موقع زيدل الصفحة الرئيسية  

العودة   منتديات زيدل > المنتدى الزيدلي > منتدى المجتمع > المرأة

إضافة رد
 
أدوات الموضوع تقييم الموضوع انواع عرض الموضوع
  #1  
قديم 10th December 2009, 03:17 PM
الصورة الرمزية drrany noufal
drrany noufal drrany noufal غير متواجد حالياً
مشرف المنتدى الطبي
 
تاريخ التسجيل: Aug 2008
الدولة: HOMS
المشاركات: 457
الجنس: ذكر
drrany noufal is on a distinguished road
دراسات "السوريات هن أكثر نساء العالم ذكاءً واحتراما"

دراسات "السوريات هن أكثر نساء العالم ذكاءً واحتراما"
أفادت دراسة أميركية أن الفتيات السوريّات هنّ أكثر نساء العالم ذكاءً في الوقت الذي توصلت فيه دراسة بريطانية إلى أنهن الأكثر احترامًا، فيما حصلت السعوديات على لقب الأكثر دلالاً وجمالاً.


ونقلت صحيفة الوطن الكويتية عن مجموعة من الباحثين في جامعة ميشيغان الأمريكية أن الدراسة توصلت إلى أن "المرأة السورية هي أكثر نساء العالم ذكاءً" .
وقالت رئيسة اللجنة البروفسورة كيتي برادفورد إنَّ "السبب وراء ذلك يعود للطعام الصحي الذي تتناوله المرأة السورية، من مثل زيت الزيتون الذي يغذي الدماغ ، والجوز البلدي الذي يحافظ على الدورة الدموية".
وأضافت برادفورد "كما أن من أهم العوامل التي ساعدت على زيادة وعي النساء السوريات ونسبة ذكائهن انتسابهن للجامعات السورية، والانفتاح الاجتماعي، والمساواة بين الرجل والمرأة في سوريا".
كما توصلت دراسة صادرة من "مركز ستارش البريطاني للأبحاث العالمية" إلى أن السوريات هن الأكثر احتراما على مستوى العالم.
وزجدت الدراسة بريطانية أن "السعوديات هن أكثر النساء دلالاً وجمالاً على مستوى نساء العالم، حيث تمت الدراسة بناء على عدة أمور أهمها أن الفتاة السعودية تُلَبَى طلباتها دون عناء، فهي ليست بحاجة إلى عمل لتوفر مصروفها من قبل أولياء أمورها".
ووصف الباحثون البريطانيون الفتيات السعوديات بأنهن "مثل ملكات العالم تماماً لتشابههن مع ملكات العالم في عدم قيادتهن للسيارة، وتكفل الخدم بذلك".
و قال الباحث البريطاني كريستروفر جولايل عن السعوديات إنهن "الأجمل على مستوى العالم، ويستحققن لقب أكثر بنات العالم دلالاً وجمالاً".



__________________
ليس النجاح أن تكتشف ما يحبه الاخرون
إنما النجاح أن تمارس مهارات تكسب بها حبهم
RANY M NOUFAL
رد مع اقتباس

Sponsored Links
  #2  
قديم 10th December 2009, 08:15 PM
samar dahi samar dahi غير متواجد حالياً
مشرفة منتدى المجتمع
 
تاريخ التسجيل: Oct 2003
الدولة: zaidal
المشاركات: 624
الجنس: انثى
samar dahi is on a distinguished road
شكرا دكتور نوفل على نقل هالخبر اللي لفت انتباهي من يومين بأخبار ال 6.5 على قناة سورية واللي شمل الخبر الشق الأول المتعلق بالنساء السوريات اما بالنسبة للشق الثاني اللي متعلق بنساء السعودية فما قالو عنو بالأخبار .
المهم :
اولا شي طبيعي انو تكون نساء سورية هني من اذكى نساء العالم ... ...وهني اكثر احتراما كمان ..يعني ما جابو شي جديد ...كلو شي طبيعي ..ههههههههههه وهادا اقل شي ممكن ينقال بحقنا نحن السوريات فروحوا يا شباب انبسطوا فينا وارفعوا راسكن لانو نسوانكم ما في مثلهم بالعالم كلو ..
بس الخبر اللي ضحكني واللي كان المفروض ينقال كمان بحق السوريات واللي هو انو السعوديات هني اكثر نساء العالم دلالا ( يعني رجالهم بدليلوهم ..هههههههه) واكثر جمالاً هاد اللي بضحك اكثر ...
انو يعني هالغرب الذكي مانو عارف انو المرأة بالسعودية ممنوع عليها تروح وتجي على كيفها وانو رجالها هو اللي بأمنلها كل شي ....يعني اذا مفكرين لانو نسوان السعودية ما بيطلعوا برات البيت هالشي دلال ..اوووووووووه يا سلام أما ملاّ دلال ...وشي تاني يعني بدي اعرف انو من وين عرفو انو نسوان السعودية حلوين .؟؟؟؟؟؟؟؟؟؟؟ طالما الوحدة منهم مأبعة من فوق لتحت بقطعة قماش سودة بتحسبها شي يعني اكتشاف الجمال السعودي هاد معليش يسمحلونا فيه .......لانو وبدون فخر نساء سورية بيستحقو هاللقب حتى اكثر من نساء لبنان لانو نساء سورية فيهم شي من الطبيعة اكثر من اللبنانيات ..اللبنانيات بتحسهم جمالهم صناعي اكثر منو طبيعي ...
فاذا يا رجالنا وبكل فخر فيكن تقولو انو نسائكم من اذكى النساء واكثرهن احتراما واجملهن ...يا عين يا عين مين قدنا وقدكم يا رجالنا ...ههههههههه
وبالأخير منقول الله يديم علينا هالبلد الحلو والمجتمع السوري بشكل عام اللي عارف كيف يعطي قيمة للنساء ويخيلهم يظهرو قدام العالم بهالمظهر الحضاري هاد .
رفعوا راسكم يا صبايا سورية والكن مني كل الحب والأحترام لانكن الاذكى والأجمل والأكثر احتراماً
ولا شو رايكن يا جماعة ؟؟؟؟؟؟؟؟؟؟؟؟؟؟؟
سمر

.
__________________

في الليل التمست من يحبه قلبي...وفي حديقتي القاحلة جعل مكسنه
وبلآلىء الندى كسا وجهي
نفسي جميلة ...وحبيبي يناديني
هلمي يا جميلتي ...هلمي إلى حديقتي
فالشتاء قد مضى ...والكروم ازهرت ...وأفاحت عطرها



رد مع اقتباس
  #3  
قديم 10th December 2009, 10:04 PM
الصورة الرمزية ماجد سطّاح
ماجد سطّاح ماجد سطّاح غير متواجد حالياً
مشرف المنتدى الأدبي
 
تاريخ التسجيل: Jun 2005
الدولة: zaidal
المشاركات: 1,045
الجنس: ذكر
ماجد سطّاح is on a distinguished road
يللي عْليها شـْوال عمرو ما نـْشالْ ................ طِلـْعتْ صبيّة مغنّـَجة ومَلـْكِة جَمال ْ

عَا هالحكيْ الشَفـّافْ عَمْ يطلعْ معي ............ كِلْ هالدراسهْ فـِيلم منْ نـَسج ْ الخيالْ

=======================================

رد مع اقتباس
  #4  
قديم 11th December 2009, 12:48 AM
wajdy barakat wajdy barakat غير متواجد حالياً
عضو مخضرم
 
تاريخ التسجيل: Jan 2008
الدولة: سورية...حمص...زيدل
المشاركات: 256
الجنس: ذكر
wajdy barakat is on a distinguished road
روحوا انبسطوا يا بنات سورية هاي طلع تصنيفكن على مستوى اثاري عنا جواهر و ما النا خبر هههههههههه صارت اخباركن نتشرة وصيتكن عم يعلى الله يستر من الكبرة وكله هوين بس عم جد ما جابو شيء جديد بالعكس تماما جابو شيء كثيرررررر غريب ههههه
عم امزح سمر لا تحطيها علي وحدي..............عن جد يسلمولني البنات السوريا شي بجنن جمال واحترام وذكاء بس بدكن عقل الرجال يستحمل وما يفجر شي نهار ويروح يتهنى بجمال السعوديات اللي الحقيقة شي حلو وعلى مستوى هههههه
__________________
اضحك تضحك لك الدنيا
رد مع اقتباس
  #5  
قديم 11th December 2009, 02:42 AM
الصورة الرمزية RUSHA AWAD
RUSHA AWAD RUSHA AWAD غير متواجد حالياً
مشرفة منتدى المجتمع
 
تاريخ التسجيل: Sep 2003
الدولة: USA FLORIDA J
المشاركات: 630
الجنس: انثى
RUSHA AWAD is on a distinguished road
قدييييمة

لك هلأ الواحد مابيزعل لو عاملين شي دراسي على موضوع فيه شك او خلاف بس يعني شغلة انو النساء السوريات أكثر نساء العالم ذكاء واحترام بدكن تمسحولي فيهي, يعني هالشي أكل عليه الدهر وشرب بلا منئوديي يعني....بس هلأ بصراحة أني ماني ملاقيي انو التفسير العلمي للبروفيسورة مقنع يعني نتيجة كلامها بيطلع المكدوس سر السعادة الأبدية والذكاء الخارق وحتى انو سبب الاحترام هههههههه.... بس عاد ما بعرف اذا هالدراسات رح تخلي الرجال السوريين الشرقيين اللي بعد عندهن شك يرفعو القبعة لجمال المرأة السورية ويحترمو ذكاءها؟؟؟!!!! يمكن لازم يطلع اينشتاين من قبرو ويثبت هالنظرية حتى تصير بمرحلة الاقناع.
مع حبي واحترامي
رشاعواد
__________________
قد تنسى الذي ضحكت معه, ولكن لن تنسى الذي بكيت معه
رد مع اقتباس
  #6  
قديم 11th December 2009, 10:44 AM
الصورة الرمزية ماجد سطّاح
ماجد سطّاح ماجد سطّاح غير متواجد حالياً
مشرف المنتدى الأدبي
 
تاريخ التسجيل: Jun 2005
الدولة: zaidal
المشاركات: 1,045
الجنس: ذكر
ماجد سطّاح is on a distinguished road
نْ كانوا صبايانا الأذكا , الكِلْ قالْ...........وطلعتْ دراسة موثـّقـّهْ , عا هَيكْ حَال ْ:

المفروض نعرفْ حالنا ببلادنا ........................قديش قمّة بالذكا نحنا الرجال ْ

===============================
رد مع اقتباس
  #7  
قديم 11th December 2009, 09:36 PM
الصورة الرمزية drrany noufal
drrany noufal drrany noufal غير متواجد حالياً
مشرف المنتدى الطبي
 
تاريخ التسجيل: Aug 2008
الدولة: HOMS
المشاركات: 457
الجنس: ذكر
drrany noufal is on a distinguished road
مشكورين جميعاً ع المرور
عشان تعرفوا قيمة النساء السوريات
تحية لهن جميعاً
سلامي و احترامي
__________________
ليس النجاح أن تكتشف ما يحبه الاخرون
إنما النجاح أن تمارس مهارات تكسب بها حبهم
RANY M NOUFAL
رد مع اقتباس
  #8  
قديم 12th December 2009, 06:13 AM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,166
الجنس: ذكر
hosam abdulaziz is on a distinguished road
اقتباس:
نسوان السعودية ما بيطلعوا برات البيت هالشي دلال
تصحيحكا لكلامك سمر بالعكس النساء السعوديات بيطلعوا من البيت كثير عالتسوق بس دائما برفقة السائق لأنه هني ممنوع يسوقوا
و هالشيء معتبرته الدراسة نوع من انواع الدلال
و كون نسبة 95% عاطلات عالعمل و بيترفهوا من دون ما يشتغلوا فكمان هذا معتبرينه عمل

بالنسبة للنساء السوريات فهذا شرف كبير النا و بنرفع راسنا فيه انه يكونوا على ريادة الذكاء في العالم للجنس اللطيف

بس لو اوجدنا مقياس لقياس الذكاء مثل ريختر لنقول
رح تكون هالقمة الواصلة الها النساء السوريات قريبة من درجة 2/10
اما الرجل السوري فذكاؤه ما رح ينزل عن 9/10 من المقياس
و السبب ما بدوه شرح كثير بس لأنه رجل و هي امرأة.
__________________
Life Without Love is no life at all
رد مع اقتباس
  #9  
قديم 12th December 2009, 11:51 AM
الصورة الرمزية RUSHA AWAD
RUSHA AWAD RUSHA AWAD غير متواجد حالياً
مشرفة منتدى المجتمع
 
تاريخ التسجيل: Sep 2003
الدولة: USA FLORIDA J
المشاركات: 630
الجنس: انثى
RUSHA AWAD is on a distinguished road
أني بوافقك حسام على كلامك خصوصا نسب الذكاء المتفاوتة بين الرجل والمرأة
لأنو تصور هال2 من 10 تبعوت المرا عم يكفو ويعادلو هال9 من 10 عند الرجل
وهالشي دليل على انو كل مقياس شكل مع انو المقياسين للذكاء ورح اعطيك مثال
10 درجات حرارة على مقياس سلسيوس بيعادلو 50 درجة حرارة على مقياس فهرنهايت
والمقياسين هني لقياس درجات الحرارة بس ياترى فيني نقارن بين درجتين حرارة
وكل وحدة على مقياس شكل؟؟؟ بتصور الإجابة واضحة حتى للرجل السوري وياسيدنا
حتى على مقياس الذكاء تبعو رح تكون الإجابة واضحة.

مع حبي واحترامي
رشاعواد
__________________
قد تنسى الذي ضحكت معه, ولكن لن تنسى الذي بكيت معه
رد مع اقتباس
  #10  
قديم 12th December 2009, 12:41 PM
الصورة الرمزية Kinan
Kinan Kinan غير متواجد حالياً
عضو مؤسس
 
تاريخ التسجيل: May 2003
الدولة: Zaidal
المشاركات: 934
الجنس: ذكر
Kinan
اذا اعتبرنا حكي رشا منطقي و انو هالدراسة صح و انو ذكاء النساء السوريات مساوي لذكاء الرجال
طيب وين ذكاء كل النساء عم يروح و وين ذكاء الرجال ؟؟
بتصور واضحة نسائنا ما في اذكي منهم بالدوارة في السوق و المكاسرة (تطليع بلع البياع)
كل ذكائهم عم ينصب على شو بدي البس و شو لون المكياج اللي بيلبق مع هالستان
و اي قصة شعر هلق دارجة و شلون بدي خلي جوزي يجبلي نفس الشلة اللي عند فلاني (شو هي احسن مني)
و اخم شي هوي تنظيم المواعيد خصوصا بالنسبة للمسلسلات التركية المدبلجة يهني نسائنا عندهم قدرة فائقة بتنظيم مواعيد المسلسلات بحيث ما يروح منهم ولا حلقة
يعني ما بتصور حدى بيطلعلو مع السوريات بهالاشياء

ممكن لو تفكيرهون كان مثل تفكير الرجال بينصب عالشغل و اشياء الحياة العملية الثانية كان معادلة السيلزيوس و الفهرنهايت زبطت ...
و كانت درجت حرارة الذكاء عند نساءنا اشعلت هالمجتمع اللي نحنا عايشين فيه
يمكن هاللي عمل هالاحصائية عرفان ذكاء النساء السوريات و لقالهون شغلة جديدة يشغلو ذكائهم فيه لفترة معينة

__________________

Keep Smiling !
It's The Second
Best Thing You Can Do With Your Lips
رد مع اقتباس
  #11  
قديم 8th June 2010, 06:20 PM
end way
Guest
 
المشاركات: n/a
جميل جدا الكلام والحقيقة الدامغة ان الشعب السوري شعب حضاري وذواق وشعلة من الذكاء
رد مع اقتباس
  #12  
قديم 10th June 2010, 06:58 PM
الصورة الرمزية drrany noufal
drrany noufal drrany noufal غير متواجد حالياً
مشرف المنتدى الطبي
 
تاريخ التسجيل: Aug 2008
الدولة: HOMS
المشاركات: 457
الجنس: ذكر
drrany noufal is on a distinguished road
هلا و الله و حبلا بالشباب
إي وين المساواة بين الرجال و النساء حتى بموضوع الذكاء شو 2و شو 9 ؟
بدي رحب ترحيب خاص بالاخ end way
و بشرفني كتير تكون مشاركتك الاولى بالمنتدى الطبي و شكراً كتير على رأيك الكريم و نورت يا غالي.
و بتمنى تحس حالك بين أفراد اسرتك بكل الموقع و تجد المتعة و الفائدة إن شاء الله
__________________
ليس النجاح أن تكتشف ما يحبه الاخرون
إنما النجاح أن تمارس مهارات تكسب بها حبهم
RANY M NOUFAL
رد مع اقتباس
إضافة رد

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


Sponsored Links

جميع الأوقات بتوقيت GMT +3. الساعة الآن 10:22 PM.


Powered by vBulletin V3.6.2. Copyright ©2000 - 2019
تصميم الموقع وسام عبد العزيز جميع الحقوق محفوظة, Copyright ©2001 - 2019
المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص