMT +3. الساعة الآن 08:18 PM.


Powered by vBulletin V3.6.2. Copyright ©2000 - 2021
تصميم الموقع وسام عبد العزيز جميع الحقوق محفوظة, Copyright ©2001 - 2021
المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص