موقع زيدل الصفحة الرئيسية  

العودة   منتديات زيدل > المنتدى الزيدلي > المنتدى الأدبي > الشعر العامّي والزجل

إضافة رد
 
أدوات الموضوع تقييم الموضوع انواع عرض الموضوع
  #1  
قديم 9th April 2010, 03:35 PM
fareda fareda غير متواجد حالياً
عضو
 
تاريخ التسجيل: Apr 2010
المشاركات: 2
الجنس: انثى
fareda is on a distinguished road
Smile شعر مؤكد راح يعجبكم لاحمد الهمامى -ارجو التثبيت

شعر مؤكد راح يعجبكم لاحمد الهمامى

خــــــــــــدت ايه من اخـويا
غير دعــــــــــا امى وابـويا
وهدية جابها لى فى عــيدى
طـرحة ومنـــــــديل بؤويــه
وآه


أوصـــــــــــــيك ياولـــــدي بإخــــــــواتك ولاد وبنـــــــــات
وإن مـــــــــــــــــت أنـــــــا إيـــــاك تسيبهم وإيــــاك تبـات
من غيـــــر ما تطــــــــــــــمن عليـــهم وتعايدهــم كل يوم
وإن جيـــت تموت وصي ولادك على عمامهم وع العمات
وآه


لولا النعيم في الآخــره مـــــــش ع الأرض
والابتــلا في الدنيا مــــــكتوب على كـل فرد
أنا كنــــت دعـــــــــــــــــيت ربنــــــا بالخلود
ولا كنــــت صليت فرض ولا صونت عرض
وآه
ضـــــريح لست وقـــالوا عنها مـــبروكه
واللي تزورها تلقى كل عقادها مفــكوكه
أنــــا روحـــت أزورها ودعــيت وقـــلـت
يا رب خــــــايفه تبــقى الست مســكوكه
وآه
ســـــواح وعايش في وسـط السـواحين
في بلاد غريبه وكئيبه وناسها مخنوقين
ولا عـمري حسيت بالراحه ولا بالأمـان
ولا مــــره نمت وحلــمت غير بالمــيتين
وآه


أطلعك يا مصــري يابن النيل مـــــــن بين آلاف
فيك عرق الفرعنه تمــام جــــدك بلا أي اختلاف
بس جدك يا مصـري صنع حضاره وآثار وعلوم
وانت يا حفيده صنعت إيه غير الكنافه والخشاف
وآه
الحياه والموت الاتنين عليهم مغصوبين
دخلــــــــنا فيهم وخرجنا منهـم مرغمين
المــــــــوت بنكــرهه لكـــن له احترامه
أما الحـــــياه بنحبها بجــد ولا مضطرين
وآه

أوصـــــف ما توصــف مين يجـــــيـب
أو يرجـــــــع ليا من تــــاني الحـــبيب
وصف الأمل مش صعب ومـا أسهـله
لكن اللي صعب بجد الفراق يا طبــيب
وآه

على ســلم نقابته قاعــد ماســـــك ميكروفونه
يشجــــب ويندب ويحكي عن همــــه وشجونه
مالكـــم بيه يا عسكر ماتســــــــيبوه في حاله
لا تضـربوه ولا تسحلوه وقولوا الله في عونه
وآه

مـــشوار طويل وفاضل خطـوه عالنهايه
70 سنه عدت وكـأني لسه في البدايــه
فــــرحت ياما وبـــكيت كتير لكـــن أكــيد
كل شــــقايا في دنيتي كان مـن غبـــايــا

وآه
وحيـد وعــــايش بلا أهـــل و بلا خــــــــــلان
وكل يـــــــوم بيــــــمر بتزيـــــــدي يا أحــزان
أنا هــعمل إيه وإيـــــــــــه قصــادي أعــملـه
غير إنـي أدعـــي ربنا يصبرني كمان وكمان
وآه

يا كـــل سر مــــدفون جوه قعر الـــبير
يا هـــل ترى يا سر للبير معالم ضمـير
وإن كان له معالم إنت عالم تمنه كام
كتـــــكوت ولا أرنب ولا صـندوق كبير
وآه
قلــــبي بينهج وبيترعــــش م الخـــوف
لــــــــوني بيصـــفر وبقيـــت مخــطـوف
ده حــــــــلم ولا عـــــــلم أنا شــفت إيه
معـــقوله أكــون شفت القمـر مكسوف
وآه

أحــــــــب الضــــــتحك للـضحك ولـــــو ملوش أسبـــاب
وبَضحَك وأكـــــــركر عــلى أي حاجه ولوكـــانت عـذاب
مين اللي بيلـــــــــــومني أستاذ نكد ولا الست تكـشـيره
يا ريــتهم يضحكوا زيي محلاها عيشه المرح يا أحـباب
وآه

يا صابر الصبر شوف الصبر وداك لفين
ونولـــــــت منه ولا لسه فاضل خطـوتين
رد أيـــوب: الصبر آخره الرضا مكــتوب
وكــــــــــل شيء مكتوب في كتاب مـبين
وآه

فيه ناس تقول نعيش في الدنيا يسر
وناس تقول نعيش نموت هي عسر
ولا حد قال أبدًا إنهـــــا بين الــبنين
يسر مع عسر ورابط ما بينهم جسر
وآه

رد مع اقتباس

Sponsored Links
إضافة رد

الكلمات الدلالية (Tags)
احمد, خواطر, رباعيات, شعر, شعراء

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


Sponsored Links

جميع الأوقات بتوقيت GMT +3. الساعة الآن 02:29 AM.


Powered by vBulletin V3.6.2. Copyright ©2000 - 2019
تصميم الموقع وسام عبد العزيز جميع الحقوق محفوظة, Copyright ©2001 - 2019
المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص