موقع زيدل الصفحة الرئيسية  

العودة   منتديات زيدل > المنتدى الزيدلي > المنتدى التقني

 
 
أدوات الموضوع تقييم الموضوع انواع عرض الموضوع
  #16  
قديم 16th December 2005, 10:35 AM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,166
الجنس: ذكر
hosam abdulaziz is on a distinguished road
اقتباس:
ومن ثم شكروا الرب على كل نعمة ....في ناس حابة يكون عندها أنتريت وبأقل سرعة ولكن لهلق مش قادرة تشتري كومبيوتر
.وبيضل (( الكحل أحلى من العمى ))
صدقي يا سناء اذا تفكير كل المسؤولين عنا بنفس طريقة تفكيرك , رح تظل بلدنا مأخرة 400 سنة عن ركب الحضارة.
اذا بدنا نقضيها على مشي حالك و ماشي الحال و الحمد الله ........... رح نظل طول عمرنا مكانك راوح.
بس بتعرفي شعبنا معذور تصير هيك توجهاته , عقد ما نكبس عراسه , معد استرجي يرفعه و يطلب بشي بنوب.
و يمكن سورية يدخل اسمها بسجل غينيس للارقام القياسية , بندرة المظاهرات الأعتراضية على الوضع , و اللي بيشوفنا بيقول شو هالبلد المتكامل اللي شعبه من 35 سنة ما نزل عالشارع احتج عشي , و دائما بينزل للهتاف و التأييد .
طبعا هالشي خلى المسؤوليين عنا ينامو بالعسل و ما فارقة معهم ان طوروا البلد ان حسنوا شي فيه و لآنه ما في لا من حسيب او رقيب.
و المضحك المبكي مع كل هالشي , بنزقفلهم و بنهتف بحياتهم , و بهاليام مثلا , وصلنا لحافة الهاوية و الوضع الأقتصادي عكف عفريت , و بعدنا العين تحرسنا بنزل نهتف و نأيد , من مبدأ شو عميحمولنا كرامة البلد .
******
اما عن الأنترنت فضاربين حالنا بحجر كبير و الدكتور بشار هو رئيس الجمعية السورية المعلوماتية (لا ادري ان ما زال مستمرا بهذا المنصب)
فاذا كان هذا القطاع برعاية رئيس الجمهورية بشكل مباشر و وضعه هيك , فلا عتب على باقي القطاعات المتدهورة , و اللي دائما بنضحك عحالنا و نقول ما عميسمعوا عن مشاكلها الكبار .
بس الأنترنت اكيد عنده اطلاع وافي عليها و هو بيقول انه بيستخدمها يوميا , بس شو قولكم معقول عنده دايل أب مثلنا تضامنا مع الشعب ؟؟؟؟

يمكن بتقولوا الحمد الله اللي بسورية في انترنت من 5 سنين , بس شو يعني بدكم نقارن حالنا ببلدان المجاعات لنقبل بالوضع ؟؟؟
نحنا شعبنا نسبة كبيرة متغربة و المصيبة اننا شايفين الهوة بينا و بين العالم بقا ما فينا نسكت .
طيب انا رح اعطيكم مثال بنغلاديش , هالبلد المعثر اللي دخل الفرد السنوي فيه لا يتعدى 500 دولار.
ليس لدي اي خلفية على تقنيات الأنترنت فيه , لكنني اكيد من انه قبل عدة ايام قام السيد بل جيتس صاحب شركة ميكروسوفت العملاقة بزيارته من اجل التباحث مع المسؤولين في عقد اتفاقيات تقنية.
بقا مجرد شخص مثل بيل جيتس زار هالبلد فهذا فخر كبير الهم و دليل قاطع على انهم متقدمين تقنيا
و انا بصراحة هلق ناطر الفرج من بيل جيتس قبل ما يجي من مسؤولينا لأنه هو وعد بتعميم الأنترنت الاسلكي بالعالم خلال ال 10 سنين القادمة.
و ممكن يجي يوم ما تعود حكومتنا قادرة تسيطر عالوضع بوقت الأنترنت بيصير يجي مثلا مثل موجات الراديو و تحتاج جهاز استقبال بسيط, او عبر الأقمار الصناعية بطريقة سهلة جدا متاحة لكل فرد من منزله باسعار رمزية.
__________________
Life Without Love is no life at all

Sponsored Links
 

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


Sponsored Links

جميع الأوقات بتوقيت GMT +3. الساعة الآن 08:03 PM.


Powered by vBulletin V3.6.2. Copyright ©2000 - 2019
تصميم الموقع وسام عبد العزيز جميع الحقوق محفوظة, Copyright ©2001 - 2019
المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص