موقع زيدل الصفحة الرئيسية  

العودة   منتديات زيدل > المنتدى الزيدلي > منتدى المجتمع > المرأة

إضافة رد
 
أدوات الموضوع تقييم الموضوع انواع عرض الموضوع
  #1  
قديم 25th November 2009, 04:24 PM
الصورة الرمزية Kinan
Kinan Kinan غير متواجد حالياً
عضو مؤسس
 
تاريخ التسجيل: May 2003
الدولة: Zaidal
المشاركات: 933
الجنس: ذكر
Kinan
بحياتك ما تعطي سرك لامرأة

بعد ما قريت هالخبر نصيحة للجميع لاخذ الحيطة



لا تستطيع المرأة أن تحتفظ بسرّ لأكثر من 47 ساعة لأنها ثرثارة بطبعها. هذا ما أظهره مسح نشرته صحيفة «دايلي مايل» البريطانية.
ونقلت الصحيفة عن مسح أعدته شركة «نبيذ تشيلي» البريطانية، شمل 3 آلاف سيدة، أن المرأة غالباً ما تخبر شخصاً واحداً بسر على الأقل بعد 47 ساعة و15 دقيقة كحد أقصى. وقد اعترفت أربع من أصل عشر نساء بأنهن غير قادرات على الاحتفاظ بسرّ مهما كان شخصياً، رغم أن تسعاً من أصل عشر نساء يعتبرن أنفسهن جديرات بالثقة!
وأظهرت الدراسة أن المرأة تسمع ما معدله ثلاثة أخبار ثرثرة في الأسبوع وتخبرها لشخص واحد على الأقل، فيما قالت ثلث المستطلعات إنهن يشعرن بالذنب بعد بوحهن بالسرّ!!


انا علي بالنصيحة و الباقي عليكون تحياتي
رد مع اقتباس

Sponsored Links
  #2  
قديم 25th November 2009, 07:56 PM
John Faour John Faour غير متواجد حالياً
عضو
 
تاريخ التسجيل: Nov 2009
المشاركات: 79
الجنس: ذكر
John Faour is on a distinguished road
Thumbs up

هالدراسة يمكن اول دراسة او بحث علمي بصدقو

صادقين مية ب المية

رد مع اقتباس
  #3  
قديم 26th November 2009, 09:37 PM
الصورة الرمزية Kinan
Kinan Kinan غير متواجد حالياً
عضو مؤسس
 
تاريخ التسجيل: May 2003
الدولة: Zaidal
المشاركات: 933
الجنس: ذكر
Kinan
بحب رحب فيك جون معنا بالمنتدى باول مشاركة الك
و شكرا على تعليقك
بس الحمد الله لقينالك شي تصدقو
رد مع اقتباس
  #4  
قديم 29th November 2009, 07:25 AM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,166
الجنس: ذكر
hosam abdulaziz is on a distinguished road
و أنا بضم صوتي للشباب
اصلا النساء تم خلقهم لهالغاية فقط
و كل شي دون هذا فهو طفرات
__________________
Life Without Love is no life at all
رد مع اقتباس
  #5  
قديم 25th March 2010, 12:03 AM
الصورة الرمزية أمل حنا
أمل حنا أمل حنا غير متواجد حالياً
مشرف المنتدى الاجتماعي
 
تاريخ التسجيل: Dec 2008
المشاركات: 512
الجنس: انثى
أمل حنا is on a distinguished road
مشكور يا كنان على هذه المعلومة بس ما قلتنا شو كمان بتقول ها المعلومي اذا المرأة لا تحتفظ بالسر وتبوح به بعد 47ساعة و15 دقيقة ولنفرض خليهم بس 47 ساعة يا ترى المعلومي كم ساعة بتقول انو الرجل بيحتفظ بالسر .
(اذا كانت المرأة 47 بظن انه الرجل لازم يكون شي 47 دقيقة).معليش لازم دافع شوي عن المرأة وحقوقها لأنكم عم تعتبروها مخلوق ضعيف وغير قادرة على كتمان السر,
وما تنسى طبعا كلهم اللي وافقوك الرأي من قبلي كانو من الشباب وليسوا اناث ليدافعوا .ولهيك طبعا كلكم رح تتفقوا على المرأة .

وأكيد ما في حاجي ذكركم عن دور المرأة وعظمتها وقد شهد لها التاريخ بذلك أليسى نجاحها ذلك بفضل ذكائها وقوتها وخططها السرية التي كانت تنفذها .
رد مع اقتباس
  #6  
قديم 25th March 2010, 01:22 PM
joyyy joyyy غير متواجد حالياً
عضو
 
تاريخ التسجيل: Feb 2010
المشاركات: 86
الجنس: انثى
joyyy is on a distinguished road
Smile

كتير حلوي الدراسي وبجوز يكون صحيح بس السؤال ياترى لو انعملت نفس الدراسي على العنصر الذكوري شو كانت طلعت النتائج انا برأي انو كل جنس ان كان ذكر أو انثى في اشخاص قادرين يكتموا السر وأشخاص ما بيقدروا وهذا طبع بالانسان ومانو حكر عالمرأة حاج تحاربوا هالمرأة ليش انتو فيكن تعيشوا بدونا؟؟؟
رد مع اقتباس
  #7  
قديم 25th March 2010, 02:26 PM
الصورة الرمزية Kinan
Kinan Kinan غير متواجد حالياً
عضو مؤسس
 
تاريخ التسجيل: May 2003
الدولة: Zaidal
المشاركات: 933
الجنس: ذكر
Kinan
اقتباس:
(اذا كانت المرأة 47 بظن انه الرجل لازم يكون شي 47 دقيقة).معليش لازم دافع شوي عن المرأة وحقوقها لأنكم عم تعتبروها مخلوق ضعيف وغير قادرة على كتمان السر,
اهلين امل و اسف عالتاخر بالرد و لكن ما انتبه للرد لهلق
بخصوص اللي كتبتيه انا معك انه لازم تدافعي عالنساء و انه كل اللي جاوبو رجال و لكن لو فعلا هالكلام غلط كان لازم نشوف مشاركات نسائية اكبر
على كل حال بالنسبة لل 47 دقيقة عند الرجال مثل ما عم تحكي ما بتصور هالشي صحيح و في رجال ما بيقولو السر لو شو ما كان
و على فكرى ما حدى معتبرها مخلوق ضعيف و انما عدم قدرت النساء على كتمان السر هوي بينبع من شي داخل المرأة و يمكن اذا معها شغلة و ما قالتها لحد بتروح تطق

اقتباس:
كتير حلوي الدراسي وبجوز يكون صحيح بس السؤال ياترى لو انعملت نفس الدراسي على العنصر الذكوري شو كانت طلعت النتائج انا برأي انو كل جنس ان كان ذكر أو انثى في اشخاص قادرين يكتموا السر وأشخاص ما بيقدروا وهذا طبع بالانسان ومانو حكر عالمرأة حاج تحاربوا هالمرأة ليش انتو فيكن تعيشوا بدونا؟؟؟
اهلين جوي انا معك انو مو كل النساء هيك
و لكن الاغلبية اي و الواقع اكبر دليل و خصوصي نساء مجتمعنا لانو ما عندهون شي غير تناقل الاخبار
بالنسبة للرجال اكيد في رجال بيحبو الحكي و ما بيقدرو يكتمو سرو لكن اكيد نسبتهون قليلة
بالنسبة لنقدر نعيش بدونكون اكيد لاء بس انه الواحد حلو يحكي كلمة الحق
تحياتي
رد مع اقتباس
  #8  
قديم 25th March 2010, 04:39 PM
الصورة الرمزية أمل حنا
أمل حنا أمل حنا غير متواجد حالياً
مشرف المنتدى الاجتماعي
 
تاريخ التسجيل: Dec 2008
المشاركات: 512
الجنس: انثى
أمل حنا is on a distinguished road
أهلين كنان .بالنسبي للردود القليلي من قبل العنصر النسائي انتي اعتبرتوا تأ كيد للرأي اللي عطيتنا اياه .على مبدأ السكوت علامة الرضى .
وأكيد كنان معك شوية حق الحقيقة هني بينسبوا نسبة كثرة الكلام غالبا للنساء.
وهيك بتكون ذكرتني بنكثي لدعم موضوعك .
قال في رجل زوجته كثير ثرثارة وبتنق وبتحكي كتير فعمل معها اتفاقيي وكانت على الشكل التالي :
يوم بتحكي فيه الزوجة وبتنق وبتثرثر ويوم بتسكت عن النق والحكي .......وهيك اتفقوا
شو صار :
يوم الحكي تضل تحكي و وتنق وما تسكت أبدا .................
ويوم اللي لازم ومفروض يكون يوم سكوت تضل كل اليوم وهيي تقول لزوجها :
بكرا النق وبكرا النق و.بكرا النق.و ......وو......
رد مع اقتباس
  #9  
قديم 26th March 2010, 12:00 AM
الصورة الرمزية mariam
mariam mariam غير متواجد حالياً
 
تاريخ التسجيل: Mar 2003
الدولة: zaidal
المشاركات: 888
الجنس: انثى
mariam is on a distinguished road
فن لايجيده الرجال ..

الثرثرة عند النساء ليست عبثية ........حين اوكل الله للرجل ان يعمل ومن عرق جبينه ياكل جعل حياته تتجه للجهد والتعب والعمل الجسماني ,وترك للمرأة مهمة الحمل والولادة ولايقتصر دورها هنا بل عليها ان تعلم هذا الطفل ثقافة مجتمعه وبيئته والتعلم يتم عن طريق نقل الاخبار والروايات وهو ليس بالعمل السهل ولكل شيء حكمته فافشاء السر يعلمنا كم هو مؤذي للغير فلولا ثرثرة النساء كيف سنعرف قيمة الاسرار .........فالثرثرة وظيفة تعليمية ونقل الاخبار فن يعجز عنه الرجال .

رد مع اقتباس
  #10  
قديم 26th March 2010, 08:36 PM
ضجيج الصمت ضجيج الصمت غير متواجد حالياً
عضو
 
تاريخ التسجيل: Mar 2010
الدولة: حمص - العدوية
المشاركات: 2
الجنس: ذكر
ضجيج الصمت is on a distinguished road
انا مو مع هالدراسة ابدا
ومع ذلك بتشكرك على طرحك
على الاقل استطعنا ان نشتم رحيق الورد بهالـ هزه
رد مع اقتباس
  #11  
قديم 27th March 2010, 07:41 PM
الصورة الرمزية ziad sattah
ziad sattah ziad sattah غير متواجد حالياً
مشرف المنتدى الأدبي
 
تاريخ التسجيل: May 2005
الدولة: zaidal
المشاركات: 1,739
الجنس: ذكر
ziad sattah is on a distinguished road
حوّا مـ َ كانِت تِتـِّعِظـْ مِمّا جَرى ... وْ لا يوم رح تِتْعَلـَّم الدرس الصحيح
كـانـِت بـ ِ جنـَّات الـنـَّعـم مـْقَـدَّره ... لو ما مع الأفعى تـ ْ ثـَرْثِر بالفصيح
و المطرقه أنثى وْ مِنْ جِنس المره ... وِ مـْذَكـَّر المسمار بالمعنى الصريح
وْ لو ما تـْ زِنّ المطرقه بالثرثره ... مـ َ اتْجَرَّء المسمار عـ َ كْفوف المسيح
&.زياد&
__________________
إذا كان الله معنا فمن علينا
رد مع اقتباس
  #12  
قديم 27th March 2010, 09:12 PM
الصورة الرمزية mariam
mariam mariam غير متواجد حالياً
 
تاريخ التسجيل: Mar 2003
الدولة: zaidal
المشاركات: 888
الجنس: انثى
mariam is on a distinguished road
لولا المطرقة المسمار صدأ واهترا

مافيي رد بشعر او نثر فصيح بس يمكن بقول لولا الثرثرة ماكان للشعر بحور ومعاني تكملا ونقل الكلام من قبل الكتابة والورق كان بحكي عالسان ناس مخصصة مشهورة بحفظ الكلام وبتحب الثرثرة .ولولا الثرثرة ماشاعر بشعرو انعرف ولاعالم بعلمو انكشف .بعدين لما المسيح من قبرو ارتفع اول خبر لمين ياحزرك عطا؟؟؟؟؟؟؟؟يمكن اول ظهور بتعرفوا لمين كان من البشر!المشكلة مو بالثرثرة المشكلة فينا نحنا البشر ؟كلنا بنحكي وبنذيع الخبر بس المرا ياحسرتي ضعيفة عاحمل هالامر بتنزلو قبل الوصول بشي شبر بيصير معناتو انتشر سر الدفين وانفضح.بس قولكن ليش الرجل سلم السر للمرا ؟؟؟؟والثرثرة من باب ثاني للعلم حب اطلاع ومعرفة .من يوم حوا مااجت خلت آدم ينفعل ويحرك الذهن اللي نايم بالهنا ورضيت عذاب وبهذلة عاجهل من كل الجهات مظللا ,وقالت لآدم يارجل عقلك خلق من يوم تكوينك جسد مع روح ليش مجمدة .فكر معي شوي بهالديني ليش العقل اذا ماكان بدك تستخدمو.تعا لنشوف شوفي بهالمكان وليش ممنوع علينا الاقتراب ,ومن ثرثرة عرفت من الحية الجواب حبل المعرفة بيجيب عالبشر العذاب .ولولا الثرثرة ماكانو البشر نزلوا من الجنة وعاشوا بشر .لولا الثرثرة ماكان للحب معنى وللعذاب وماكان للشوق والحزن معاني بيبعدا قرب الحبيب بفرح اللقا...........وشوبدنا نحكي ونعد من المعرفة والحس الدفين ..........وآدم لحد اليوم مو رضيان بينكش ويحفر بحيطان الزمان ولولا حوا مطرقة بضهرو تدق لكان من الصدأ ذاب ووتركو الزمان .
باعتذر اللغة ركيكة بس حبيت تكون خفيفة ومع احترامي الشديد للغة العربية بس الفصحى ثقيلة شوي عالاذن الا اذا كان الواحد مثل زياد بينبش الكلمات تجي بمطرحها .
رد مع اقتباس
  #13  
قديم 28th March 2010, 09:13 PM
الصورة الرمزية ziad sattah
ziad sattah ziad sattah غير متواجد حالياً
مشرف المنتدى الأدبي
 
تاريخ التسجيل: May 2005
الدولة: zaidal
المشاركات: 1,739
الجنس: ذكر
ziad sattah is on a distinguished road
دكتورة مريم :
أن كان للشِعر أقارب : فدعيني اقول أن مشاركتك السابقة هي ابنة عم قصيدة شعرية ..
لا أقول هذا مجاملة ً بل حقيقة , لو كنت ِ قد كتبتـِها بطريقة الشعر الحديث ( مع قليل من الرتوش العروضية ) لكانت قصيدة بكل معنى الكلمة .
المهم في الموضوع : لو عدنا للموضوع فأقول :
في مشاركتك ِ أنت تجمّلين الثرثرة , و لكن بين السطور : تعترفين بوجودها .. و هذا هو الموضوع ,
شكرا ً لك ..
__________________
إذا كان الله معنا فمن علينا
رد مع اقتباس
إضافة رد

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


Sponsored Links

جميع الأوقات بتوقيت GMT +3. الساعة الآن 12:36 PM.


Powered by vBulletin V3.6.2. Copyright ©2000 - 2019
تصميم الموقع وسام عبد العزيز جميع الحقوق محفوظة, Copyright ©2001 - 2019
المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص