موقع زيدل الصفحة الرئيسية  

العودة   منتديات زيدل > المنتدى الزيدلي > المنتدى الأدبي > الشعر العامّي والزجل

إضافة رد
 
أدوات الموضوع تقييم الموضوع انواع عرض الموضوع
  #1  
قديم 19th October 2005, 03:39 PM
الصورة الرمزية ماجد سطّاح
ماجد سطّاح ماجد سطّاح غير متواجد حالياً
مشرف المنتدى الأدبي
 
تاريخ التسجيل: Jun 2005
الدولة: zaidal
المشاركات: 1,045
الجنس: ذكر
ماجد سطّاح is on a distinguished road
طل القمر(زجليات)

طلّ القمر بالليل قلتلو تعا....تا وشوشك همساتْ بلكي بتسمعا

وإن عَجبتكْ يابدر أنقل هالكلام....لهاك الصبية الواقفة وقلبي معا

سنتين صرّلا بهالفرندا بحزنْ دامْ.........تنطر فرحها والحزنْ ما ودَعا

جفـّتْ دموعا وأحترق قلبا حرامْ...أهليْ وأهِلها دسّو شوكة بمدمعا

وسنتين صرلي بحْرسا جوَّا الظلامْ...ومن غير ماتدرى ,عيوني بتقشعا

ناطر غيابيْ يمسحْ بجرحا العلامْ.....وماكان جرحا يختفيْ ما أروعا

كاساتْ خمري شربتهن تالخوفْ نامْ...بلكي الشجاعة بصيدها وبْشجِّعا

يالله تَنسرقْ بالخفى كمشةْ غرامْ....والحبْ يرجعْ دربنا ,ونمشي معا

لو قطعوني شقاف ,نظراتكْ سِهامْ ...بقلبيْ ياعمريْ بسْ الله ْبينزعا

يومْ إفترقنا والهجر سلّ الحسامْ.....وغزّو مَ بينْ ايدينْ حُبّا مجمِّعا

نهربْ خطيفة ْوبالخطيفة ْ لا ملامْ......مادام كلّ دروبنا متقطـّعا

هيدي القصيدة محمّلة شوق وهيامْ.....منْ قلبْ عاشقْ مانسيْ محبوبتو

يا بدر بالله ْ توصِّلا تا تقنعا
******************************
رد مع اقتباس

Sponsored Links
  #2  
قديم 22nd October 2005, 02:48 AM
الماهر الماهر غير متواجد حالياً
عضو بارز
 
تاريخ التسجيل: Oct 2005
الدولة: زيدل
المشاركات: 102
الماهر is on a distinguished road
شكراً لحكيم عيون لأنه لفت انتباهي لموضوع الزجل وما يتميز به من بساطة وجمال ولكن أرجو من القارئ مراعاة اللحن المعتاد في هذا النوع من الشعر عند القراءة وذلك ليتمكن من تذوق الصور بالشكل الصحيح .

إلـــــــــــــــــــــــــى ( ل ) :
كيــــف النور يـــدق النور ................شغلة وما الها فكـــي
وردة نزرعت بين زهور................ لحلاها بتعطي حركي
**************************************
فل وياســـــــمين ومنتور ............... من شعرا بيغزل شبكي
وعطر خدود المنها يفور ............... بالراس بيعمل حكــــــي
**************************************
برحيقا بينصب خمـــــور ............. الصاحي بيسكر من سكي
وعودا من شــجر البخور ............. بقداس بيرمي بركـــــــي
**************************************
حلوي وتتخبا ببـلـــــــــور ............ وانطلعت تعمل لبكــــــي
وبروح وبيجي عالمـوتور............... بلكي بلمحها تكـــــــــي
*************************************
مفتون وعقلي مســــــحور ................ويللي بقلبي رح احكـي
علقا وعلقتا يــــــــــــا ناس ............... علقة وما منها فكـــــي
...............................
__________________
ليس بالخبز وحده يحيا الإنسان
رد مع اقتباس
  #3  
قديم 29th October 2005, 10:44 PM
الماهر الماهر غير متواجد حالياً
عضو بارز
 
تاريخ التسجيل: Oct 2005
الدولة: زيدل
المشاركات: 102
الماهر is on a distinguished road
.............................عتـــــــــب......... ........................
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ

شايف أنا يا لام بعيونك عتـــب ..........................................
.................................... مدري حزن مدري كآبه أو غضـــب:cry4:
يوم الأحد مريت بهاك المــــسا ..........................................
.................................... نظرى غريبة ؟ ليش ما عرفت السبب
يوم الأحد أمسيت و بقلبي أســا ...........................................
.................................... ضــايع أنا بنيران زدتيها حطــــــــب
من بعد ما بحري هدي ومركب رسا ....................................
.................................... حبيــت من هالنت وصلك عتــــــــب :
ما بتحرز الأيام يا ست النـــــسا ..........................................
.................................... عبي الدني ضحكات و فرجينا العجب
__________________
ليس بالخبز وحده يحيا الإنسان
رد مع اقتباس
  #4  
قديم 17th November 2005, 08:25 PM
الماهر الماهر غير متواجد حالياً
عضو بارز
 
تاريخ التسجيل: Oct 2005
الدولة: زيدل
المشاركات: 102
الماهر is on a distinguished road
زجل

كاستنا النصــا فاضـــــي .............. زهرة بشــهدا تمليهــــا
من الصحرة طبعة هادي .............. بنورُ الـــرب مكملهـــا
الإدارة بدهـــا قاضـــــي .............. بحزم وشدة يوجههـــــا
بشغلو فهمــــــان وداري .............. حسام يعبي مطـرحهـــا

كاتب فيكتور وطبيـــــب .............. رؤية يحب يفلســفهــــا
صاحي للدنيا ورقيـــــب .............. للأخطاء يصـححهــــــا
بإيمار بيكتب أديـــــــــب .............. جرجي أسمو يوقعهــــا
حاضر قلمو ما بغيـــــب .............. دعبول الكلمة بيرفعهــا

روحاني مر ونبــــــراس .............. أبو جوليـــان يمثلهـــــا
بالدين بيعطي بإحســـاس .............. آيات الكتب يفسرهـــــا
وشاعر زياد وشمــــــاس ............. أبيات بدقة ينظمهــــــا
قلبو بيوسع كل النــــــاس ............. بأدب وطيبي يحكمهـــا

عم سليمان الأميــــــــــــر ............. عبرة بمزحة يقدمهــــا
بالموقـع عندو تأثيـــــــــر ............. بصمة بصفحا بيتركها
عمر زغير وفعل كبيــــر ............. فايز يثبت صحتهـــــــا
واقع تاريــخ وتبصيــــــر ............. وجهة نظرو يثبتهـــــــا

وبالســاحة حكيم عيــــون ............. جراح الناس يداويهــــا
بأشعارو عندو مخــــزون ............. مابتنضب عا كثرتهـــا
وزكوان جديد ومشـــحون ............. بحب وغيرة بنفهمهـــا
أفكـــار بيعطي وبصـــون ............. الفكرة حتـى يوصلهـــا

كثيري الأسماء وما بــريد ............. يزعــل مني منسيهـــــا
شلــــة كبيري عم تـــــزيد ............. اخـــذ و رد يرسيهــــــا
دوحة خضرة عم تجــــود ............. زيدل أسمـو موقعهـــــا
__________________
ليس بالخبز وحده يحيا الإنسان
رد مع اقتباس
  #5  
قديم 17th November 2005, 09:31 PM
الصورة الرمزية liza
liza liza غير متواجد حالياً
عضو مؤسس
 
تاريخ التسجيل: Oct 2003
المشاركات: 315
liza is on a distinguished road
حلو كتير يا حكيم عيون إزا أول مرة وهيك كيف مرة تانية ؟؟؟؟؟
والماهر كما كتير حلو الله يوفقكون يا رب وتتحفونا بهالزجل يلي بزكرنا بقعدة حلوة ضلت تمني مع شباب المنتدى(الجنسين) بضيعة زيدل نبع العطاء وأكيد السهرة ما بتحلى إلا بأحلى زجل من حكيم عيون والماهر
محبتي الخابوريــة
__________________
يا رب: إذا أسأت إلى الناس أعطيني شجاعة الإعتذار, وإذا أساء الناس إليَ أعطيني شجاعة العفو والغفران.
رد مع اقتباس
  #6  
قديم 18th November 2005, 02:00 PM
الصورة الرمزية victorwardeh
victorwardeh victorwardeh غير متواجد حالياً
عضو مؤسس
 
تاريخ التسجيل: May 2003
الدولة: syria.homs.zaidal
المشاركات: 764
victorwardeh can only hope to improve
شكرا ً لكم


الشكر لك يا صديقي ماهر لزجلياتك الرقيقة والشكر أيضا ً لصديقي الحكيم لعذوبته ..أحببت فقط أن اشارككم و ارد لكم بعض من دين علي على طريقكتم و أعرف هذا ليس بمضماري فعذرا مسبقا ً على الصياغة التي لا تطال ابداعكم .

ماهر يا أحلى زجال ...........للكلمة ساحر فنان
قلت كتير بهالمجال .......من بعدك نحنا خرسان
حكيك بردلنا الروح ...........مرهم للقلب التعبان
هذا زمن المومسموح ....كل كلمة بتعمل طوفان
كلماتك بلسم لجروح ...... وزهورك صارت بستان
قول وكتر ضلك بوح ........تتسمع حتى الطرشان
طير وعلي روح و سوح....وخلي عينك عالأسنان
يا حكيم الكلك سحر ............للمركب إنت الربان
زجل وشعر ورقة نثر ..........ما بيهدا فيك البركان
أنا النهر وإنت البحر .............وبحورك مالا شطآن
والحب اللي هادر فينا .........شو بينفع بيهالزمان
للحلوة كتبنا أغنانينا ..........وطيرنا أحلى القصدان
قالت بعدك عايش وين .......شوف الدني يا فهمان
روح تزوج عابكير ..............أحسن ما تبقى بردان
بكرا بتندم عالتأخير ............وعالعمر المنك فلتان
قلتلها شكرا ً عالنصح .... ...بيعجبني طبع العزبان
تلميحك أكثر من واضح.... ......ما بدو ضارب فنجان
يمكن قصدك واحد تاني .......بيظهر تهتي بالعنوان
لا تظني إني عشقان .........أو راكض ورا النسوان
كلشي بهالدني فاني .........وكلشي بوقتو و بالآوان
بس الحب الشاغل بالي .......ما شفتو بين الخلقان
عنو مو ممكن اتخلى ..............بكرا بيزهر نيسان .
___________د. فكتور ______________
زيدل-18-11-2005م
__________________
ماذا يهمني إذا ربحت العالم وخسرت نفسي؟
______________________________
رد مع اقتباس
  #7  
قديم 19th November 2005, 03:45 PM
الماهر الماهر غير متواجد حالياً
عضو بارز
 
تاريخ التسجيل: Oct 2005
الدولة: زيدل
المشاركات: 102
الماهر is on a distinguished road
كل الشكر لتشجيعكم وإنشاء الله نكون عند حسن الظن


(اقتباس عن فيكتور)........................................... .....
(طير وعلي روح وسوح............... وخلي عينك عالأسنـــان)

سناني ما بهكل همن .................... وجاري بالحارة دكتـور
لو بتسوس أنيابـــــي .................... واعجز عن كسر البلور
لو تتخلع أضراســـي .................... ولقمي أبلعها بالـــــزور
لو بتهرهر تيجانــــي .................... وبالوجه شبابيك تجـور
سناني ما بهكل همن ..................... وشادد ظهري بيفكتـور
************************************

وردة جوري وجليون ................... لا ليــزا أخت الخابـــــــور
لا ليـــــزا بنت جدادي ................... السريان اللي شعو النـــور
لا ليـــــزا بنت بـلادي ................... طيب الأرض الفيها زهور
ومن لطفا أنا ممنـــون ................... عا رقت حكيا مســــــرور
*************************************
__________________
ليس بالخبز وحده يحيا الإنسان
رد مع اقتباس
  #8  
قديم 19th November 2005, 05:42 PM
الصورة الرمزية liza
liza liza غير متواجد حالياً
عضو مؤسس
 
تاريخ التسجيل: Oct 2003
المشاركات: 315
liza is on a distinguished road
حاولت إني رد لأهديك أحلى الكلام بس كل الكلام ما قدر يعبر عن هالأحساس
بس بقدر قلك لولا الماهر والحكيم القمر بمل منا وما بعود للسهرات طعمة انشالله منلتقي

شكراً يا ماهر عا زوقك الحلوو والله يوفقك

الخابورية
__________________
يا رب: إذا أسأت إلى الناس أعطيني شجاعة الإعتذار, وإذا أساء الناس إليَ أعطيني شجاعة العفو والغفران.
رد مع اقتباس
  #9  
قديم 19th November 2005, 10:59 PM
الصورة الرمزية ziad sattah
ziad sattah ziad sattah غير متواجد حالياً
مشرف المنتدى الأدبي
 
تاريخ التسجيل: May 2005
الدولة: zaidal
المشاركات: 1,739
الجنس: ذكر
ziad sattah is on a distinguished road
هالاسم بْ كنيه مشهور
خوالي من آل : الـماهـر

أشعارك وصلو الخابور
اجتازو حدود و معابر

بيكفي اللي قالو فيكتور
حتّى إعتبْركْ : شـــاعر

طاحش,و ما في:دستور
بســاحتنا جايي تناور

مش خايف إنّو الدكتور
يهجيك بشــعرو الثائر؟

بالساحة الحمرا مشهور
إسأل ْ مجرّب ْ خاسرْ

معْ إنّي متابع مسرور
بسمة ثمّي ع َ الآخر

بَسْ الهمزة ع َ لسطور
أو تحتا مانك فاكر؟؟
__________________
إذا كان الله معنا فمن علينا
رد مع اقتباس
  #10  
قديم 20th November 2005, 01:50 AM
الماهر الماهر غير متواجد حالياً
عضو بارز
 
تاريخ التسجيل: Oct 2005
الدولة: زيدل
المشاركات: 102
الماهر is on a distinguished road
عا الهمزة مني سائـــل ................. مطرح مــا بدي بحطــــــا

وبنصح لا ثغرك تقفـل ................. يمـــــا بحطلو شطــــــــــا

والساحة بلوني عامــل ................. بالـــون الـــبدي بخطــــــا

وخوفي من قلبي شايل ................. وأيدي عا الشعر بسطـــــا

وحكيمك مانو خاجـــل ................. بس زجلي ما بيتخطـــــــا

والطحش بدمي جابــل .................. كلتو برغيف الحنطـــــــا

وفيكتور بشعري قايـل .................. ما زود بحري بنقطـــــــا

وحدود بفكري زايــــل................... عا الأرض بأيدي خرطا

والمـاهر كنية زاجــــل .................. خوالو من بيت السطـــــا
.................................... ح ......................................
__________________
ليس بالخبز وحده يحيا الإنسان
رد مع اقتباس
  #11  
قديم 20th November 2005, 02:16 PM
الصورة الرمزية ماجد سطّاح
ماجد سطّاح ماجد سطّاح غير متواجد حالياً
مشرف المنتدى الأدبي
 
تاريخ التسجيل: Jun 2005
الدولة: zaidal
المشاركات: 1,045
الجنس: ذكر
ماجد سطّاح is on a distinguished road

قلبي سألتو ليش عمتخفق طربْ
....................................قلـّي الهوى ناداكْ, ما سمعتو عجبْ..؟

هاكِ الصبية الواقفة حدّكْ قريبْ
.............................................غمزة عيونا شعلتْ فيِّ اللهبْ

تخمين صادتني بسهما العجيبْ
.....................................حاولتْ أهربْ عن طريقو ما سَرَبْ

لكْ تطلـَّع شوفْ نيَّال الصليب
..................................قاعدْ بصِدرا النورْ, دخلو اللي إنصلبْ

وهالشعر شلاّ ل وشَكلو غريبْ
.....................................مدري نهرْ مدري سحرْ مدري دهبْ

والقدْ خايف ها لعيون تصيب
........................................قامة جليلة والحسنْ فيها إنسكب

قلبي نصحني روح جربْ هالنصيبْ
....................................بلكي بترضى تكون لجروحي قـُطبْ

خفيتْ حالي ولملمتْ بعضي وإجيتْ
...........................................طالبتها بالوردْ عطيتني حطبْ

********************************************
رد مع اقتباس
  #12  
قديم 20th November 2005, 02:32 PM
الماهر الماهر غير متواجد حالياً
عضو بارز
 
تاريخ التسجيل: Oct 2005
الدولة: زيدل
المشاركات: 102
الماهر is on a distinguished road
رفيقي شعلي ناري ............ خلاني بدمي ألعب

أفعالي بدي اهجي ............. حكياتي بدي اسحب

أخطائي بدي ألغي .......... مغفرتك عندي مطلب

انتو ملوك بمملكتي ........... والطاعة عندي مذهب

زياد وفيكتور وحكيمي ....... بجزاكن فادي مرهب
__________________
ليس بالخبز وحده يحيا الإنسان
رد مع اقتباس
  #13  
قديم 20th November 2005, 04:22 PM
الصورة الرمزية victorwardeh
victorwardeh victorwardeh غير متواجد حالياً
عضو مؤسس
 
تاريخ التسجيل: May 2003
الدولة: syria.homs.zaidal
المشاركات: 764
victorwardeh can only hope to improve
خليها تحما شوي



معنا بهالساحة زياد.....أستاذ و شاعر مشهور
تاريخو كلو أمجاد.....ما بدو شهادة دكتور
ما بطلع عندو رداد..... بيغرد متل الشحرور
يا ماهر روق وهدي....بعدك بي أول السطور
خايف ما تطلع قدي.... وتصير بقلبك مقهور
كرمالك علينا الدوز... . وغفينا عيون الناطور
بضربلك من هلأ بوز...حتى ما يمل الجمهور
والحلوة ليش تجافيها..... بالقعدة مسك وكافور
خبرني شو قايل فيها.... تاشوفك كأنك مقدور
وعيونا وخدودا السمر...وبشرتها المتل البللور
ورياقا أطيب من خمر.... ودماتا صارو تنور
وينك يا شاعر تتغزل... وتحرك فيها الشعور
كانك مانك قادرتنزل....خلي وراقك بالجارور
_____________د.فكتور________
زيدل-20-11-2005م
__________________
ماذا يهمني إذا ربحت العالم وخسرت نفسي؟
______________________________
رد مع اقتباس
  #14  
قديم 20th November 2005, 10:36 PM
الصورة الرمزية ziad sattah
ziad sattah ziad sattah غير متواجد حالياً
مشرف المنتدى الأدبي
 
تاريخ التسجيل: May 2005
الدولة: zaidal
المشاركات: 1,739
الجنس: ذكر
ziad sattah is on a distinguished road
نيّالو شو عقلو زْغيرْ
زغلول و إبن مبارح

شعرو من بحر:التكسير
و المعنى عَنّو : سارح

عاملّلي عنتر و الزير
و ناسي إنّا : الجوارح

و أبياتو سَلقْ و تعتير
طاحش عَ النسر الجامح

عمْ يتحشّر ْ بِ أمير
سيطو بْكل ْ المطارح

فيكتور بيشهدلو كتير
للأكثر مانو طامح

الزهرة بتسمعلو و بتصير
تْرندح ْ من شعرو الناجح

و الحكيم الـ هُوّي كبير
بيشيد ْ بعقلو ْ الراجح

و زكوان العبد الفقير
للرحمن اللي يسامح

بيشْهد لو إنّو ْ : قدير
بالأفكار اللي طارح

يا خالو استعجلت ْ كتير
الـ..... بعدك مش شالح

تْحَمّدْ ربّك ْ إنّو ْ كبير
قلبي و دغري بيسامح
***
[/SIZE]
__________________
إذا كان الله معنا فمن علينا
رد مع اقتباس
  #15  
قديم 22nd November 2005, 12:02 AM
الماهر الماهر غير متواجد حالياً
عضو بارز
 
تاريخ التسجيل: Oct 2005
الدولة: زيدل
المشاركات: 102
الماهر is on a distinguished road
[SIZE="4"][COLOR="Red"][CENTER] بدي يعذرني فيكتور .............. وأستاذو : زياد الشحرور
************************************

بايى حلوي بتغزل ................. وشعوري شو بدو يقول
مثل الطابي شاطتني .............. بالمرمى جابتني جــول

قا لتلي رفقة أجمل ................. بصفيرا عطيتني فــــول
برى اللعبة رميتني ................. كرت الأحمر يا مهبــول

مينك أنت يا افتل ................... حتى بي ساحاتي تجول
ماء البارد كبتلـــي ................. وظهري من رجلة معلول
*************************************

حاكوها بلكي بتقنع ................... فرصة تعطي للشاطــــر
ورايات البيضة ترفع .............. وينساني الماضي الخاسر

لآنستي بدي ارجع ................. وعونك طالب يا شاعـــر
بلكي بهالصيف بنطلع ............. بزفي ويقودا المــــــاهر
*************************************
__________________
ليس بالخبز وحده يحيا الإنسان
رد مع اقتباس
إضافة رد

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


Sponsored Links

جميع الأوقات بتوقيت GMT +3. الساعة الآن 03:59 AM.


Powered by vBulletin V3.6.2. Copyright ©2000 - 2020
تصميم الموقع وسام عبد العزيز جميع الحقوق محفوظة, Copyright ©2001 - 2020
المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص