طلال يريد تغير النظام

[sulieman safar]

الصديقة الغالية ام ملحم
الف شكر على كلامك الظريف وعواطفك الصادقة والتي ارجعتني الى زمن في المنتدى كان يسوده اللأفة والمحبة والبرائة والطهارة ولكن الحياة تتغير ونحنوا نسبقها الى التغير مع أو بدون ظروف خارج أو داخل سيطرتنا.بالنسبة لادارة ومشرفين منتدى زيدل, لا أعلم ان كنت رويت لكي قصة ذاك العجوز الأرمل المسكين على عهد الأغا ابن سليمان من حيث ان الأغا ابن سليمان كان يفرض خمسين ليرة ذهب على كل من يتزوج. لكن هذا الرجل العجوز كان لا يملك ولا حتى قسم بسيط من هذا المبلغ ولذلك طلب مقابلة الأغا ابن سليمان كي يشرح له موقفه . وبعد الموافقة دخل الرجل العجوز لمقابلة الأغا وقال له;
شبحكيلك يبن سليمان
اغاتي يبن سليمان
عن الرملة وقلت النسوان
قضينا بيها سنتبن اللعن من قرط الصوان
لقينا وحدي صديي أبوها راعي معزي كان
ماهي زبوني محمودي,لكن أخيير من الماشي حفيان.
وكذلك تبقى ادارة ومشرفين منتدى زيدل , ماهن زباين محودين ولكن أخيير الماشي حفيان.
قولك رح يردوا أو يعرضوا أنفسهم الى قصف أدبي من العيار الثقيل.
لكي ولقارئينا الكرام محبتي
سليمان

[a_aroush]

شميت ريحة تغيير .. فقلت لازم ارجع عموقع زيدل و قوم بالاستعدادات اللازمة لسحق أي محاولة لتغيير السلطة و الاشراف في الموقع .. ووالوقوف إلى جانب ريسنا حسام و رفع شعار ( الله زيدل وسام ) , و من ثم اسقاط وسام عن الحكم و نفيه الى درغلي دوت كوم .

و لنطالب بتاميم موقع زيدل و تسجيله باسم المختار طبعاً بعد اسقاط المختار أبو فيصل و التحقيق معه من اين لك هذا ( عن عماد ) . و وضع انتخابات ديمقراطية شريفة بنعم أو لا لمختار جديد على ألا يكون من بيت أبو عيد( طبعاً كلنا منعرف ليش ).

ثم سنطالب بمحاكمة وزير الداخلية حسام الذي سلم كل مناصب الوزارة إلى العائلة الحاكمة و نقبل تنحي رئيس مجلس الوزراء حبيب العمر عن السلطة قبل أن يصبح سَلَطَة و سنسعى لتخفيف العقوبات التي يطالب بها المعارض سليمان بتنفيذها ضده بسبب تجوهاته الفاقدة لاتجاه. و ايضا مجلس النواب الحالي و أولهم عبودي و رشا لكبت الحريات و لسحقهم المعارضين و الموالين معاً و الغاء مشاركاتهم.

[imad_dahi]

هلق لما المعلم طلال الله لا يعطيه عافية قال بدو يغير النظام هو عم يحكي عن المنتدى فبقى شو خص المختار بالموضوع .. والا استغليتو الموضوع لتعبرو ؟؟؟ وتحكو .. يا عمي ليكوها ساحة الشهداء روحو حملو لافتات ضد المختار ولا تنسو رئيس البلدية وامناء الفرقة والاباء الكهنة .. والا بس هو المختار النظام الديكتاتوري بزيدل ؟؟

ويا ريت عمر شي بيت من رخام لنقول نهب فيكن ..بس لا حول ولا قوة ..

يا بتغيرو نظام المنتدى وبتحكو بس عن المنتدى او بتغير نظام زيدل وبتحكو عن زيدل

ع كل حال نقو مختار جديد لانه ابي من هيديك الدورة ما كان بدو بس اهل الضيعة حبوه انو يكفي بس هيدي الدورة هي اخر وحدي . ويمكن مش محتاجين تنزلو ع الساحة..

بس ع كل حال كلمة عضو مؤسس احلى من مشرف سابق

[sulieman safar]

اي هيك بدنا شي كتابي تنهنش سوق المنتدى .الله وكيلك صابني قرحة من مشاهدة العناوين الرئيسية وأكثرها حول كرة القدم رغم انا مشجعيها الكرام لا يعلموا نتيجة دراسات اصحائية منذ اسبوع تدل بأن هذه الرياضة تحتوي على عنصرعنفوان أكبر من أي رياضة أخرى في العالم ويا ليتهم يراجعوا أنفسهم تناسبا لتشجيع هذه الرياضة الفاسدة من حيث انها تشجع القمار ومبالغ غير انسانية تدفع للاعبيها على حساب المشجعين الجاهلين،كفانا باصات فارغة، انا متت وما تخلصت من شلة الفولاميلا, بالمنسابي البحرين لغت السبق لهذاالعام يمكن خوف مني بالدرجة الأولا ومن مواطنيها الكرام في الدرجة الثانية. رح اخذ مجدي طبعا.بالمناسبي بحثت عن كتاباتي في المعركة الشعرية مع شلة الفورملا لكي اعطي مثل عن شعر الصديق الغالي عماد وسبب اني أعطيته وزارة الشعر البايخ لكني لم أجدها. هل با ترى ان ادارة المنتدى وخصوص ابو الحوس ابتدأ بتغير تاريخ المنتدى لكي يشبع غروره بنفسه ويمحي طريقة هزيمته في تلك المعركة الشعرية الطاحنة؟.؟قد يجوز أن يمحيها من ذاكرة المنتدى لكنه لا يستطيع محوها من ذاكرة الفيل ولعلي أذكر بعض الأبيات الشعرية من تلك المعركة الطاحنة لعله يتذكر ,
محسب حالو ابو الحوس
مطرح ما بدو بيدوس
ولكن مع عو سليمان
بالتالي رح يطلع معفوس

كفانا مقدمات ولنرجع الى لب الموضوع. أنا برايي الخاص انو المختارالجديد يكون من بيت ابو عيد من حيث انهم يملكون صفة عربية أصيلة من جهة ومن جهة ثانية وهي بأن زوجتي نهلوش تنتمي الى تلك الطائفة وهكذا يصبح عندي شوية نفوذ واحقق حلمي وهو أن اسجل شخصي تحت اسميين, الأول هوا اسمي الحالي والثاني تحت اسمي الظريف وهوا ابو سحلول الملعب عفوا المدعلب.
شو بدكن؟
مثل ما بدو المختار.
ولكم محبتي حصرا
سليمان.

[talal_alachkar]

خبر عاجل
قد إرتأت لجنة شباب تغير النظام في المنتدى إلى الخطوات التالية
- بما انو الوزير عبودي صرح أنو ماحدا مفكر يتنحى بالوقت الحالي .....
- و بما أنو الوزير عبدالله عرعوش عم يخرج عن صلب الموضوع , لكي ننسى أمر تغيره ..........
- و بما انو الوزيرة السابقة سناء بدأت بالتعاطف مع مكالب شباب الثورة ....
- و بما انو الإدارة لمست على راسها و لكن محاولاتها لتخفيف حدة الغضب الشعبي لم تفلح...........
- و اخيرا بما انو الوزير سليمان حط حطا وزير الرياضة و طالع حالو بريئ برائة الذئب من دم ليلى ههههههههههههه........
قررنا أنو نوسع مظاهراتنا و نحذر أي نعم نحذر من أننا سوف نتوجه لساحة الشهداء و رح نعتصم بالساحة و رح نسميها
ساحة الحرية
وشكرا لشباب ثورة تغير النظام بالمنتدى ................
الثائر من وراء القضبان طلال

[الإدارة]

من بعد الاطلاع على الدعوة للمطالبة بالتغيير, وإيماني العميق ( أنا رئيس مجلس وزراء منتديات زيدل ـ صحيح بأنني لا أسمع ولكنني أرى ) بالاستماع للآخرين وخاصة للأمل الكبير بقيادة شابة جديدة, أضع استقالتي تحت تصرف الشعب وليس تحت تصرف المعارضة وأعتبر نفسي رئيس مجلس الوزراء لتصريف الأعمال حالياً, على أمل أن تتوحد رؤويتكم حول التغيير المطلوب ( مو على مبدأ كل مين أيدو ألو, وكل واحد عندو تـار بدو يستغل فيها الشعب ليحقق مبتغاه ), وإذا كنتم تتكلمون باسم كل الشعب سنكون صاغرين لكم ( على حد علمي بأن المعارضة ليست هي الشعب وإنما هي جزء منه ...ولكن أصيل ), وإلى حين أن تتوحد روؤاكم : أيها المعارضة ), سنبقى في الحكم ونقوم بتصريف الأعمال منعاً لانتشار الفوضى , وإلى أن يتم إيضاح بنود الدستور الجديد المقترح الذي ستعتمدونه ..أعدكم من خلال متابعتنا لتصريف الأعمال أنه سيتم عرض هذا الدستور الجديد على العلن ليتم الاسـتفتاء حول بنوده ( بكل شفافية ونزاهة ) مع مراعاة انتقاء البنود الأفضل للشعب لكل الشعب ... وليس لفئة دون أخرى ... مبعدين عنا صنوف القهر والخراب ...إلخ.....

( حكومة تصريف الأعمال )

[ABUODEE]

بيان اداري رقم 2:
اولا:
800 قراءة للموضوع ولا يوجد الا معارضين بعدد لا يتاجوز التسع هذا وان دل فيدل على الرضا الكامل على الحكومة الحالية
ثانيا:
للمعارضة حق وهو المعارضة ولكن لانزال نطمع بالمزيد من المعارضة حتى نرفع اصواتكم للجهات العليا
ودون ذلك ودون ازدياد المعارضة لا اجراءات جدية والمعارضة ستبقى هي فئة من الشعب وليست الشعب جميعه كما ورد اعلاه من قبل الارادة
ثالثا:
الاسماء والمشرفين وصفتهم لا تزال كما هي ولا يوجد ايا تغيرات رغم بعض التهم الملفقة والتي سيحاكم عليها لاحقاً كل من اتهم اخر بتهمة غير ثابتة

و ايضا مجلس النواب الحالي و أولهم عبودي و رشا لكبت الحريات و لسحقهم المعارضين و الموالين معاً و الغاء مشاركاتهم.

رابعا وليس اخرا:
نامل من جميع المعارضين ايراد اسماء مقترحة للاشراف للنظر بوضعهم ومدى قدرتهم على تحمل مسؤلياتهم كمشرفين وفيين وكم هم كفؤ للحلول مكان مشرفينا الحالين وانتهز هذه اللحظة لتوجيه تحيتي للمشرفين الحاليين واشد يدي على ايديهم لمتابعة مهامهم على اكمل وجه كمان كانت من قبل هذه المعارضة وارجو منهم جمعا عدم الاكتراث للفئة المنقسمة والتى غالبا ما تخرّب اكثر من ان تصلّح
ولكم من بعد هذا البيان بيانات لاحقة طويلة ومعكم حتى اخر لحظة ولحظة بلحظة طبعا كل ذالك تحت تلسكوب المشرفين الحاليين.

[Hatem]

سلام لأبناء المنتدى المعارضين نعم نعم والف نعم لهذه المظاهرة الحاشدة..
نعم نعم وألف نعم للتغيير الشامل نحو الأفضل..
نعم نعم وألف نعم انا معكم ايها المتظاهرين حتى تنحي الحكومة ..

المشاركة الأصلية كتبت بواسطة abuodee

800 قراءة للموضوع ولا يوجد الا معارضين بعدد لا يتاجوز التسع هذا وان دل فيدل على الرضا الكامل على الحكومة الحالية

أنا بصراحة كنت عم راقب الموضوع دون رد حتى اتى ((المشرف)) عبودي وكما قال في الأعلى عدد المعارضين لا يتجاوز التسعة قررت أن انفجر واصبح الشخص العاشر معكم نعم معكم يا أحرار الشعب (حاسس حالي بشي خطاب ههههه)

معكم ايها الأحرار..
مع حبي..

[a_aroush]

يبدو حالة الحكام العرب في حالة من الذعر و الارتباك حتى على مستوى المختار .

عماد كنا عم نمزح لما جبنا سيرة تغيير المختار .. ما بعرف إذا انتبهت لهالشيء . يبدو أخذت الكلام على محمل الجد, و بدك يانا نطلع عالساحة و بتوعد المختار ما عد يتقدم لدورة ثانية .. طول بالك.

خلص على كل رح نبقى بموضوع الاصلاح في الموقع و نسيب المختار بحاله .

طلال كلو منك .. بعدين مانك ملاحظ أني كنت وزير سابق فليه بدك تطيرني و أنا طاير خلقة. بدك تشوف اللي ملزقين عالكراسي تبعهن . هذول البدهن خلع .. فعندك شي مطري للزيق ؟

بعدين لازم نفكر بالبديل بالقبل فهل عندك مرشحين للحكومة الجديدة ؟ و كمان ما بدنا الأمور تكون عشوائية و تعم الفوضى و يدخل مخربين . بعدين بيستغل أعضاء الحزب الديكظراتي الفرصة و يشوهوا صورة هالتظاهرة السلمية الشريفة.

بس مدري وين الريس مو مبين!!! و حسام .. يبدو صاروا بفانزويلا .. يا أما عم يجمعوا مرتزقة من نيجيريا ليسحقوا المظاهرة لأنه ما عندهن ثقة بزلمهن اللي بلشو يهروا لحالهن.

أما عن عملية تصريف الأعمال فنطالب بتسليمها لرئيسة مجلس الوزراء السابقة زئزوءة .. حتى تتم عملية انتخابات جديدة لمشرفين و إداريين جدد .. و التداول بالإجراءات اللازمة حول مصير رئيس الموقع وسام ووزير الداخلية حسام المفقودين حالياً.

[الإدارة]

أتماهى مع الكلام الأخير للسيد المعارض عبد الله عرعوش ( ولو انو عم يحارب من وراء البحار ) .. وتفادياً للفوضى منقول معو ,,,, وين البديل ..؟؟ أما بالنسبة لتصريف الأعمال ( مع احترامي وحبي الشديد لصاحبة الابتسامة المرتسمة على ثغرٍ لا يعرف اليأس ) لا يمكن إعطاء تصريف الأعمال لأي من الإداريين والمشرفين القدماء .. ( لذا العاب غيرها ) ..وإذا في شي جديد .. يا ريت يصير ترشيح لعناصرشابة جديدة لأنو المعارضة الحالية هي في حكم المنتهي .. يعني كانوا ... وانتهى مفعولهم.. فهل من ينتهي حكمه يعود .... ويجب وضع أساسات لانتخابات ودستور جديد ..والبعد قدر الإمكان عن كل شي قديم لأنه ها يبقى وزير سابق ..... وإلا لن نتنازل عن الحكم .......... ههههههههههههه. ( ابقينا في السلطة ...... ),
أما للأخ المغترب في استراليا وصاحب الأذاعة اللاذعة .... نقول امبين كل مراسلين إذاعتك الـ... ... هني اصلاً في الحكم ..أيه شو ها التغيير هاد ............ وززززززززززززززززززز ,,,,,, ههههههه.

( الإداري الواضاع استقالته بطوعاً بين أيدي الشعب ... وليس المعارضة ) انتبهوا فيه فرق ......... ههههههه

[ABUODEE]

عدستنا في كل مكان
وعيوننا عليكم جميعا
لا نغفل عن اياً من حركاتكم وتحركاتكم
وجميعكم تحت اعين الاشراف
سنوافيكم بجديدنا اول باول

[a_aroush]

بدأت تتزعزع الحكومة الحالية للمنتدى و تتخبط في الكلام و تدعي أن المتظاهرين ليسوا من الشعب و يتهمونهم أنهم أجانب كما كان يدّعي الحكام المخلوعيين من قبلهم.

[Nada1981]

مرحبا جميعا

شكرا طلال على الموضوع الي خلانا نقرا ل كل الي شاركو بلموضوع بعد غياب طووووووويل......

هلق بكل ادارة في معارضين والظاهر انا رح كون معكم وبطالب من المشرفين يردو على الجماهير ويعطونا رأيهم بلموضوع لحتى نعرف مين منا ومين علينا

سناء, عم سليمان/خالة نهلة, عبدالله, طلال, عماد, كنان, بلفعل كنت فرحانة لمى شفت مشاركتكم بلموضوع مثل ايام زمان.

تحياتي للجميع

ندى

[الإدارة]

المشاركة الأصلية كتبت بواسطة a_aroush

بدأت تتزعزع الحكومة الحالية للمنتدى و تتخبط في الكلام و تدعي أن المتظاهرين ليسوا من الشعب و يتهمونهم أنهم أجانب كما كان يدّعي الحكام المخلوعيين من قبلهم.

الإدارة قالت ( ولو انو عم يحارب من وراء البحار ) , ولم تقل أن المتظاهرين ليسوا من الشعب ... وقالت ايضاً بإن الأدارة تتماهى ,,, إلخ, أي اعتراف من السلطة بالشعب, فلذا إن اجتزاء الكلام هي لعبة تتميزون بها أيها المعارضة ....... وليك مين عم يحكيى...(((مشرف ولأ سابق كمان ))) ..... ههههههههه

[سناء جلحوم]

مابعرف إذا حاسيين باللي أنا حاسة في :

الملاحظ بإنو الأسرة المالكة والمتمثلة سابقاً بآل عبد العزيز وبعدها بآل عواد وآل عبد النور عم تتجنب تماماً تخوض هالحوار الصريح والسبب واضح متل عين الشمس وهو :
_ لم تعد هذه االبقعة الخصبة من الوطن تعنيها أبداً وحضوركم كما هو غيابكم وخير دليل على ماذكرت ... بإنوا اللي مابينذكر إسموا بيوم همش المنتدى على جنب الصفحة الرئيسية للموقع الأمر اللي أثار حفيظة مشرفة المنتدى الإجتماعي سمر ضاحي للإعتراض وبشراسة وخوفا ًمن زعلها وردة فعل الشعب أعاد اللي مابينذكر اسموا الوضع إلى سابق عهده ..
_ هلق بعد ما أعاد الوضع إلى سابق عهده وعيين مشرفيين جدد على زوقه بدفع من أحد الأعضاء المقربين ((واسطة يعني )) تولوا هؤلاء المسلطين أمر القيادة وعمت عيونهم المناصب والكراسي وبدل مايمشوا بالشعب لقدام رجعوا في لورا ...وشوفوا يامواطنين حال المنتدى مع المشرفيين الجدد (( قال جبنا الأقرع ليونسنا كشف عن قرعتوا وفزعنا ))

بعـــــــــــــــــــــد :

إلى اللقاء آخر الكلمات

Desert rose

اداري سابق

24th May 2003

2,703

RUSHA AWAD

مشرفة منتدى المجتمع

1st September 2003

627

habibalomrre

مدير عام و مشرف المنتدى السياسي

21st August 2003

751

samar dahi

مشرفة منتدى المجتمع

25th October 2003

614

hosam abdulaziz

مشرف المنتدى التقني و الرياضي

21st February 2003

2,137

August 24, 1976

ABUODEE

مشرف المنتدى الترفيهي

19th June 2004

810

December 14

mariam

1st March 2003

882

Nada1981

مشرفة المنتدى الترفيهي

1st March 2005

1,284

أي اللـــــــــــــــــه يعطيكم العافية والله تعبانيين كتير .................

وولك أنتوا مابدكن خلع ...أنا لو الأمر إلي بحكمكم إعدااااااااام متل بعض الحكام ...على هالأرقام


بعدين ياسادة ياكرام :

مش أصول تجيبوا سيرة المختار ....يعني مختارنا على عينا وراسنا وأنا بحبواااا كتير بيكفي أنو سجلني من مواليد زيدل وأنا من مواليد الشام الله يخلينا ياك مختار ...وبعدين عماد إنت مابيحقلك تعترض يعني إذا أبوك المختار مالازم نعبر عن رأينا بمختارنا وضمن نطاق حرياتنا ؟؟؟؟؟؟؟؟؟

زءزوء تسلملي على هالصورة والله طالع عبدلله فيها ناشط رسمي ...على كل حال هوي ناشط بالإسم وبالفعل وبكل إخلاص وتفاني وحب ...وفهمكم كافي أيها الشعب (( عبدلله خففلي نشاطك شوي ولك أي مابدها هالقد )) الي رجعة معك لحالك ....ضمن هالموضوع الثقافي .

دكتورة مريم ....ياعمي وينك ....معقول بتغيبي هيك عن مسؤولياتك اللي حملك ياها الوطن ؟؟؟؟ وين وين وين ...الشعب العربي وين ...الدم العربي وين ...وين الملايين ... برأيي هي جريمة لاتغتفر بحق المواطن والوطن .

سمر ضاحي ورشا عواد ...مشرفي المنتدى الإجتماعي ...حقكم ماعد نشوف أسمائكم ...الهيئة خلصت المواضيع الإجتماعية وإنصهر المجتمع بالمجتمع يعني ماعد في شي تجكوا في أو تردوا عليه ؟؟؟ هلق اذا أنتوا مش قد حمل الحمل .... مابدي إفهم ليه قمتوا بحركة الإصلاح والتغيير وطالبتوا بنسفنا وسحقنا بطريقة ذكية خلتنا نتنحى بكامل إرادتنا بليلة مافيها ضو قمر عن مناصبنا .؟؟؟؟؟؟؟؟؟؟؟؟؟؟

ندى أهلا ندوش والله إنتي ماعليكي حكييييي بس كمان طولتي الغيبة كتير هالمرة

سليمان الملك وحدك اللي مامنقدر نضربك بوردة فكيف بدنا نضربك بكم كلمة أنا مبسوطة إنك ماعم تقصر بها الحكومة الحاكمة واللي استحلت الكرسي ظلماً وعدواناً ومن دون إنتخابات حرة شريفة

أما الإدارة الكريمة ومع إحترامي للدكتاتورية اللي فرضتها على شعبنا وأرضنا يعني يا أنا وبس ياأنا وبس ...والباقي خس ضروري تعطوا فرصة لها هالشعب الطيب المظلوم واللي إتحمل ما لا يتحمله قوم بعهدكم المظلم .

وهلققققققق...................

روقققققققققققوا ماتعصبوا ومافي لزوم لأي عدوان كلامي أو قصف عشوائي وكمان مافي ضرورة للتهديد بنسف البنى التحتية لقواعد منتدى زيدل حراااااااااااام .... والمفروض ترحلوا متل مارحل غيركم اليوم مش بكرة ... ليرجع الشعب يعيش عيشة كريمة حرة .


دمتم ودامت ديارنا بعزنا لا بعزكم