قصة وعبرة

[عبد العزيز]

قصّةرائعة أتحفتنابها الصديقة أمل وفيها عبرة وفائدة "ولكن كان من الأفضل أن لا يحتاج هذان الأخوان لرجلٍ غريب كي يبني لهما جسراً يصل بينهما ,بل كان من الأجدر أن يتلافيا الخلاف قبل أن يقع ويتفاقم بينهما "
شكراً أمل وننتظر المزيد "

[silva]

الزوج المطحون والزوجة المفروسة

في داهيه

من كام سنه و بنتي لسه صغيره و يوم عيد ميلادها الرابع و أمه لا اله الا الله من أهلي و أهل جوزي معزومين والدنيا زحمه و ضحك و فرفشه و أختكم لابسه الحته اللي على الحبل اللي حكيد بيها الأعادي و أوريهم أنى خسيت و بقيت غصن لبان ولسه يدوب ك رح نطفى الشمع ..لقيت بنتي حرنت زي الحمار الصحراوي مش عازه تطفى الشمع و هات يا عياط و صريخ لاااااااااااااااااااااااااااا .. طبعا كلنا بقينا نهدى فيها و دي أبدا .. ك

واسمع واحدة تقلي حبيبتي شوفيها يمكن برغوت قرصها أصل من ساعه ما جيت و انا بهرش .. طبعا أنا اه بتقولي برغوت مين اللي في بيتي أنتئ جاية جربانه من بيتكم أنا بيتي زي الفل ما علينا نرجع للبنت الى فاتحه السيرة ..

مالك مالك ؟؟ جوعانة ؟ لا ,,

عطشانة ؟ لا ,,

عاوزة حاجه حلوة ؟ لا ,,

حاجه في جسمك وجعاكى ؟ لا ,,

او مال مالك يا نكديه ..

في آه فييييييييين بعد ما نشفت ريقنا نطقت ... اصل مش عاوزة أطفى الشمع من غير عمو ... طبعا أحنا كلنا في نفس واحد و لا أوركسترا القاهرة السيمفوني

" عمو مين ؟ "

و رحت باصه لجوزي بكل ثقه أنت عازم حد من أصحابك ؟؟؟؟؟ رد الراجل أبداااا و الله ... رجعنا تانِ عمو مين يا بنت ؟؟ ردت الهانم عمو يا بابا اللي بيجي كل يوم وهو مغطي وشه .. طبعا لحد دلوقت محدش فينا فاهم حاجه ..... و جوزي يقولها بيجى فين يا قطه ؟؟ بيجى هنا كل لما تنام ,, بشوفه أنا و ماما ... يا بابا اللي ماما بتحبه

اقوي ده ... و تعيييييييط. و انا ...يا دهوووووووووووووووووووووووووووووووووووتى احيه احبه احيه ... طبعا أمي و أخواتي بقوا بيقولوا يا ارض انشفى و ابلعينا ,, و الجربانة الثانية فرحانه فرحه الي نجح في مجلس الشعب ,, و حماتي و حمايا ما صدقوا بصولي بصه ضباط الموساد الإسرائيلي لما قفشوا ناديه الجندي ,,,و انا بقى وشى احمر و اخضر و ازرق و جوزي تقريبا ودانه كانت بتطلع دخان بس مش قادره أأكد الموضوع لأنى كنت مزغله ساعتها . و حسيت ان انا اوشا اخت مليجي .. طبعا بلعت ريقي و اديتها الشخطة القوية عمو مين يا زفته أنتي ؟؟.. طبعا جوزي راح قائلي ما تشخطيش فيها سيبيها تتكلم ...ايوه يا روح بابا عمو ده بتشوفيه هنا في البيت ؟؟... ايوه ... طيب بتروحي معاه باي ؟؟؟ لا بس شوفته عند تيته ... احيه احيه احيه و امي كمان مشتركه في المصيبة ..وجوزي بقي في عقل باله لا دي شبكه بقي . انتى يا بنتي متأكدة .. ايوه اجيبلك صورته من اوضتىي.. و عندك صورته كمان ..احيه اوعي يكون هو نفسه جوه ؟؟؟؟ روحي هاتيها ... راحت الجزمة و لقيناها جايه و معاها كتاب تلوين بتاع سباي درمان أيه ده ؟ ده عمو اللي بيطير و بيقعد كده و راحت مقرفصه فوق السفرة و حاطه رجل في التورتة و رجل في طبق الساليزونات و فارده دراعتها الاثنين و قالت لنا اللي بيعمل كده بيشو بيشو بيشو ... كل يوم انا و ماما بنشوفه لما بابا ينام في التلفزيون ... استنوه دوقتي يطير و يدخل من الشباك .. جوزي بقي .. كنت متأكد ، كنت متأكد ، كنت متأكد . مع اني كنت شاكك ....طبعا كلنا بلعنا ريقنا و أنا روحي ردت فيا تاني و بصيت لهم من فوق لتحت .. و ماما انجعصت

في الكرسي .. منك لله يا شيخه كنت رح تدمري اسرة بحالها

أتمنى لكل الأسر حياة سعيدة وآلا .....