موقع زيدل الصفحة الرئيسية  

العودة   منتديات زيدل > المنتدى الزيدلي > المنتدى الاغترابي > أخبار المغتربين

إضافة رد
 
أدوات الموضوع تقييم الموضوع انواع عرض الموضوع
  #1  
قديم 3rd November 2010, 12:07 AM
simon shakour simon shakour غير متواجد حالياً
عضو
 
تاريخ التسجيل: Aug 2010
المشاركات: 41
الجنس: ذكر
simon shakour is on a distinguished road
كلهم بيسلموا على اهل زيدل

تحية طيبة للجميع وانشالله بيكون موضوعي الاول بداية خير وتعارف بيناتنا
انا سيمون ابراهيم شكور ابن ابو اكرم مقيم حاليا بالهند \كالكوتا \واعمل كشيف مطبخ عربي
بديت القصة السنة الماضية ايار 2009 لما اجا فريق الكرامة السوري لكرة القدم ولعب مباراة ضمن كاس الاتحاد الاسيوي وطبعا بمحبتنا وغيرتنا وضيافتنا المعروفة سعيت لاني التقي فيهم واحضر المباراة وشجعهم من كل قلبي مو بس لاني مشجع كرماوي كمان للاسباب الي ذكرتها سابقا والحمدلله تمت الامور متل ما خططتلها وربحو وانبسطنا سوا وعرفتهم بنفسي وبقريتي وانشالله اني كون قمت بالواجب وعبرت عن شعب المكان الجميل اللي انا عايش فيه ببلدي حتى اعطي صورة حلوة متل ما اي واحد لو كان مكاني كان راح يعمل نفس الشي \وطبعا حملوني سلام لاهل زيدل وشكر ومحبة \والاجمل انو البعض منهم وصل السلام شخصيا لما زار زيدل لتدشين مقر النادي الرياضي ونقل الصورة والمشاعر الحلوة اللي راح فيها من هون لرئيس النادي الرياضي وللصديق منذر عبد العزيز وعبرلهم عن مدى فرحة وشعورو بالفخر لما لقا واحد من ابناء سورية بالمكان اللي كانو فيه .
وهاي السنة اتكررت نفس القصة واجا فريق الاتحاد السوري والقادسية الكويتي والنجمة اللبناي على التسلسل وبنفس البطولة بنسخة 2010 وطبعا عملت نفس الشي اللي عملتو مع فريق الكرامة ويمكن اكتر بشوي للي اقدرت احصل على وقت اكتر معهم وطبعا التقيت مع مدربينهم وادرينهم وعرفت بنفسي وببلدي وبقريتي والحمدلله كانت الامور كلها ممتازة وكمان حملوني سلامات الكم انا بنقلها شخصيا وانشالله بزورو سورية وبيوصلوها بنفسهم .
واخر الاحداث المهمة طبعا حتى الان كانت زيارة السيدة جويس ماير \اللي بتشوفها على قناة الحياة \وكانت عاملة برنامجها هون بكالكوتا لمدة 5 ايام وكانت اقامتها بالفندق اللي انا فيه هي والمجموعة اللي معها وطبعا انا ما بخلي هيك حدث مهم الا ما روح وشارك فيه يعني من مبدأ اثبات الوجود .
واجت المجموعة كلها اتعشت بالمطعم اللي انا بشتغل فيه وكوني انا شيف المطعم العربي كان بيني وينهم تواصل زمني جيد واقدرت التقي السيدة جويس ماير واحكي معها واتشكرها على العمل اللي عمتعملو بعد ما عرفتها باسمي وبسورية وبزيدل وابدت كتير من الاهتمام لما عرفت انو بنتابع برنامجها على قناة الحياة واتشكرتني للاهتمام وحملتني سلام كبير لاهل زيدل وطلبت من ربنا انو يبارككم .
ومتل ما بنقول دايما \الغالي للتالي \ما راح انسى زياراتي لبيت الام تريزا اللي راح انقلها بموضوع منفصل لانو الحقيقة انها سوت شي عظيم كتير هون .
وانشالله ما كون طولت عليكم
وتفضلو بقبول خالص محبتي واحترامي .................. سيمون
رد مع اقتباس

Sponsored Links
  #2  
قديم 3rd November 2010, 05:25 PM
الصورة الرمزية shadi
shadi shadi غير متواجد حالياً
مشرف منتدى لجنة أصدقاء زيدل ( زيدلنا )
 
تاريخ التسجيل: Feb 2003
الدولة: Zaidal
المشاركات: 507
الجنس: ذكر
shadi
أهلا وسهلا بأبو السيم العظيم في منتدانا الغالي وانشالله تكون من الأعضاء الفاعلين فيه.
كبير كبير يا أبو السيم الحقيقة أخبار كتير حلوة الله يعطيك العافية لأنو إنتي عندك حب مساعدة الناس بالفطرة فما بالك أبناء الوطن الي عم يرفعو راسنا بالمحافل الدولية وانشالله بس الله يتمم على خير(ومانصيبهن بالعين) ونربح على القادسية ونثأر للكرامة في عقر دارهن والإتحاد عندو ميزة إنو اخذت إيدو على القتل بعد ما طلع كاظمة والكويت وانشالله الثالثة ثابتة.
ملاحظة: مبارح زبطت خط الهاتف يعني فينا نتواصل على الياهو عن قريب انشالله
take care man
__________________
قل لي وسوف أنسى ، أرني فقد أتذكر , شاركني عندها سأفهم.
Tell me and I will forget , show me and I may remember , involve me and I will understand
رد مع اقتباس
إضافة رد

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


Sponsored Links

جميع الأوقات بتوقيت GMT +3. الساعة الآن 03:23 PM.


Powered by vBulletin V3.6.2. Copyright ©2000 - 2020
تصميم الموقع وسام عبد العزيز جميع الحقوق محفوظة, Copyright ©2001 - 2020
المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص