موقع زيدل الصفحة الرئيسية  

العودة   منتديات زيدل > المنتدى الزيدلي > المنتدى الأدبي > الشعر العامّي والزجل

إضافة رد
 
أدوات الموضوع تقييم الموضوع انواع عرض الموضوع
  #1  
قديم 22nd March 2015, 06:35 PM
الصورة الرمزية ماجد سطّاح
ماجد سطّاح ماجد سطّاح غير متواجد حالياً
مشرف المنتدى الأدبي
 
تاريخ التسجيل: Jun 2005
الدولة: zaidal
المشاركات: 1,045
الجنس: ذكر
ماجد سطّاح is on a distinguished road
كنت ناطر ..." هديتي بعيد الإم للمرحومة إمي "

كنت ناطر
((هالقصيدة هدية عيد الإم للمرحومة إمّي))
=========
كِنْتْ ناطر ضْحكْتِكْ بالعيدْ .....تمحي الشِتي وترسم ربيع جديدْ
=
كنت ناطر اعْلَق بْضَمّهْ ........بحِضنِك ومشوار الطفولة عِيدْ
=
كنت ناطر تكْبَر الَلمَّة ...........تحت السما ورموشِك عْواميدْ
=
كنت ناطر إغرَق بشَمِّة .........بنهر الدفا وإتنشَّق التَنهيدْ
=
بس القدر لو رَاد يا إميّ .........اللي بإيدَينا , عَ غمضهْ عَينْ
=
بَسْ فَتَّحت بيصير مش بالإيدْ
=========================
ولليوم بعدي بلْمَحِك نيسانْ .........خْدودِكْ زَهرْ أبيض, إيديكِي خُضْرْ
=
وبركُض بهالمَاضي طفل هِربانْ ....وبُوقَعْ , وإنتي بتندهي ( يا خِضْرْ)
=========================
وبشوفْ فَيّات العِنَب والتِيْنْ ..........الْـ غِفيو بعَينيكِ عَ مَرّ سْنينْ
=
وهالقلب ساهي عَ الغصنْ عَصفورْ ...لمحة, وبيسرقهُنْ هوا تشرينْ
=========================
وبشوفْ صَابيعك على الغِربَالْ ........القَمْحْ بزماني الرَّاح مَ تدَرَّي
=
نِسيوا الشَقَى عا شردة الموَّالْ........وصَوتِك جْروح الدَهر مَ يعَرّي
=
ولمّا الشمس تحمى بسما هالبَالْ ....وماااا بتِسْمَرِّي , بتشْقَرَّي
=
بمِدّ إيدي لْإيدْ مَ بتنطالْ.........وبحني تَ بوسا وعارف بسِرّي
=
كلشي أنا شِفتو ومَرَّ خْيَالْ ........ ..وبْدال عاخدّي مَ بوسة نَالْ
=
بدمعة حِزن عَ الخَد بتِمِرِّي
=================================
ماجد سطاح
21/03/2015
وكل عام وكل إم وطن , وكل وطن بخير .
رد مع اقتباس

Sponsored Links
  #2  
قديم 1st April 2015, 02:05 AM
ربى عبد الحي ربى عبد الحي غير متواجد حالياً
مشرفة منتدى مما قرأت
 
تاريخ التسجيل: Apr 2014
المشاركات: 108
الجنس: انثى
ربى عبد الحي is on a distinguished road
الله يرحمها ويصبركم على فراقها

القصيدة جميلة جدا ومؤثرة جدا جدا

سلم قلمك دكتور ماجد
رد مع اقتباس
  #3  
قديم 3rd April 2015, 10:56 AM
الصورة الرمزية ماجد سطّاح
ماجد سطّاح ماجد سطّاح غير متواجد حالياً
مشرف المنتدى الأدبي
 
تاريخ التسجيل: Jun 2005
الدولة: zaidal
المشاركات: 1,045
الجنس: ذكر
ماجد سطّاح is on a distinguished road
الأخت والصديقة صاحبة القلم الساحر ربى عبد الحي, شكراً لمشاعرٍ طيّبة , ورأيٍ شفّاف حملتهُ إليَّ كلماتكِ العذبة .
لا أذاقكِ الله مرارةً فقْدِ عزيز ..ودمتِ وقلمكِ بألق .
رد مع اقتباس
إضافة رد

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


Sponsored Links

جميع الأوقات بتوقيت GMT +3. الساعة الآن 12:33 PM.


Powered by vBulletin V3.6.2. Copyright ©2000 - 2019
تصميم الموقع وسام عبد العزيز جميع الحقوق محفوظة, Copyright ©2001 - 2019
المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص