فضيحة

[فقيرالحظ]

ما يفضح اللي يحب
إلا آخر اللحظات
لا مد كفة بالوداع
وصد بعيونه
معاه رايات الأسى
وجيش من العبرات
وبين الحنايا
صهيل خيول محزونة




سلام
سلام يا للي ناوي الفرقة
عدد ما فات
وتعداد ما مر السحاب
وهلت مزونه
سلام من قلب سكنته أنت والحسرات
غلاي تكفى
يا مودع ناظري صونه


ارحل وأنا برحل
معي هم وتعب وسكات
و اسرار ما بيني وبين الروح مدفونا
ارحل مادام الله
كتبلك يا لحبيب شتات
مالي على حكم القدر راي ولا مونه
مالي بعدك
إلا الصبر ومجاذب الونات
وقصيدي اللي كل خلق الله يغنونه
وإن طالت الغيبة أبنعي الحب لو ما مات
عسى الهوى بك يشتعل وتردك ظنونه
وبحاول أنسى
ولو يصيح الشوق بي هيهات
وبحاول اسلى
ولو يصيح القلب ما أخونه


فقـــــــ الحــــظ ــــــير