موقع زيدل الصفحة الرئيسية  

العودة   منتديات زيدل > المنتدى الزيدلي > المنتدى الأدبي > الشعر

إضافة رد
 
أدوات الموضوع تقييم الموضوع انواع عرض الموضوع
  #1  
قديم 9th April 2010, 04:09 PM
fareda fareda غير متواجد حالياً
عضو
 
تاريخ التسجيل: Apr 2010
المشاركات: 2
الجنس: انثى
fareda is on a distinguished road
Question شعر و رباعيات و روائع احمد الهمامى

شعر و رباعيات و روائع احمد الهمامى

أنا ســاعه واقفــــــه مش بلـــــف وأدور
وكل عــــقرب صبح عاجز عايزله موتور
حتـــــى الحـــجر خف وجف أيه الحــكاية
قـامت قيــــــــامتي ولا لسه جــاي الدور
وآه

جنين وقـاعد يرفس في بطـــن أمـــــه
بيتدلع ويتقـلب يمين وشمال ولا يـهمه
9 شهور وهـــــــــو عــلى دا الحـــــال
9 دقايق ويـــــــنزل الأرض يا هــــمُه
وآه
معقوله ده يبقى جـزاته
اللـــي ضحى ليـك بذاته
واللي وهبك عمره كله
تهجره في آخـر حــياته
وآه

بــــــلــــبل وطــــاير في الســـما بيغني
بيقول يا ليل ويقول يا عين علــى فنـي
بس جــــمهوره فوق السحاب محــدود
إمـا الطـــــيور إما النجوم يا إمـا جني
وآه
أحزان ودموع وألم محــــبوس
صراخ ولطم ووجـــع ضــروس
والناس كـــــــمان شكلها متغير
أنا في حقيقه ولا أنا في كابوس
وآه

نشــــــــــيد وفي الربــــــيع تمـــلي يرددوه
الحـــــياه بقى لونها بمبي يا نــاس يا هوه
أنظـــر وأبص على الربيع أبو سحنه بمـبه
ألـــقاه خَضَار وحَمَار عكــــس اللي بيقولوه
وآه
هــذا العظيم هو الذى حافظ عـلى مظهره
لا عـــمره جالس حد ولا حـد يوم قـدره
ماصحبش إنسـان ولا حـيوان ولا حتى جان
ولا عــاد له غير مرايته وهـى اللى بتصبره
وآه


يـــــــا رب الطـــف بالعـــــباد دول غـــلابه
ومايملكوش غير اللسان ومش قد الديابه
يــــــارب عـــــــبادك انت أعلـــم مني بيهم
كتــــــاكيت وفـــــاكرين إنهم هيهزوا غابة
وآه

ظهر المرض الخبيث في كل حته في جـسمي
حتى مـــلامحي اتغيرت حتى لوحاتي ورسمي
يـــــا رب أنا رسام عليل ماليش أمل غير فيك
يا رب اشــفيني وخليني أقدر بس اكتب اسمي
وآه

ميـــــــــــن اللي ماسمعش عنك أو شـاهد إنجازاتك
يا ســـــــادات يا سابق عصرك ياللي خسرنا بمماتك
وحتى لو قالوا إنك غلطْت كتير مين اللي مغلطشي؟
واهُـــــه جِه أوان واللي عادوك أهُم حلفوا بحيـاتك
وآه

جـــــــــــالك أوان ووقفت وشفت نفســك في الـــــمرايا
من غير رتوش أو صبغه سودا م اللي بيـداروا الخبايا
دلــــــــــــــــــــــوقتي شـــــــــــايف نفسـك مين في دول
اللـــــــي خايف م الوداع والا اللي مشـغول بالصــبايا
وآه

تمثال شهيد في وسط الميدان اتحــط
ونافوره ميـه قدامه بترتش وبتنـــقط
وقصاري فل وورد ونجيله زرعوها
إيه دخل الربيع! ولا الجنايني اتظبط
وآه

زحمه وتجمهر وصويت وناس صابها الجـنون
أفراح وأحزان وعيون على كل شكل ولـــــون
هــــــي دي الدنـــــــــــــــــــــــيا يا عـــــــــــبلة؟
ولا دي ســويقه في مولد وده حــــــال الزبون؟
وآه

ورا كــــل باب مقـفــول 1000 سرّ
فرح ونكد وسعاده وشجن وحلو ومرّ
ماهو أي بيت عــــامل كمـــا الموجه
مد وجزر وموجه تِغَرَّق ومـوجه تمـرّ
وآه

عيني عليكي يا صبيه يا أم العيـــون زرقـا
عيونك دي بحر غويط وفيـــه كتير غـــــرقا
أنا قلبي مركب ورق عايمه على بحـــــورك
يا تروقي وتحني يا حلوه يا تقطعي الـــورقه
وآه


رد مع اقتباس

Sponsored Links
إضافة رد

الكلمات الدلالية (Tags)
احمد, خواطر, رباعيات, شعر, شعراء

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


Sponsored Links

جميع الأوقات بتوقيت GMT +3. الساعة الآن 07:16 PM.


Powered by vBulletin V3.6.2. Copyright ©2000 - 2019
تصميم الموقع وسام عبد العزيز جميع الحقوق محفوظة, Copyright ©2001 - 2019
المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص