موقع زيدل الصفحة الرئيسية  

العودة   منتديات زيدل > المنتدى الزيدلي > منتدى الثقافة > الاقتصادي

إضافة رد
 
أدوات الموضوع تقييم الموضوع انواع عرض الموضوع
  #1  
قديم 5th November 2004, 10:22 AM
الصورة الرمزية victorwardeh
victorwardeh victorwardeh غير متواجد حالياً
عضو مؤسس
 
تاريخ التسجيل: May 2003
الدولة: syria.homs.zaidal
المشاركات: 764
victorwardeh can only hope to improve
ولك لساتك عم تنق يا موظف؟

سانا
صفحة أولى
الجمعة5 / 11/2004م
اصدر السيد الرئيس بشار الأسد القانون رقم 43 للعام 2004 القاضي بصرف منحة لمرة واحدة بمعدل 50 بالمئة (خمسين بالمئة) من الرواتب والاجور الشهرية المقطوعة لكل من العاملين والعسكريين في الوزارات والادارات والمؤسسات العامة وشركات ومنشآت القطاع العام والبلديات ووحدات الادارة المحلية والعمل الشعبي والشركات والمنشآت المصادرة والمدارس الخاصة المستولى عليها نهائياً وما في حكمها وسائر جهات القطاع العام.
وكذلك جهات القطاع المشترك والمجندين في الجيش والقوات المسلحة والمشاهرين والمياومين والدائمين منهم والمؤقتين واصحاب المعاشات التقاعدية من العسكريين والمدنيين .‏
وفيما يلي نص القانون رقم 43:‏
القانون رقم 43‏
رئيس الجمهورية‏
بناء على احكام الدستور وعلى ما أقره مجلس الشعب في جلسته المنعقدة بتاريخ 21/ 9 /1425 ه¯ و 4 /11/ 2004 م يصدر مايلي:‏
لمادة 1: أ- تصرف منحة لمرة واحدة بمعدل 50 بالمئة (خمسين بالمئة) من الرواتب والاجور الشهرية المقطوعة لكل من العاملين المدنيين والعسكريين في الوزارات والادارات والمؤسسات العامة وشركات ومنشآت القطاع العام والبلديات ووحدات الادارة المحلية والعمل الشعبي والشركات والمنشآت المصادرة والمدارس الخاصة المستولى عليها استيلاء نهائيا ومافي حكمها وسائر جهات القطاع العام وكذلك جهات القطاع المشترك التي لاتقل مساهمة الدولة عن 75 بالمئة من رأسمالها والمجندين في الجيش والقوات المسلحة.‏
ب- يدخل في شمول الفقرة أ من هذه المادة المشاهرون والمياومون والدائميون منهم والمؤقتون سواء أكانوا وكلاء ام عرضيين ام موسميين ام متعاقدين ام بعقود استخدام ام معينين بجداول تنقيط او بموجب صكوك ادارية وكذلك العاملون على اساس الدوام الجزئي او على اساس الانتاج او الاجر الثابت والمتحول.
المادة 2: أ- تصرف منحة لمرة واحدة بمعدل 50 بالمئة من المعاشات الشهرية المقطوعة لاصحاب المعاشات التقاعدية من العسكريين والمدنيين المشمولين بأي من قوانين وانظمة التقاعد والتأمين والمعاشات والتأمينات الاجتماعية النافذة بمن فيهم الخاضعون للمرسوم التشريعي رقم 48 لعام 1972 والقانون رقم 43 لعام .1980‏

ب- يستفيد من المنحة المذكورة في الفقرة أ السابقة اسر اصحاب المعاشات وتوزع على المستحقين وفق الانصبة المحددة في القوانين والانظمة الخاضعين لها .‏
المادة 3: تعفى المنحة المنصوص عليها في هذا القانون من ضريبة الرواتب والاجور .‏

المادة 4: تصرف النفقة الناجمة عن تطبيق هذا القانون وفقا لمايلي:‏
أ- بالنسبة للمنحة للعاملين المدنيين والعسكريين في الدولة تصرف من وفورات سائر اقسام وفروع الموازنة العامة للدولة للسنة المالية 2004 بالنسبة للعاملين الذين يتقاضون رواتبهم واجورهم من هذه الموازنة.‏

- من وفورات سائر حسابات الموازنات التقديرية لعام 2004 بالنسبة لكل من جهات القطاع العام الاقتصادي وشركات الانشاءات العامة الذين يتقاضون رواتبهم واجورهم من موازنة اي من الجهات المذكورة.‏
- من وفورات مختلف ابواب وبنود الموازنات السنوية لعام 2004 بالنسبة لكل من الجهات العامة الاخرى في الدولة .‏
ب - اما بالنسبة للمنحة لأصحاب المعاشات التقاعدية او اسرهم فتصرف النفقة الناجمة عن تطبيق هذا القانون من وفورات سائر اقسام وفروع الموازنة العامة للدولة لعام 2004 بالنسبة للمتقاعدين واصحاب المعاشات التقاعدية الذين يتقاضون معاشاتهم من الموازنة العامة للدولة اما بالنسبة لبقية المتقاعدين واصحاب المعاشات التقاعدية فتصرف النفقة الناجمة عن تطبيق هذا القانون من وفورات سائر ابواب وبنود او حسابات موازنة الجهة العامة التأمينية المعنية لعام 2004 .‏

المادة 5: ينشر هذا القانون في الجريدة الرسمية ويعتبر نافذا من تاريخ صدوره دمشق في 21/ 9 /1425 هجري الموافق ل- 4 /11/ 2004 م .‏
رئيس الجمهورية‏
بشار الأسد‏
_____________________________________________
تعليق : أخونا الموظف مو عاجبو ويا من شافو على نق بنق لحتى ما عاد عارف وين بدو يروح ب هالراتب الضخم ولمعلوماتك يا موظف المصارف الخاصة ما فتحت بسوريا غير مشانك ومشان تلاقيلك حل للفائض من راتبك بقا عيش ب هالنعمة والله ما راحت غير على الغير موظفين والله صار لازم نشفلنا شي وظيفة أو وحدة موظفة
___________________________________
فكتور -5-11-2004م
__________________
ماذا يهمني إذا ربحت العالم وخسرت نفسي؟
______________________________
رد مع اقتباس

Sponsored Links
  #2  
قديم 5th November 2004, 01:06 PM
wisam wisam غير متواجد حالياً
مدير الموقع
 
تاريخ التسجيل: Feb 2003
المشاركات: 450
الجنس: ذكر
wisam is on a distinguished road
و الله الحقيقة منحة مشكورة و اجت بوقتها (المصاري ايمتا ما اجت بيكون وقتها)
بس راتب الموظف السوري و حاله حال المصطلح الوارد باحدى دعايات المشروبات الغازية و باللهجة اللبنانية عندما تنتهي الدعاية بجملة

بعد بده

و راتب المواطن السوري الحقيقة بعد بده كثير حتى يوازي متطلبات العصر و ليس فقط يكفي الماكل و المشرب و اللبس
اضافة الى اننا بحاجة الى خفض اسعار العديد من السلع التي تفوق في سعرها دولا يتعدى دخل الفرد فيها العشرين الف دولار سنويا ... و منها السيارات و اسعار شركات الاتصالات و غيرها

و بالنسبة للموظفة يا دكتور لحق حالك بعد الزودة الجاية بيجوز الموظفات يصيروا يشترطوا العريس يكون وزير او يصيروا المغتربين يتهافتوا على العودة الى سوريا و تزوج الموظفات
__________________
تلقى و الافضل ان تتفاعل
رد مع اقتباس
  #3  
قديم 5th November 2004, 02:24 PM
الصورة الرمزية Elie Swed
Elie Swed Elie Swed غير متواجد حالياً
مدير عام و مشرف المنتدى الإداري
 
تاريخ التسجيل: Aug 2003
الدولة: zaidal
المشاركات: 1,391
الجنس: ذكر
Elie Swed is on a distinguished road
Talking إيه مو نق ولا شي

أنا ما ني عرفان أنو ليش فكتور عم يخربط بين النق والدلع , وحياة المعرفة يا فكتور نحن مو عم
نق بس عم ندلع عا الحكومة بس , إيه مو بيحق للولد يدلع على أبوه...؟؟ وهاي نحن أولاد حكومة
وبنحب ندلع عليها !!! بس أنتو أولاد اللا حكومة بتضلو حاطين نقرقن من نقرنا شو بتعطينا الحكومة
بتقوموا تغـَّـلوا المعلوم تبعكن من شان توفي معكم وتبقوا على نفس الأرباح اللي أنتو تعودتوا عليها,
إيه ما بتخلولنا شي ولا بتخلوا ها الفرحة تمر على خير ( حسد ياربي حسد ) , النق الحقيقي هو مش
من الحكومة وإنما من أصحاب الأعمال الحرة ألهن أيد كبيرة وطايلة كمان..؟؟؟ بتقدر تخلينا نراوح
بالمكان اللي تعودنا عليه ومانا قادرين نتركو, ( قال نق قال ), ليك شادي من أولاد الحكومة صح
ولا... لأ...قوللي هلق... عم يقدر شادي ويتجرأ يشفلو شي بنت حلال وحلوة يخطبها وبعدين على
مهلو بيتجوز إيه والله مانو قادر يعملها ( لسه بتقول نق ), على كل ٍ حلوي أجت ها المنحة في وقتها
( حق مازوت ونحن على أبواب البرد كتر خير الله والمعنيين بالأمر ), ليك فكتور أنتو أصحاب الأعمال
الحرة عليكم مهمة أنكن تنزلوا من أسعاركم شوي من شان نقدر نتعامل معكم على الأصول ومن بعد
ما تعملوا ها الشي وبتشوفونا أنو لسه ما عاجبنا وقتها بألك أنو معك حق نحن عم نق.

حبيب العمر

الصور المرفقة
نوع الملف: gif 10_16_2.gif‏ (29.9 كيلوبايت, المشاهدات 395)
__________________
الأرض التي تقع عليها متـألماً

عليها تتكئ وتقف من جديد
رد مع اقتباس
  #4  
قديم 6th November 2004, 11:28 AM
الصورة الرمزية victorwardeh
victorwardeh victorwardeh غير متواجد حالياً
عضو مؤسس
 
تاريخ التسجيل: May 2003
الدولة: syria.homs.zaidal
المشاركات: 764
victorwardeh can only hope to improve
مبارح شفت موظف طاير من الفرح مع إني طول عمري بعرفو تعيس وحالتو حالي وبيضل يندب والحقيقة استغربت من حالة هالسعادة اللي نازلة عليه . قلتلو خير شو اليوم ضارب معك المزاج مبين ومانك عم تنق كالعادة ؟.قلي فعلا ً هوي هيك . ولما سألتو عن السبب . قلي بدي اعتبر هالمنحة كأنها ما اجت يعني ما رح نزلها على جدول الحسابا ت وبدي روح فنكر فيها طالع عبالي روح على المحل الفلاني ؟ وإعمل كذا وكذا وساوي هيك وهيك والله صارلي مدري كم سنة عم بحلم روح على هالمحل! . قلتلو يعني ما عاد في نق؟ . قلي لاء في بس هلق مو فاضيلو بس ارجع من مشواري برجع للنق !. قلتلو طيب كيف ممكن تبطل تنق ؟ قلي الحل يصرفولنا كل شهر منحة متل هي وعلى شرط تضل منحة ومو زيادة بالراتب !؟
* فعلاً أحلام البني آدم عنا بسيطة كتير والشغلات اللي بتبسطو وبتطيرو من الفرح كتير تافهة ومع ذلك هالتفاهات ما عم يقدر يحصل عليها إلا كل كم سنة أو بالاحلام .
*الحقيقة يا حبيب العمر عم نفكر نحنا أصحاب الأعمال الحرة نغير التسعيرة فعلا ونقلب الأية بعد ما ترفه الموظف عنا يعني بالعادة وقت بيجي مغترب لعند الشباب الزملاء بينتفوا ريشو وبيصير السعر دبل والفاتورة مضاعفة بس هلق عم نفكر نرحم المغترب الفقير؟ ونصير نعملو حسم وندق بالموظف المنعم وأول ما بنسألو
شو بشتغل يا مواطن وبيقلنا موظف منقول حلووووووووو اجت الرزقة اممممممممممم .أهلين شرفت .
* والله خايف نبوءتك تتحق يا معلم وسام ويصيروا ينافسونا المغتربين على هالموظفات وهيك ما بيخلونا شي مشان هيك انا رح طالب من اليوم حكومتنا بخفض راتب الموظفات الإناث لحل مشكلة الزواج المتأخر لدى الشباب السوري والتخفيف من شوفة الحال لدى الموظفة السورية المرفهة والتي باتت لا يعجبها العجب ولا حتى أحلى شب .
________________________________________
فكتور-6-11-2004م
__________________
ماذا يهمني إذا ربحت العالم وخسرت نفسي؟
______________________________
رد مع اقتباس
إضافة رد

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


Sponsored Links

جميع الأوقات بتوقيت GMT +3. الساعة الآن 11:13 PM.


Powered by vBulletin V3.6.2. Copyright ©2000 - 2019
تصميم الموقع وسام عبد العزيز جميع الحقوق محفوظة, Copyright ©2001 - 2019
المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص