موقع زيدل الصفحة الرئيسية  

العودة   منتديات زيدل > المنتدى الزيدلي > المنتدى الترفيهي > اخبار الفن

إضافة رد
 
أدوات الموضوع تقييم الموضوع انواع عرض الموضوع
  #1  
قديم 14th January 2006, 06:14 PM
قمر سوريا قمر سوريا غير متواجد حالياً
عضو متقدم
 
تاريخ التسجيل: Jan 2006
المشاركات: 38
الجنس: انثى
قمر سوريا is on a distinguished road
Smile ستار أكاديمي و نصيحة لكل يئسان و طفشان

أكيد كلكم بيعرف ستار أكاديمي يعني اللي ما بيشوفوه بيسمع عنو و اللي ما بيسمع عنو بيشوف اعلانات طول الوقت بس المشكلة ياريت هالاعلانات و الدعايات بتستاهل اصواتهم للطلاب لأنو اصواتهم بصراحة بتبكي يعني كل واحد سمع مجاملة او بالغلط صوتوا حلو بيروح و بيغني يعني رح يصير عدد المغنيين اكتر من شعر الراس
ما بيكفي شو بيطلع مغنيين يوميا على ميلودي و مازيكا و و و لذلك انا بوجه رسالة لكل يئسان او طفشان او اللي ضايق خلقو يا عمي روح غني اوكى اذا كان صوتك ناعم كتيير و مبحوح نصو بتنفع للأغاني الرومانسية و الهادية و يا عيني عليك
و اذا بتحب تصرخ و بصوتك في طبقات بتصرع صريع فنيالك لأنك رح تبدع بموسيقا الراب و الجاز العربية و رح تكسر الدني
لذلك يا يئسان و طفشان ليه الزعل و انتو فيكم تصيروا نجوم بليلة وحدة و ما حدا يتحجج و يقول شكلي مش حلو اقل شي في تصير متل نانسي عجرم و ماريو مش احسن منك
اعذروني طلعت عن موضوع ستار اكاديمي شوي بس مش مشكلة كلو بنفد على بعضو
عنجد شو رأيكم بمأسأة الساحة الفنية العربية و خبروني هل من منافس
رد مع اقتباس

Sponsored Links
  #2  
قديم 16th January 2006, 12:39 AM
عاشق الشام عاشق الشام غير متواجد حالياً
عضو
 
تاريخ التسجيل: Dec 2005
المشاركات: 9
عاشق الشام is on a distinguished road
بس ياقمر عنجد في بستار أكادمي السنة شي بيجنن عم بيعملو الشباب
مثل عندك ( هاني - مايا - وجدي - جوزيف - وليد وحبيبت ئلبي ريم)
بس يا خسارة مافي حدا سور ويا حسرة
انا نفسي اشترك في مشان الدروس يلي عم ياخدوها كتييير مفيدة
رد مع اقتباس
  #3  
قديم 16th January 2006, 11:25 AM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,166
الجنس: ذكر
hosam abdulaziz is on a distinguished road
قمرا يا قمرا ما تطلعي عالشجرة و الشجرة عالية و انت بعدك صغيرة ......... يا قمرة
اسمك ذكرني بأجمل اغاني السيدة فيروز لهيك حبيت اهديكي هالمقطع ترحيبا بك معنا.

بالنسبة لستار اكاديمي , يمكن الكثيرين بينتقدوا طريقة و فكرة البرنامج باختيار النجوم و بيعتبروه برنامج فاشل لتخريج النجوم.

انا بس حابب عبر عن وجهة نظري و دافع شوي عن هالبرنام اللي بعتبره امتع بكثير من برنامج سوبر ستار ,و الميزة الوحيدة اللي بيتميز فيها سوبر ستار عن الأكاديمية هي اصوات المشتركين .
ربما تكون سياسة البرنامج هي اختيار اصوات غير مميزة , لثبات انه قادرون على صناعة النجوم رغم امقوامت الضعيفة (ربما تكون هذه فكرة خاطئة)
لكن بالنهاية طريقة عمل البرنامج في اختيار النجم و الدور الذي يلعبه المختصون في ايصال الأفضل , تعطي نتائج نهائية عادلة اكثر بكثير من سوبر ستار.
الأمر الآخر الذي يعجبني في الأكاديمية و اصفه بالهوليودي هو هذه الأتعراضات المتطورة و المنظمة التي نشاهدها عالمسرح , و لا يمكننا رؤيتها من قبل الا على اكبر مسارح العالم.
فعلا امكانيات خيالية و متقدمة و رائعة تضفي على البرنامج رونقا مميزا
على سبيل المثال : البارحة بالصدفة شاهدت لقطة من الأستعراض و كان وصلة (مدلة) لليسدة فيروز من فلم السفربرلك
يعني شي مو طبيعي
عملوا المسرح بدقائق معدودة و كأنه شي برية او اسطبل حيوانات
يعني جابوا عنص المسرح حمار حقيقي , و جابوله الأكلات معه ( تبن و حشيش يابس) و عرباية
اضافة الى الكثير من الأمور التي تبهر العين بكيفية جمعها على مسرح واحد.
انا بصراحة عجبتني الوصلة كثير و كنت اشاهدها مرارا في النسخ السابقة للبرنامج
اذكر منها وصلة بياعة البندورة للسيدة فيروز التي قدمتها السورية ميريام, حيث دخلت بالعربة محلمة بالبندورة الى وسط المسرح و بالزي الفلكلوري و بدأت تقديم سكتش بياعة البندورة بشكل جميل يثير الأعجاب و الدهشة معا.

اضافة الي جمهور الأكاديمية الذي يتميز بحضوره عن جمهور سوبر ستار.
المذيعة ايضا طلتها باللهجة اللبنانية بتتميز بكثير عن مذيعين سوبر ستار.
تعليقات لجنة الحكم امام الجمهور انا امقتها جدا و السبب انه رغم كل المديح للمشترك قد يكون لها تأثير سلبي عليه بالتصويت
فمثلا شهد بمدى في الحلقة الخيرة , باجماع الجميع قالوا لها انت تسحقين اللقب دون سواكي
و فجأة يأتي زياد بطرس ليعاكس الجميع , و يعملها دوش مي باردة قلبلها خلقتها من قمة السعادة الى قمة الحزن المخفي.
و رغم كل هالمديح الدائم بكرة بتطلع خارج المنافسة.
يعني بما انه رأي اللجنة لا يقدم و لا يؤخر كان من المفترض عدم بثه على الهواء امام الجماهير.

برحب بدوري كمان بعاشق الشام , الله يكثر من محبين الشام و قمارها
__________________
Life Without Love is no life at all
رد مع اقتباس
  #4  
قديم 16th January 2006, 01:57 PM
قمر سوريا قمر سوريا غير متواجد حالياً
عضو متقدم
 
تاريخ التسجيل: Jan 2006
المشاركات: 38
الجنس: انثى
قمر سوريا is on a distinguished road
انا معك حسام و فعلا السكيتشات اللي بيعملوها على المسرح بتجنن و بدل على تقنية عالية جدا و انا بحضر البرايم احيانا كرمال هالشي و ما بنكر انو طلع من البرنامج مواهب كتير حلوة متل احمد الشريف اللي بحب صوتو كتيير بس انا لومي لكترة هالبرامج الغنائية و للاسف ضاع الصالح مع الطالح يعني صار اللي صوتو حلو مع اللي صوتو نشاذ و لهيك الغناء فقد مصداقيتو و جوهرو
يعني انا برأيي ليه ما بيعملو برامج متل ستار اكاديمي بس مثلا يكون الطلاب بدهم يصيرون مذيعين ممثلين شي غير الغنا و انا برأيي اللي عندو موهبة ما رح تبقى مخبية و الما تبان
و الحديث عن سوبر ستار طوييل كتيير و خصوصي هالسنة و هيدا زياد ما هضمتو حتى مع البيبسي و السيفن اب دمو تقيل و ما بيعجبو حدا و انا بعتقد انو سوبر ستار 1 هو احسن شي
شكرا على تعليقك الغني بالنهاية و اطمن انا ما بقرب صوب الشجرة ابدا لاني في مرة و انا زغيرة وقعت من عليها و تسلم فيروز و اغاني فيروز شو بحبا

هاي عاشق الشام و اهلا و سهلا فيك اول شي
انا ما بنكر انو ما في مواهب بستار اكاديمي بس انا لومي لكترة المواهب
و انا بظن انو عدم وجود سوري هو بسبب الاوضاع السياسية الحالية ليه انت ما بتذكر السنة الماضية كيف جوي طلعت من البرنامج فورا بعد اسبوع الانفجار
تصحيح انو لومي لكترة البرامج و ليس المواهب اكيد
رد مع اقتباس
  #5  
قديم 17th January 2006, 08:27 AM
winner
Guest
 
المشاركات: n/a
هااااااااااااااااااااااااااااااااااااااااااااااااا ااااااااااااااااااااااااااااي
الاخت قمر بس حبيت ارد على الموضوع اللي شوقني عنوانه
صحيح انو المغنين زااااااادو في الآونه الخيرة ولنو قنوات الاغاني كل بيطلع فيها مغني جديد
وحتى لو كان صوته مووو حلو المهم انه جا وغنى بس الحكاية في ستار اكاديمي مختلفة تماما بحكم اني اتابعه
لان اللي يروحون ستار اكاديمي اللجنة تختارهم وطبعا اللجنة خبيرة بالاصوات اكثر مني ومنك
وبعدين في ستار اكاديمي المشتركين مايسيروو مغنين بسرعة وانما بعد مايخذون دروس وحصص تعليمية يعني الاكاديمية تخلق فنان متكامل وشامل واحنا نلاحظ ان المغنين اللي بيطلعوو مايعرفوو شي عن اساسيات الصوت والموسيقى ولا التمثيل ولا حتى عندهم لياقة بدنية بينما في الاكاديمي الطلاب يتعلمو كل هذي الاشيا فاذا صاروو مغنيين بيكون يعرفون شلون يظهرون بالشكل الجيد والمطلوب
وشكرا اختي على هالموضوع
رد مع اقتباس
  #6  
قديم 17th January 2006, 11:03 AM
الصورة الرمزية اردني وفي
اردني وفي اردني وفي غير متواجد حالياً
عضو
 
تاريخ التسجيل: Dec 2005
المشاركات: 148
الجنس: ذكر
اردني وفي is on a distinguished road
والله ما بعرف شو بدي احكي ,
بصراحة من الناس اللي انعرض عليي كثير اني غني بستار اكاديمي او سوبر ستار وكثير حكولي وشهدولي ناس كبار بالموسيقى من ضمنهم فنانين عرب 0 بس انا بصراحة ماني مقتنع بهاي الفكرة , لانوا انا اصلا بغني هواية ما كنت مفكر بيوم من الايام اني اطلع على المسرح واغني ..
بس انا بصراحة شو ما كان ماني مقتنع بهاي البرامج بشوفها غرضها الاول تجاري فقط ..
__________________
اذا طعنك أحد من الخلف فأعلم انك بالمقدمة وأعلم ان السم سلاح الجبناء
رد مع اقتباس
  #7  
قديم 17th January 2006, 02:19 PM
قمر سوريا قمر سوريا غير متواجد حالياً
عضو متقدم
 
تاريخ التسجيل: Jan 2006
المشاركات: 38
الجنس: انثى
قمر سوريا is on a distinguished road
تحية لكل اللي شاركوا معنا و كونوا كتار حتى يدخل اسمكم معنا عالسحب و تفوز برحلة العمر على جزر الواق الواق ههههههههههههه هي حماسة كرمال تزيد المشاركة
انا برجع بقول اني بعترف بالنشاطات و الجهود الكبيرة بستار اكاديمي و ممكن يكونوا احسن بكتير من المغننيين هلأ و بالنهاية كل واحد عندو وجهة نظرو
و انا بدي قلك يا اردني وفي و بدي انصحك نصيحة لهيك كون معي و فتح ادينيك كتييييييير منيح
اوعى تشترك باي برنامج و خليك موهبتك حرة و خلي صوتك على طبيعتو بعدين بوكرة اذا رحت على ستار اكاديمي او شي برنامج بتصير مشهور و ما بقى منقدر نلقطك و نشوفك
كيييييييييييف انا بفكر لقدام مش هيك هههههههههه
رد مع اقتباس
  #8  
قديم 3rd February 2006, 11:14 PM
الصورة الرمزية Nada1981
Nada1981 Nada1981 غير متواجد حالياً
مشرفة المنتدى الترفيهي
 
تاريخ التسجيل: Mar 2005
الدولة: The Netherlands
المشاركات: 1,286
الجنس: انثى
Nada1981 is on a distinguished road
تم ايقاف بث "ستار اكاديمي" بالجزائر

اقتباس:
ستار اكاديمي 3

مدير التلفزيون الحكومي في الجزائر حمراوي حبيب شوقي استجاب لنداءات وانتقادات شرائح واسعة ومختلفة من جمهور المشاهدين الجزائريين حيال عرض برنامج "ستار أكاديمي"، وقرر الاثنين 31 -01-2006 وقف بث البرنامج.

وجاء قرار حمراوي بعد تعرضه شخصيا لحملة انتقاد شديدة باعتباره المسؤول الأول عما يجري بهذه المؤسسة العمومية ولكونه يحتفظ بصورة "رجل محافظ" لدى الرأي العام وأنه من الجيل الذي تربى على أفكار الرئيس الأسبق هواري بومدين.

وكانت مبادرة التلفزيون الحكومي عرض البرنامج الشبابي "ستار أكاديمي" في واحدة من ساعات الذروة لدى المشاهدين أثار موجة استياء عارمة امتدت من بيوت الجزائريين ووصلت إلى قبة البرلمان ومساجد الجمهورية وتجاوزت ذلك إلى الصالوانات المكيفة وقاعات التحرير بالصحف بل وأخذت قسطا وافرا من حديث المقاهي عن "الصور الفاضحة لشباب وشابات ستار أكاديمي".

وقد علم من مسؤولين في التلفزيون الجزائري، حيث أكد المدير التجاري فيصل سعودي هذه المعلومة، وقال "نعم لقد تم توقيف بث البرنامج من طرف مدير التلفزيون"، لكنه لم يقدم تفاصيل أخرى عن خلفيات القرار ولا عن مصير الصفقة التجارية التي عقدتها شركة الاتصالات الراعية للبرنامج واشترت بموجب ذلك حقوق بث البرنامج كاملا لتصنع من الجزائرية المشاركة في البرنامج "ريم غزالي" نجمة إعلانات لا تقاوم، وما تأكد فعلا في ظهور غزالي على الصفحات الاشهارية للشركة في الصحف الجزائرية.

ويرى مراقبون أن رئاسة الجمهورية بصفتها تشرف مباشرة على تسيير مؤسسة التلفزيون، قد تدخلت لوقف بث "ستار أكاديمي" نظرا لكونه يخدش الحياء وما ظهر جليا في ردود فعل المواطنين الذين أطلقوا نداءات استغاثة لكل "الغيورين على حرمة المجتمع الجزائري" منهم الرئيس بوتفليقة.

وكان زعيم الإخوان المسلمين في الجزائر أبوجرة سلطاني صرح لوكالات الأنباء أن الشعب الجزائري "سيحاكم" الذي اشترى حق بث برنامج ستار أكاديمي 3 في التلفزيون الجزائري الرسمي، في إشارة إلى المدير العام للتلفزيون حمراوي حبيب شوقي.

وقال أبوجرة "إن هذا البرنامج يخالف سلوك وعادات المجتمع الجزائري وينقل ثقافة لا تعبر عن ثقافتنا ولا عن ثقافة العالم العربي والإسلامي". كما انتقد المسؤول الجزائري طريقة اللباس التي يظهر بها الفتيان والفتيات وطريقة الكلام والتعامل، مؤكدا أن مثل هذا البرنامج لا يمكن متابعته إلا "في غرفة النوم" في إشارة إلى أنه لا يمكن مشاهدته بين العائلة الجزائرية المحافظة عادة
بصراحة معهم حق, اوقات انا بكون قاعدة عم احضر تلفزيون و بحط على القناة الي بتعرض الحلقات هي, اكتر من دقيقة وحدة ماقدرت احضر منه لانه عنجد كلام و حركات ماننا متعودين نشوفها على التلفزيون.

تحياتي

ندى
__________________
๑۩۞۩๑ Dream as if you'll live forever, live as if you'll die today๑۩۞۩๑
رد مع اقتباس
إضافة رد

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


Sponsored Links

جميع الأوقات بتوقيت GMT +3. الساعة الآن 06:34 PM.


Powered by vBulletin V3.6.2. Copyright ©2000 - 2021
تصميم الموقع وسام عبد العزيز جميع الحقوق محفوظة, Copyright ©2001 - 2021
المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص