كل عام وانت بخير عبوووودي

[Nada1981]

صديقنا الغالي عبوووودي

كل عام وانت بخير وعقبال ال 105 سنيين يارب وانشاءالله مع اقتراب السنة الجديدة بتقدر تحقق اي شي من الي بتتمناه

للاسف الصيفية هي ماقدرنا نشوفك معنا بسوريا بس انا متأكدة انه الخالة ام عبودي مارح تبخل علينا الصيفية الجاي بصحن تبولة مثل كل صيفية وهلمرة مع قطعة كاتو بمناسبة عيد ميلادك الي رح نحتفل فيه بلصيف بدل الشتوية (معلش حماصنة بين بعض )

Happy Birthday

ندى

[Elie Swed]

كل عام وانتَ بخير يا طيب, إن شاء الله نفرح بعرسك
بس يكون قريب مو بعيد
سلامي لك وكل عام وأنت بخير .



( حبيب العمر )

[waddah]

بيسعدني إني كون من أوائل المعايدين
كل عام وأنت بخير
ينعاد عليك بالصحة والعافية يارب

[ABUODEE]

شكرا ندوشي على المبادرة اللطيفة وان شاء الله بشوفك عروس قد الدنية عن قريب
واكيد صحن التبولة والقعدة جنب الشلال مابدها عزيمة اهلا وسهلا فيكي وبالجميع

العم الغالي ابو هاني كل الشكر لمعايدتك الغالية
وبتمنالك وللعيلة السعادة الدائمة وان شاء الله بتفرح باولادك عن قرب


الغالي وضاح كل الشكر الك وان شاء الله حياتك كلها امل وفرح
ونشوفك عريس بالقريب العاجل

[ziad sattah]

قبل أيّام وَقَعَت ْ بين يديّ رسالة مكتوبة قبل ستّين عاما ً , و كان الملفِت ُ فيها هو أسلوب الكتابة الذي يعتمد البلاغة و التكلـّف و التبجيل و و و . و أحببت ُ أن أعايدك بنفس الأسلوب وأقول :
السيد المحترم و ابننا الحبيب و الشاب النجيب السيد عبّودي أدامكم الله و حفظكم برعايته الجزيلة آمين. نتمنّى أن يصلكم كتابنا هذا ليجدكم في خير حال و هذا من الله ليس محال . أمّا بعد :يطيب لنا نحن الموقّعون أدناه أن نتوجّه اليكم بأطيب الأمنيات و أجزل التبريكات بمناسبة غالية على قلوبنا و تنطرب لها مسامعنا ألا و هي عيد ميلادكم . هذه الذكرى الغالية على أفئدتنا و مصدر فخرنا و رجائنا بالعزيز القدير أن يعيده عليكم بالخير الوفير و السنين الكثير و كل عام و أنتم بخير .
المشتاق لرؤياكم :
زياد

[angel]

عقبال المية عبودي .. محظوظ يكون عيد ميلادك بهالايام المباركة

[Kinan]

كل عام و انت بخير ابو عبيد على امل تحقق اللي ببالك هالسنة
و عقبال الـ 100

[ABUODEE]

استاذنا الغالي زياد
شكرا جزيلا على المعايدة الرائعة والفاخرة والغالية على قلبي وان شاء الله تعيش انت والعيلة ايام كلها فرح وسعادة وامل
واكيد بتمنى ماتقطعنا من روائعك الشعرية

انجيل شكرا الك ,كلك ذوق وعلى قبال فرحتك باولادك

كنانوووف الغالي الك عندي دعوة ارض ارض قول امين بدون ماقولها.
وان شاء الله بشوفك عريس عن قريب

[ibrahem]

كل عام وأنت بألف خير يا عبودي وعقبال 100 سنة
وتحقق جميع أمنياتك وإنشالله تضل بصحة جيدة

[ABUODEE]

كل الشكر الك اخ ابراهيم ,كلّك ذوق
وان شاء الله ايامك عامرة بالافراح والسعادة

[RUSHA AWAD]

كل سني وانتي سالم عبودي
وانشالله هالسنة بتجيب معها أحداث حلوي
وعقبال فرحتك

مع حبي واحترامي
رشاعواد

[samar dahi]

يعني عبودي داوش الدنيا كلها بحالك وبعيد ميلادك وكانو ما حدى خلق على الأرض غيرك ......؟؟؟؟؟!!!!!!!
اوف شو هاد يا عمي ...
زيدل والفيس بوك كلو عبودي عبودي ..........

احلى عبودي والله ...والرب تكرم علينا واعطانا اياك لحتى تخلي البسمة على وجوهنا دايما ..كل عام وانت عبودي الغالي على قلوب الجميع
سمر

[ABUODEE]

شكرا رشا على المعايدة الغالية وان شاء الله بشوفك عروس عن قريب
وبتمنالك ايام كلها امل و فرح وسعادة




سمورة الغالية كل الشكر الك ولكلماتك الرائعة وان شاء الله البسمة مابتفارقك ابدا
وعلى قبال فرحتك يارب





ô§ô¤*~~*¤ô§ô
قد تخلو الزجاجة من العطر يوما
ولكن تبقى الرائحة العطرة عالقة بالزجاجة
ذلك كما الذكرى الطيبة تبقى عالقة بالقلب
كذلك هي البسمة التي اتمنى ان تبقى ذكرى في قلوب الجميع
مع شكري لكم جميعا
لباعثي الرسائل عن طريق الموبايل او المتصلين هاتفياً او الفيس بوك او هنا في هذه العائلة الغالية في هذا المنتدى

[Hatem]

كل عام وانتي بخير عبودي وعقبال ال102 سنة وانشالله كل سنة وانتي منور المنتدى...

[iyad tahhan]

كل عيد و انت بألف خير خواجة عبودي

عقبال المية سنة و خشبي بالصحة و العافية

انشالله تحقق كل أمنياتك و نشوفك عريس