موقع زيدل الصفحة الرئيسية  

العودة   منتديات زيدل > المنتدى الزيدلي > المنتدى التقني

 
 
أدوات الموضوع تقييم الموضوع انواع عرض الموضوع
  #1  
قديم 13th December 2005, 08:54 AM
الصورة الرمزية mick75
mick75 mick75 غير متواجد حالياً
عضو بارز
 
تاريخ التسجيل: May 2005
المشاركات: 120
الجنس: ذكر
mick75 is on a distinguished road
برأيك كم يجب أن تكون سعر ساعة انترنت

بكل دول العالم سعر الساعة Dial -Up أرخص أسعار
بتدفع بالبلدان المجاورة 30 دولار و بتحصل على الانترنت 24/24
أما في بلدنا بيحاسبونا على الدقيقة .
و لا أريد أن أذكر أن هناك دول تحصل فيه على سرعة 3 ميغا
بسعر رخيص جداً و بدون اشتراك
و هذا نداء لفتح هذا القطاع و يكون هناك عشرات مزودي الخدمة حتى
تنزل التعرفة . قولوا انشالله .
أما بشأن أسعار الموبايل فلماذا تعاند الشركتين 2.4 مليون مستخدم
فسعر الدقيقة لا يجب ان يكون أكثر من ليرتين و سعر ال sms مو أكثر من ليرة
و بدل 2.4 مستخدم يكونوا 10 مليون مستخدم
انشالله كل المواطنين يتمتعوا بالتكنولوجيا .
فبدل أن يقوم وزير الاتصالات و التقانة بعشرات المحاضرات حول الحكومة الإلكترونية
و أهمية تقانة المعلومات .
يدوقنا هالتطور بيكون أحسن ...

Sponsored Links
  #2  
قديم 13th December 2005, 04:20 PM
wisam wisam غير متواجد حالياً
مدير الموقع
 
تاريخ التسجيل: Feb 2003
المشاركات: 450
الجنس: ذكر
wisam is on a distinguished road
و الله معاك حق حتى هون بالمنتدى انا من اللي كتبوا اكثر من مرة بهالخصوص
شي بيطفش الله وكيلك ... يا ريت كمان سرعة النت مثل الخلق مقابل هالفلوس
طبعا بقية الدول اكيد مثل ما قلت الامور مختلفة و بكندا الدايل اب ثلاثة دولار بالشهر بتاخده اربعة و عشرين ساعة على اربعة و عشرية يعني 150 ليرة سوري تاخد انترنت مفتوح بس طبعا مثل سوريا بدك تشغل خط التلفون
الخطوط السريعة مثل اللي عندي سرعة ثلاثة الاف كيلو .. بتحصل عليه اول ست شهور مجانا مع شراء اي قطعة الكترونية من ايا محل و بعدها اما بتصير تدفع او بتخلي مرتك مثلا ترجع تشتري قطعة الكترونية ثانية و تاخد ست شهور .. بهالوقت بيكون كبر ابنك بترجع ..... هههههه عممزح

بس الخلاصة حتى هلق مثل انا طلعت من المرحلة المجانية بدفع خمسين دولار بالشهر يعني 2500 ليرة الانترنت مفتوح 25 على الكيبل يعني خط التلفون ماله عازة و مع العلم انه في شركات ارخص و اجا امس مندوب من شركة ثانية اسمها بل كندا دق الباب و قلي عندك نت قلتله اي من روجرز قلي قديه سرعته قلتله 3000 ...
قام سحب ورقة من مصنف معه و قلي شوف هالعرض من بيل ... و يطلع العرض 5000 كيلو بايت بسعر 35 دولار بالشهر و الالعن من هيك انه يتم الوصل على خط الهاتف العادي و من دون ما ينشغل طبعا يعني كيف كابلاتنا بسوريا ما حسنت تمرق 56 كيلو بايت و كبلاتهم هون عمتمرق 5000
المهم انا ابتسمت بيني و بين حالي مرتين بده قلي ليه انا الثلاثة الاف عمتسخدم واحد بالمية منهم لاطلع للخمسة .. بس اخدت الورقة و قلتله تركني فكر

طبعا للعلم سوريا بسنة الفين و اثنين كانت كلها تدخل عبر حزمة 8000 كيلو بايت .. طبعا وقتها ما كان كثير مشتركين بالوقت اللي سنتها كمان وقت زرت ابونا جهاد ببلجيكا كان نازل الدي اس ال بس مش بسرعة هلق كان وقتها بس 1250 كيلو بايت

منزيد و منقول السيد بوش بحملته الانتخابية الماضية دخل من بنود الحملة نشر الانترنت السريع

فما بعرف شو بدنا نقول للمسؤولين على هالموضوع .. العذر التقني غير وارد لانه الموضوع صار بسيط جدا و ما بده حبال و رجال ... عذر انه الزبائن قلال اعتقد صار مش مقبول ايضا
فلا حيلة لنا كالعادة الا الصمت و الدعاء لمين او على مين او لشو انتم شوفو
__________________
تلقى و الافضل ان تتفاعل
  #3  
قديم 13th December 2005, 04:31 PM
الصورة الرمزية lamia
lamia lamia غير متواجد حالياً
عضو بارز
 
تاريخ التسجيل: Apr 2005
المشاركات: 109
الجنس: انثى
lamia is on a distinguished road
يعني كيف كابلاتنا بسوريا ما حسنت تمرق 56 كيلو بايت و كبلاتهم هون عمتمرق 5000
============
هههههه حلوة هالجملة

مو بس هيك لووقفت على هيك كنا قلنا ... ( هي نصيبنا ) بس يسرقونا كمان ؟؟؟؟
احد الشهور اجتنا فاتورة الانترنيت على البريد العادي و ليس السريع 9000 ليرة !!!!!!!!!!!!!!!!!!1
اي شو 9 الاف !!!! الله ستر انو انا كنت مسافرة كانوا لزقوها فيني بس لميا مو باللبيت و الفاتورة 9000 = سرقة عينك عينك !!!!! طبعا اعترضنا وقيمنا الدنيا وطوها للفاتورة لانهم بيعرفوا انها كذب بكذب ....

الجمعية بفتح الخط بسرعة 44 كيلو بايت على الكتيرة و بتكون مبسوط بتفتح الصفة بتبلش تفتح بعدين بتفصل !!! بترجع هييييييييييييييييييييييييك بكون راح 10 دقايق لتفتح صفحة وحدة و ابقى احلم انك تفتح صفحتين مع بعض على خط الجمعية

بس مرات بستغرب ليش بعد الساعة 3 الصبح بصير سرعة خط البريد 50 كيلو بايت و سرعة التحميل مرات بتوصل لل 13 كيلو بايت بالثانية !!!!!!!!!!!! طيب ما فيهم يخلوه هيك طول النهار ؟؟؟

الموبايلات هاد يا سيدي ما ضحكوني غير لما زادوا مدة البطاقات و تركوا الوحدات على حالهم اي ال 1200 وحدة ما كانت تكفينا 10 ايام لحتى قال شو مددوها على ال 80 يوم !!!!!!!!!!!!!!! اي مين المجنون اللي رح تكفيه 1200 وحدة اي ما يعادل ساعتين لمدة 80 يوم !!!!!!!!!!!!!!!!!!!!!!!!!!!!!!!!!!!!

عنجد مو من طيبي بقول انو مستحيل ضل عايشة بسوريا انا
__________________
يللوووو

w w w . y e l l o o o w . c o m
  #4  
قديم 13th December 2005, 05:43 PM
الصورة الرمزية سناء جلحوم
سناء جلحوم سناء جلحوم غير متواجد حالياً
مشرف عام
 
تاريخ التسجيل: May 2003
الدولة: بيروت
المشاركات: 2,980
الجنس: انثى
سناء جلحوم will become famous soon enough
مش دفاع عن وضع الأنترنيت بسورية
وطبعا أنا معكن بأنه في وجود أخطاء وثغرات كتيرة بها الوضع التقني بها الشبكة العنكبوتية
ولكن مافينا نقارن هالوضع مع دولة تانية
المنافسة بتلعب دور كبير بوجود القطاعات الخاصة أولاً
وبوجود أكتر من سيرفير بيطلع من خلاله المشتركين على النت ثانياً ....بمعنى عدد المشتركين على السيرفير الواحد ألوا تأثير كبير لها السبب منلاقي في تفاوت بالسرعات بين الليل والنهار بسوريا وحتى عنا بلبنان منعاني من هالمشكلة فمثلاُ أنا متصلة بالأنترنيت عن طريق 3 شركات

الأولى 10 دولار بالشهر مقابل سرعة 33 kbpsعلى خط التليفون وحسب الإشتراك بعدد الساعات
التانية 25 دولار بالشهر مقابل سرعة 56 kbpsعلى خط التليفون وحسب الإشتراك بعدد الساعات
التالتة 75 دولار بالشهر كابل من شركة خاصة 24/24 طبعا من دون خط تيليفون مقابل سرعة 135kbps...بالإضافة لشركات خاصة بتأمن الإتصال 24/24 بأقل سرعة وسعر بيبدا بـــــــ 35 دولار بالشهر .

والإتصال بسرعة kbps135 مش قليل ولكن وبالأوقات اللي بيصير فيها ضغط من عدد المشتركين وعند استعمال الفويس بيسوء الإتصال وبيصير الإنتقال للمودم أ فضل والصوت بالليل أو بالنهار أسلس وأوضح .

النتيجة واللي حابة قولوا بأنه لابد مايتحسن الوضع بسوريا بيوم ....والإنفتاح على الغرب لو عاد وحصل رح تتبدل أمور كتير ....أنتوا دعوا لها البلد بالتوفيق وكل شي مع الصبر بيصير ولاتنسوا تقارنوا بين عدد سكان سوريا وبين إمكانية دولتنا المصونة ودخل الفرد بها البلد المعتر .


ويالميا يجعلها أكبر المصايب أنو تكون سبب هجرتك لبلدك شبكة النت وبس

زهرة الصحراء
__________________
كل مجدي أني حاولت....sanaa jalhoum
  #5  
قديم 13th December 2005, 06:22 PM
الصورة الرمزية lamia
lamia lamia غير متواجد حالياً
عضو بارز
 
تاريخ التسجيل: Apr 2005
المشاركات: 109
الجنس: انثى
lamia is on a distinguished road
ههههههههههههههههههههههههههه ستي اذا ما هاجرت الا ما سافرلي نقاهة كم سنة ورح قضيهم فاتحة الانترنيت 24 ساعة حتى لو ما اشتغلت عليه هيك فش قهر يعني خخخخخ
__________________
يللوووو

w w w . y e l l o o o w . c o m
  #6  
قديم 14th December 2005, 12:37 AM
wisam wisam غير متواجد حالياً
مدير الموقع
 
تاريخ التسجيل: Feb 2003
المشاركات: 450
الجنس: ذكر
wisam is on a distinguished road
انا معك زهرة الصحراء
بس مين اللي عميمنع المنافسة ؟؟؟؟ هني و ما تساليني مين هني
و رح خبرك قصة بس خلوها بيناتنا و حسام اكيد بيتذكرها و لميا لا تحاولي تعرفي تفاصيلها
السنة الماضية قلي حدا من الشباب بتحب تاخد خط انترنت تجربه و هوي مش جمعية و لا بريد قلتله كيف تهريب يعني .. قلي يعني فيه شباب مركبة ستاللايت و عمتبيع للي بتعرفه
فعلا اخدنا الخط ثلاثة ايام و كان حسام وقتها بسوريا و يا لطيف سرعة رهيبة جدا و المفارقة انه تكلفة هيدا الخط كانت ارخص من الجمعية بكثير و متاح اربعة و عشرين ساعة
يعني شب بايع عشرة مشتركين قدر يقدم خدمة ارخص من الجمعية و اربعة و عشرين ساعة

طيب اما تركوا هالناس هاي تشتغل و تقدم خدمة رخيصة و جيدة او انت ساوها

اليوم للمصادفة قريت عن مشروع كنت بعرف انه رح يصير سنة الجاي بتورنتو بس هلق سبقونا بامريكا عليه و هوي الانترنت الاسلكي المجاني السريع نسيت اسم الولاية اللي انطلقت فيها الخدمة اليوم

هلق انا مركب شبكة لاسلكية بالبيت بس بتغطي دائرة عشرة متار بس قريبا رح صير وين ما تحركت بكل تورنتو فيه انترنت سريع بس مش مجاني على ما اعتقد

نهاية لا اعذار ابدا لوضع الانترنت بسوريا ابدا ... غير اذا معتبرينه استثمار ممتاز مثل شبكة الموبايل و عميتنازعوا عليه الشباب فوق مين بده يستلمه
__________________
تلقى و الافضل ان تتفاعل
  #7  
قديم 14th December 2005, 12:46 AM
الصورة الرمزية mariam
mariam mariam غير متواجد حالياً
 
تاريخ التسجيل: Mar 2003
الدولة: zaidal
المشاركات: 888
الجنس: انثى
mariam is on a distinguished road
الحقيقة مشكلة الهاتف لم تحل الا من فترة قريبة والانترنيت على الطريق بعدين الخدمة اللي عم يقدمها مبدئيا ماشي الحل لبين ما يعرف المواطن استعمال الانترنيت ولشو بيستعملو النت مو محادثة ومنتديات وبس ومع زخم المعلومات نحنا بدنا وقت لنصير نستوعب كل شي صح وخطوة خطوة بنوصل
  #8  
قديم 14th December 2005, 01:07 AM
الصورة الرمزية سناء جلحوم
سناء جلحوم سناء جلحوم غير متواجد حالياً
مشرف عام
 
تاريخ التسجيل: May 2003
الدولة: بيروت
المشاركات: 2,980
الجنس: انثى
سناء جلحوم will become famous soon enough
اقتباس:
فعلا اخدنا الخط ثلاثة ايام و كان حسام وقتها بسوريا و يا لطيف سرعة رهيبة جدا و المفارقة انه تكلفة هيدا الخط كانت ارخص من الجمعية بكثير و متاح اربعة و عشرين ساعة
يعني شب بايع عشرة مشتركين قدر يقدم خدمة ارخص من الجمعية و اربعة و عشرين ساعة
أنت اللي قلت وسام بأنو الخط سرقة ...برأيك لو كان الوضع نظامي رح تحصل عليه بها السعر الرخيص اللي ماحددتوا و24/24 ...مابظن ..لابل مستحيل .

يعني دائما منعرف أنو سوق التهريب غير السوق النظامية اللي عليه ضرائب واستحقاقات لابد من الإلتزام فيها
وعن السرعة اللي اتحدثت عنها برأيك كان ممكن يوزع على 100 شخص وتبقى السرعة نفسها ؟؟؟
أنا آسفة ريس وبعرف أنو أنا نقطة ببحورك التقنية ولكن أعذرني لو خالفتك الرأي وأصريت على عذر سورية بالوقت الحالي عن مجاراة التطور التقني المتعلق بشبكة الأنترنيت .

دكتورة مريم شكراً لمداخلتك القيمة وحقيقة أنه هالشبكة الرهيبة بتخوف ولو أنه الإبحار فيها مفيد وممتع ...وحبيت فقط علق على موضوع المنتديات والأنتريت بأنو هناك مواقع ومنتديات ضخمة وحلوة ومفيدة ومنها مسلية وكل شخص بينظر لها الشبكة من نظرته الخاصة في... فالتاجر غير الطبيب غير المهندس وأيضاً غير الكاتب والشاعر وأخيراً غير العامل بالتأكيد .
مع تمنياتي بتحسين وضع الشبكة بعد اليوم وبدخول مادة الكومبيوتر والأنتريت منذ المراحل الأولى من سنين الدراسة في سورية وبشكل واضح وسليم وعملي .



زهرة الصحراء
__________________
كل مجدي أني حاولت....sanaa jalhoum
  #9  
قديم 14th December 2005, 01:07 AM
wisam wisam غير متواجد حالياً
مدير الموقع
 
تاريخ التسجيل: Feb 2003
المشاركات: 450
الجنس: ذكر
wisam is on a distinguished road
دكتورة الكلام سليم
بس النقد الاكبر موجه للسعر في سوريا و خصوصي لو تم قياسه بمعدل الدخل
يعني بعد اربعة عمليات تنزيل سعر و للان اسمع عن شباب تدفع خمسة و ستة الاف ليرة سورية على الانترنت شهريا و لا استغرب
بعدين المستخدمين السوريين للنت هم الامهر على صعيد الوطن العربي و ان لم اقل العالم و يعرفون بدقة كل خفاياه و لكن سوء الخدمة و وسائل التجارة الالكترونية المعدومة في سوريا و العقوبات الامريكية يمنع الشباب السوري من المضي قدما في هذا العالم الواسع
بالنسبة للمحادثة هي اكثر شي يحتاج الى سرعة و هي اهم شي لقسم كبير في سوريا للتواصل مع المغتربين في الخارج
و عسى انه نوصل بس المشكلة الوضع بهالايام ما بيتحمل يتم خطوة خطوة لانه هيك رح نقضيها ركض كل العمر في زمن التكنولجيا المتسارعة و مش رح نلحق
__________________
تلقى و الافضل ان تتفاعل
  #10  
قديم 14th December 2005, 01:12 AM
wisam wisam غير متواجد حالياً
مدير الموقع
 
تاريخ التسجيل: Feb 2003
المشاركات: 450
الجنس: ذكر
wisam is on a distinguished road
المقصود بالخط سرقة اي بعدم معرفة الدولة لانهم يمنعون في سوريا تركيب الدشات من اجل عملية الابلود و هو مسموح فقط للداونلود
طبعا اللي بيقرا الخطط اللي بتقدمها شركات الديش بيعرف انه بمبلغ خمسمائة دولار شهريا بتصير مقدم خدمة انترنت على مستوى (يعني تغطية الف مشترك ) و يصير قد ما يصير مستخدمين بترجع بتوسع الحزمة و على العكس بتصير تقدم خدمة ارخص

يمكن انا لاني اكثر واحد محروق قلبي من سوء النت بسوريا عمحكي هالحكي
عسى انه الوضع يصير احسن
__________________
تلقى و الافضل ان تتفاعل
  #11  
قديم 14th December 2005, 02:06 AM
الصورة الرمزية lamia
lamia lamia غير متواجد حالياً
عضو بارز
 
تاريخ التسجيل: Apr 2005
المشاركات: 109
الجنس: انثى
lamia is on a distinguished road
وسام اي شو شايفني فضولية لها الدرجة ؟؟؟
بس قصتك قديمة ... احد اصدقائي على النيت كان عم يستعمل هالخدمة من ديش فضائي و كانت تابعة لشركة اممممم شو كان اسمها شو كان اسمها ... و الله نسيت المهم كان سرعة الخط عندو رهيبة و كلو تمام .. يعني بعرف التفاصيل خخخخخ
المهم هلء اذا سمعتوا بحلب داخل خط انترنيت جديد ما بعرف شو اسمو بس الاي بي تبعو تابع ل نيجيريا !!!!! بال 8 يعني يعني تابع لسلسة 82, ..........
شو قصتو هاد ؟؟؟؟؟
__________________
يللوووو

w w w . y e l l o o o w . c o m
  #12  
قديم 14th December 2005, 02:36 AM
الصورة الرمزية mariam
mariam mariam غير متواجد حالياً
 
تاريخ التسجيل: Mar 2003
الدولة: zaidal
المشاركات: 888
الجنس: انثى
mariam is on a distinguished road
عفوا وسام ليس الجميع مستخدمين جيدين للنت والكثيرين يفتحون على مواقع دون ان يعلمو انها مفخخة اي ماجورة فتكون الفاتورة...........انا استخدم الكثير من ساعات النت ولكن فاتورة الهاتف نظامية .......
نحن لا يقتلنا الا القفز السريع انا اعلم مابين المثقفين قسم كبير لايعرف كيف يستخدم النت باقل فاتورة ممكنة لكن الجميع تعلمو فتح المواقع الممنوعة والمفخخة
حتى نستخدم النت باقل ضرر لابناءنا يجب ان يشعرو بقيمته قليلا والسعر والخدمة الفضائية بطريقها للحل لكن تمهللو
  #13  
قديم 14th December 2005, 11:45 AM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,166
الجنس: ذكر
hosam abdulaziz is on a distinguished road
يا جماعة الموضوع ما بده نقاش و تذمر , دولتنا طول عمرها هيك بتحب التخلف و التميز فيه عن باقي دول العالم (ما لقت غير هالطريقة للتميز)
و المسؤولين عن النصب يجري بدمهم و بينقوا الوضع الأنسب لهالشي.
طبعا نصب ما حدا يزعل.
يعني في وقت بتصر شركة الأتصالات على طريقة اتصال الدايل أب و بتطرح الدي اس ال بسعر خيالي في ظل وجود الفضاء المفتوح , فأكيد القصة تخلف و نصب؟؟؟
و السبب انه هيدا الفضاء مفتوح للجميع بالتساوي
فلا تطور البلد و لا تخلفه يحد من التقنية و السرعة الممكن استغلالها عبر هذا الفضاء.
فأذا لم تسمح بالأشتراك المباشر للمواطن عبر ستالايته الشخصي , خليها تقوم هي بعمل سنترالات متفرقة تغذي بها المواطنين او تفتح الأمر للقطاع الخاص.
اقتباس:
أنت اللي قلت وسام بأنو الخط سرقة ...برأيك لو كان الوضع نظامي رح تحصل عليه بها السعر الرخيص اللي ماحددتوا و24/24 ...مابظن ..لابل مستحيل .
يا سناء وسام بيقصد انه الغلط هو انه الأمر متوفر تقنيا في سورية لتضاعف سرعة الأنترنت و نحنا جربنا هالشي في بيتنا , بينما الدولة تحجب هذا الأمر و تمنعه , و ليس القصة قصة سعر , يعني انتم عطونا سرعة محترمة و بسعر عالي و بعدها رح نسكت , و ننطر تناقصها التدريجي كما هو حاصل في كل البلدان شي بيجنن.
انا شخصيا ما بتهمني السرعة بقدر الوقت و يعني عطيني انترنت 64 كيلو بايت بمدة 24/24 و يكثر خير الله , و كل هالسرعات الخيالية ما بتهمني , فما بدي اقعد اتصفح او نزل شي و كل دقيقة عيني عالساعة ( ساعة ثنين , ثلاث)
اقتباس:
يعني كيف كابلاتنا بسوريا ما حسنت تمرق 56 كيلو بايت و كبلاتهم هون عمتمرق 5000
هلق القصة مو قصة كبل وسام , القصة ما هو وراء هذا الكبل
فالكابلات بقيت كما هي عند الكنديين , لكن المقاسم الكندية بدلت بالحديثة او اضيف لها المقاسم الفرعية التي تسمح بتقنية الدي اس ال او اي تقنية تبادل بيانات حديثة.
سبق و شرحت هذه الفكرة , انه لتحصل على خدمة دي اس ال في السعودية يجب ان يتأكدوا من ان مكان اقامتك قريب الى احد المقاسم المدعومة بمقسم دي اس ال اذا القصة ليست قصة كابلات فحسب.
اي انا من هلق هكلان هم الرجعة عسورية من وراء قصة الأنترنت و الهيئة رح دورلي عشي شلة تنتقاسم توزيع الأنترنت بالطريقة الفضائية.
موضوع الأنترنت اللاسلكي قرأت عنه في طموحات ميكروسوفت و عرّابها بل جيتس حيث ان خطة الشركة في ال 10 سنوات الأخيرة تقتضي بنشر الأنترنت الاسلكي ذو السرعات العالية في كل انحاء العالم عبر تطوير الأجهزة و البرمجيات و بحيث يصبح متاحا للجميع.
احن فين و الغرب فين !!!!!!!!!!!!
__________________
Life Without Love is no life at all
  #14  
قديم 14th December 2005, 12:33 PM
الصورة الرمزية سناء جلحوم
سناء جلحوم سناء جلحوم غير متواجد حالياً
مشرف عام
 
تاريخ التسجيل: May 2003
الدولة: بيروت
المشاركات: 2,980
الجنس: انثى
سناء جلحوم will become famous soon enough
تغيير في مسار الموضوع

اقتباس:
اي انا من هلق هكلان هم الرجعة عسورية من وراء قصة الأنترنت و الهيئة رح دورلي عشي شلة تنتقاسم توزيع الأنترنت بالطريقة الفضائية.
أولاً مابعرف شو صايرلك حسام وكل شي بها الأيام عم يجننك
وبعدين يا أخي ماترجع لاأنت ولاغيرك اذا الأنتريت هوي اللي عم يخليكن تطفشوا من البلد أو تهاجروا منه
أي في 6000000 مصيبة غير النت بسورية !!!!
دبروا أموركم الحياتية وبعدين جنوا من النت فيها
أنا آسفة على هالكلام بس شي بيطلع الروح ......................وكأنو مصير هالبلد معلق بها الشبكة الرهيبة اللي البعض منها إرهابية .
ومن ثم شكروا الرب على كل نعمة ....في ناس حابة يكون عندها أنتريت وبأقل سرعة ولكن لهلق مش قادرة تشتري كومبيوتر
وبعدين فكروا بتلاميذ المدارس قبل ماتفكروا بحالكن واللي هلق كتير أجيال عم تسبقهم بغير بلدان بسبب تدريس هالمادة بشكل نظامي وعملي ........و هون بحب نوه لشغلة مهمة بأنو مالازم يروح عن بالنا أنو نحنا ببلاد عربية متخلفة وللتلميذ يحصل على هالشي مجاني صعب كتير ..بدليل أنو بلبنان مثلاً المدارس الخاصة اللي أقساطها عالية واللي عدد تلاميذ الصف فيها مالازم يتجاوز الـ24 تلميذ في غرفة خاصة بالكومبيوتر بالمدرسة ولكل تلميذ كومبيوتر خاص في بيقعد عليه وأستاذ لها المادة لتدريسها وبالمراحل الإبتدائية .

فالله يوفقكن طولوا بالكن على هالبلد التعيس وأدعوا لها الشعب المعتر بالتوفيق ...نصابين كانوا أم غير نصابين ..أنو شو طالع بالإيد .....وبيضل (( الكحل أحلى من العمى ))


زهرة الصحراء
__________________
كل مجدي أني حاولت....sanaa jalhoum
  #15  
قديم 14th December 2005, 10:19 PM
a_aroush a_aroush غير متواجد حالياً
مشرف سابق  
تاريخ التسجيل: Aug 2003
الدولة: united states of America
المشاركات: 886
الجنس: ذكر
a_aroush is on a distinguished road
والله مو عارف مع مين بدي اجي

أول شيء بحب سلم عليكن جميعاً بعد فترة غياب عن الموقع ... و الحقيقة مبسوط أن شايف مواضيع حقيقة كثير منها حلوة ... خلصنا مماحكات دينية مليح .

أما عن هالموضوع قريت كل المداخلات و ماني غادر اختلف مع حدا أبداً بوجهة نظرو لأن كلكن على صواب برأيكن و من الجانب اللي اتخذتوه .

بس في سؤال بيطرح نفسه ... طالما أن بلدنا الحمدالله لسا بتستورد كل شيء اسمه تقنيات و تعتمد اعتماد كلّي على الخارج بمجال التكنولوجيا , إن كان خطوط هاتف أو خدمة انترنيت أو سيارات أو حتى لعبة الولد الصغير . شو اللي بيمنعهن أن يشتروا أحسن شيء موجود بالسوق , يعني لو أن نحنا عم نصنع هالاشياء هي و قلنا أن التقنية عنا لسا ما وصلت لتقنية البلدان الأخرى كان ممكن نقول هذا عذر , و بدنا نمشي التقنية المحلية .

ممكن حدا يقول أن الدولة فقيرة و ما بتتحمل ميزانيتها أسعار البضائع الحديثة , ممكن بس لو كان عنا قطعة وحدة ممتازة مو أحسن من أن يكون عنا ثنتين هني عملياً للكب و راحت موضتهن و ما الهن فايدة و خسارة عالفاضي ... مثال : دولتنا بتصرف أكبر قسم من ميزانيتها عالتسليح هذا سابقاً ما بعرف هلأ كيف .. بس مو أحسن أن تشتري مثلاً عشرين طائرة حديثة من أن يشترو مئة طيارة قديمة عمرهن ثلاثين سنة و مستعملات و بدهن غيار قطع كل ما طلعت عالجو و مصروف و عالفاضي يا دوبها بالحرب تطلع عالجو ... و حتى لو طلعت عيارها كم دقيقة أمام الطائرات الأحدث للعدو .... هذا مثل بسيط و فينا ناخذ عليه كثير شغلات ... يعني عم نصرف ميزانية دولتنا على زبالة العالم .

هذا على صعيد ما تستهلكه الدولة من التقنيات المستوردة ... أما على صعيد ما تؤمنه للمواطن فهي أيضاً تشتري زبالة البضاعة في العالم و تبيعها بقيمة أحدث تكنولوجيا لتلك السلع .... فمثلاً جهاز تسجيل أو تلفزيون أو تلفون أو كاميرا أو كومبيوتر ... الخ نرى في بلدنا أن البضاعة التي رماها العالم في الزبالة تباع عندنا بنفس السعر الذي تباع فيه القطع الحديثة في الخارج .

أما القطاع الخاص و ربما الدولة أيضاً تؤمن بعض من التقنيات الحديثة و لكن أسعارها أكبر بكثير من أن يستهلكها الشخص العادي .

هناك أيضاً موضوع المنافسة و هو الأهم , و لكنه غير موجود و كل شيء محتكر من اشخاص أو من قبل الدولة و بهذا ينتهي عنصر المنافسة الذي يمكن أن يحسن جودة و أسعار البضائع و لكن هذا غير موجود للحفاظ على مصالح شخصية , ليس همها تطور البلد أو راحة و ترفيه المواطن و تأمين حاجاته .

صحيح بلدنا معتّر ... و لكن قسم كبير من هذا التعتير إن لم يكن كله , هو من صنع أيدينا ... .

رح جيب مثال على سلعة وحدة مع أني فيي عبي صفحة أمثلة مرقت عليي بسورية , رحت لجيب جهاز فيديو مع CD/DVD فلقيت كم نوع الرخيص فيهن كان ثمنه 12000 ليرة سوري و الغالي ب 20000 ليرة سوري ... الغالي كان نوعه Sony لكن حقيقة نفس الجهار يباع هنا بأمريكا بسعر 70 $ .... اشتريت من فترة جهاز فيديو مع DVD بيشغل كل الأنظمة و بيحرق DVDs كمان بميتين دولار يعني 10000 ليرة .. الفرق بين أحسن جهاز شفته بسورية عن اللي اشتريته مثل الفرق بين سيارة التكسي تبع أبو عزاز إذا حدا بيعرفهي و سيارة فراري حديثة ... و مع هالشي الفراري كانت أرخص !!!!!!؟؟؟؟ . ممكن حدا يبررلي هالشيء باي عذر بالعالم غير الفساد و السرقة و نهب الناس في بلدنا ... مو بلدنا اللي معتر نحنا اللي معترين .

و شكراً الكن و باتمنى أن تنحل كل أموركن مو بس الانترنيت .
__________________
there is no place like home
 

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


Sponsored Links

جميع الأوقات بتوقيت GMT +3. الساعة الآن 06:15 AM.


Powered by vBulletin V3.6.2. Copyright ©2000 - 2019
تصميم الموقع وسام عبد العزيز جميع الحقوق محفوظة, Copyright ©2001 - 2019
المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص