موقع زيدل الصفحة الرئيسية  

العودة   منتديات زيدل > المنتدى الزيدلي > المنتدى الترفيهي > النكات و القصص الطريفة

إضافة رد
 
أدوات الموضوع تقييم الموضوع انواع عرض الموضوع
  #1  
قديم 19th August 2014, 01:37 PM
Safaa Bshara Safaa Bshara غير متواجد حالياً
مشرفة المنتدى الترفيهي
 
تاريخ التسجيل: Mar 2014
المشاركات: 185
الجنس: انثى
Safaa Bshara is on a distinguished road
مواقف طريفة

بتمنى من كل أعضاء المنتدى المشاركة
وكل واحد يخبرنا عن موقف حصل معو او مع أحد أفراد العائلة
يلا هاتو لنشوف ويسعد أوقاتكن جميع
رد مع اقتباس

Sponsored Links
  #2  
قديم 20th August 2014, 01:09 PM
سالم عبد العزيز سالم عبد العزيز غير متواجد حالياً
عضو متقدم
 
تاريخ التسجيل: Jan 2010
المشاركات: 527
الجنس: ذكر
سالم عبد العزيز is on a distinguished road
اقتباس:
المشاركة الأصلية كتبت بواسطة safaa bshara مشاهدة المشاركة
بتمنى من كل أعضاء المنتدى المشاركة
وكل واحد يخبرنا عن موقف حصل معو او مع أحد أفراد العائلة
يلا هاتو لنشوف ويسعد أوقاتكن جميع

السيدة الكريمة كاتبة الموضوع

اهنئك على هذه الفقرة الظريفة جدا واعتقد انها جديدة في المنتديات


والحمد لله نحن في قرية زيدل الحبيبة لدينا الكثير من الظرفاء تركوا لنا إرثا

من المواقف جميلا جدا وخزان مليء بالاحداث المضحكة

وعلى هذا الاساس . اقترح وبما اننا جميعا لا تخلو حياتنا من تلك الامور

ان يرشح الكاتب الاول شخص اخر يختاره كما يشاء ليكتب بعده

وانا سأطبق هذا على نفسي وسأكتب اليوم

اذا كان كهربا مهربا

دومي بخير ونرجو ابداء الرأي
رد مع اقتباس
  #3  
قديم 21st August 2014, 07:39 PM
عبد العزيز عبد العزيز غير متواجد حالياً
مشرف المنتدى الادبي
 
تاريخ التسجيل: Sep 2010
الدولة: زيدل
المشاركات: 247
الجنس: ذكر
عبد العزيز is on a distinguished road
أالصديقة صفاء يسعد أوقاتك بالرغم من أن الموضوع المطروح من قبلكِ شيّق وجميل ولكن كأن أعضاء الموقع الأكارم لا يملكون الجرأة الكافية للخوض به فحتى الآن لم يبادر أيّ عضو في المشاركة وكان الأجدر بكِ أن تفتتحي أنتِ الموضوع بموقف طريف حدث معكِ ,,, ومع ذلك وتشجيعاً للجميع سأذكر هذه الحادثةالتي جرت معي من فترة .
كنّا نسهر في بيت أحد الأصدقاء وكنّا مجموعة مؤلّفة من 6 أشخاص وفي نهاية السهرة ودّعنا أهل البيت وخرجنا لنعود إلى بيوتنا وعندما أردنا لبس أحذيتنا تفاجأنا بأنها غير موجودة في مكانها فدبّرنا حالنا وعدنا للبيت وعند وصولنا تفاجأنا مرّة أخرى بأنّ أحذيتنا موجودة على باب منزلنا هذه القصّة حدثت فعلاً ولكن أترك لكم حلّ هذا اللغز وكيف انتقلت الأحذية في تلك الليلة من البيت الذي كنا نسهر به إلى بيتنا
وشكراً للأخت صفاء ودمتم بخير,,
__________________
أكبر إنجاز تفعله في الحياة هو أن تتقبّل الآخر وأن تجعل الآخر يتقبلّك
رد مع اقتباس
  #4  
قديم 21st August 2014, 09:34 PM
سالم عبد العزيز سالم عبد العزيز غير متواجد حالياً
عضو متقدم
 
تاريخ التسجيل: Jan 2010
المشاركات: 527
الجنس: ذكر
سالم عبد العزيز is on a distinguished road
ههههههههههههههههههههههههههههههههههههههه
حلوة
وانا صارت معي بس بالزمان كان عنّا كلب اجّلكم هو من عمل ذلك

رد مع اقتباس
  #5  
قديم 22nd August 2014, 02:00 PM
الصورة الرمزية ماجد سطّاح
ماجد سطّاح ماجد سطّاح غير متواجد حالياً
مشرف المنتدى الأدبي
 
تاريخ التسجيل: Jun 2005
الدولة: zaidal
المشاركات: 1,045
الجنس: ذكر
ماجد سطّاح is on a distinguished road
من زمان ..أيام الباكالوريا ..كنت أنا وموسى سطّاح (أخو الأستاذ زياد سطّاح) بفرد شعبة ..
تعوّدنا ندرس عند بعض .....وكانت مسائل الفيزيا اللي يعطينياها الأستاذ (هاني باخص الله يذكروا بالخير )..تاخذ وقت كبير ..,وكنّا أي مسألة آخدينها وظيفة لازم تنحل ..مهما كلّفت وقت وجهد ...وفي مرّة بعد 4 ساعات متواصلة دراسة وحل مسائل فيزيا طلعنا من بيت موسى أنا وموسى وبنص الطريق لبيتنا ( حوالي الساعة 8 المسا ) ونحنا ماشيين وساكتين , واجهنا حدا بالطريق وبدل محسوبكُن ما يقول ( مسا الخير ) ...قال باللاشعور وبصوت عالي بالشارع ( سين - ري ) يعني (سر ) وهو رمز (السرعة بمادة الفيزيا ) ...و حالاً ..فقعت معنا الضحكة بالشارع أنا وموسى ..وهداك الشخص صار يتلفت حواليه ومو عارف شو القصة ..ونحنا ركدنا لقدام مخبين وجهنا وخجلانين من حالنا ..
هالحادثة صرلا من عام 1987 ..بس بعدني بذكرها بتفاصيلا وما بنساها ..
= فصل تاني ..صار معي وقت قررت من بعد تخرّجي من كلّية الطب بحوالي الست أشهر , قررت إنّي سافر تحتّى جيب مصدّقة التخرّج من الكلّية بحلب ..كنت فاتح عيادة وما عم داوم بأي وظيفة بإنتظار البداية بمرحلة الإختصاص .....وبصباح أحد الأيام رحت على كراج البولمان وقطعت تذكرة وتوجّهت إلى حلب ...وبعد ساعة سفر تقريباً ..ومن بعد مدينة حماة ..وتحديداً بقرية (مورك )..سمعت واحد من الركاب مقابيلي عم بيقول للراكب اللي جنبو :
-لولا ما اليوم 8 آذار كنّا ساوينا هالمعاملة بطريقنا ...
رد عليه رفيقو :
- إي والله يا صاحبي ..يالله ...غير جيي بنساويها ..
وطبعاً محسوبكُن صفرنْ ...وقلّن للشباب اليوم 8 آذار ؟؟...((وبيني وبين حالي " يعني الجامعة معطلة "))
قالوا ...إي خيوو ..إيش فيييييي؟؟
ناديت للمعاون فوراً وقلتلوا :..وقفلّي الباص لو سمحت ..نسيان شغلي بحمص بدي إرجع جيبها ...
ونزلت (بمورك) ..ورجعت بوجهي على زيدل ...
الله يرحم هديك الإيام ..
رد مع اقتباس
  #6  
قديم 22nd August 2014, 09:30 PM
الصورة الرمزية Elie Swed
Elie Swed Elie Swed غير متواجد حالياً
مدير عام و مشرف المنتدى الإداري
 
تاريخ التسجيل: Aug 2003
الدولة: zaidal
المشاركات: 1,388
الجنس: ذكر
Elie Swed is on a distinguished road
الله يسعد ايامكن يا رب .. قصص ظريفة وحلوة بس محسوبكن فاقد الذاكرة منشان هيك ما عم يطلع معي شي عاملو أو صار فيي زمان ... وأكيد إذا فطنت رح نزل مصايبي هون ... ههههههههه يسعدكن الرب .. ( سيدتي صفاء , سيد سالم , الأستاذ عبد العزيز , الدكتور ماجد ) وكل من سيأتي ويخبرنا قصتو .. شكرا لكم .
__________________
الأرض التي تقع عليها متـألماً

عليها تتكئ وتقف من جديد
رد مع اقتباس
  #7  
قديم 22nd August 2014, 10:09 PM
سالم عبد العزيز سالم عبد العزيز غير متواجد حالياً
عضو متقدم
 
تاريخ التسجيل: Jan 2010
المشاركات: 527
الجنس: ذكر
سالم عبد العزيز is on a distinguished road
هههههههههههههههههههههههههههههههه

اسعد الله اوقاتك دكتور ماجد

واضحك الله سنّك


ضحكت من كل قلبي

وخاصة القصة الثانية

ومثلها الي قريب لزم كمان كان عم يدرس بالشام

بدو يرجع اجازة على حمص ركب بالباص ومن عادتو بينام بالباص

بعد ما غط بنومي سمع المعاون عم بيقول:

يالله يا شباب اخر موقف سأل وين صرنا قالولو هون صرنا بحلب

طلع انو مارق على حمص ونازلين ركاب حمص وهو مانو صحيان

بتصير

دومو بخير
رد مع اقتباس
  #8  
قديم 28th August 2014, 08:47 AM
Safaa Bshara Safaa Bshara غير متواجد حالياً
مشرفة المنتدى الترفيهي
 
تاريخ التسجيل: Mar 2014
المشاركات: 185
الجنس: انثى
Safaa Bshara is on a distinguished road
فكرة حلوة كتير اخ سالم ........... يسعد صباحك
انا صار معي انو بسهرة راس السنة نشرت غسسيل وباخر السهرة طلعت لفوتهن قمت ما لقيتهن للغسيلات هههههههههههه
رد مع اقتباس
  #9  
قديم 28th August 2014, 08:52 AM
Safaa Bshara Safaa Bshara غير متواجد حالياً
مشرفة المنتدى الترفيهي
 
تاريخ التسجيل: Mar 2014
المشاركات: 185
الجنس: انثى
Safaa Bshara is on a distinguished road
ههههههههههههههههه قصة حلوة عمو عبد العزيز بس والله فعلا غريبة كيف انتقلت الاحذية هههههههههههه
رد مع اقتباس
  #10  
قديم 28th August 2014, 08:57 AM
Safaa Bshara Safaa Bshara غير متواجد حالياً
مشرفة المنتدى الترفيهي
 
تاريخ التسجيل: Mar 2014
المشاركات: 185
الجنس: انثى
Safaa Bshara is on a distinguished road
ههههههههههههههههههههههههه ضحكت من كل قلبي دكتور يسعد ايامك
رد مع اقتباس
  #11  
قديم 28th August 2014, 08:58 AM
Safaa Bshara Safaa Bshara غير متواجد حالياً
مشرفة المنتدى الترفيهي
 
تاريخ التسجيل: Mar 2014
المشاركات: 185
الجنس: انثى
Safaa Bshara is on a distinguished road
سيدي الكريم حبيب العمر اساتك شباب يا زلمي ازا انت فاقد الذاكرة لا عتب الله علينا لكن هههههههه يسعد اوقاتك
رد مع اقتباس
  #12  
قديم 30th August 2014, 01:06 PM
الصورة الرمزية سناء جلحوم
سناء جلحوم سناء جلحوم غير متواجد حالياً
مشرف عام
 
تاريخ التسجيل: May 2003
الدولة: بيروت
المشاركات: 2,980
الجنس: انثى
سناء جلحوم will become famous soon enough
ليتشي محل معروف كتير

مش من زمان من 15 يوم تقريبا كان عنا عرس والعروس العزيزة طالعة من بيتنا مشان هيك كنت لازم افقع فستان غير شكل

من شهر كنت نقيت واخترت واخدت القياس بمحل انا زبونة فيه من سنين ...
للأسف ولا مرة صار غلط الا هالمرة ورحت وكان وقت القياس الفستان في غلط والشغل فيه ماكان بالسهل كونه كله مشكوك بالخرز...

المهم بعد اخد ورد وشغلنا المحل مشي الحال وظبطت الأمور ومن عندهم لعند الحلاق وصلت ولكن كنت معصبة شوي ....والصالون مليان وسألوني عن السبب فخبرت انو هيك صار معي وبآخر وقت ولكن مشي الحال ...

زبونة بالصالون بتسأل أوف ومين هاد المحل أنا بعرف كل محلات الزلقا وجل الديب؟؟؟ .وهون حظنا الجمال ويلي جاوب أنوا حضرتك ما الك علاقة ولقيتها كبيرة... وويلي اكذب وهيك بكون شوي مهذبة قـــ إخترعت بثانية اسم محل مش ببالي وقلتلها ...المحل اسموا (( ليتشي )) عرفتي ...حد الماكدونالز دغري مابيضيع ...

ويأتيني الجواب : يه كيف مابعرفوا بنت إختي من سنين بتشتغل فيه وهييي المسؤولة عنوا !!!

.ووقتها يارعاكم الله عصرت حالي و ماعرفت شو اعمل بفقع من الضحك أو بموت من البكي ...بس إنوا لقيت عيب إضحك وليه بدي إبكي ..........فقلتها وبأقل من ثانية عرفتها لبنت إختك ولو وووومسؤولة كبيرة بالمحل هههههههههههههه ...وخلصت القصة براس مرفوع للسما

والله يلعن هالطبع اللي عندي مشان ماقول الحقيقة وزعل العالم دايما باطلها بجلدي

دكتور ماجد قصتي أسلس وأهضم من قصصك مع انو ضحكت من قلبي على سر سر سر ...


دمتم جميعاً بخير وشكرا صفاء عاموضوع اللطيف .....
__________________
كل مجدي أني حاولت....sanaa jalhoum
رد مع اقتباس
  #13  
قديم 1st September 2014, 07:57 AM
Safaa Bshara Safaa Bshara غير متواجد حالياً
مشرفة المنتدى الترفيهي
 
تاريخ التسجيل: Mar 2014
المشاركات: 185
الجنس: انثى
Safaa Bshara is on a distinguished road
ههههههههههههههههه بعين الله سنوءة نحنا المشكلة ما منعرف نكذب هههههههههه وقلبنا طيب كتير لانو حبل الكذب قصير بس منيح انو مشي الحال ههههههههههه يسعد كل أوقاتك سنوءة
رد مع اقتباس
  #14  
قديم 1st September 2014, 08:11 PM
عبد العزيز عبد العزيز غير متواجد حالياً
مشرف المنتدى الادبي
 
تاريخ التسجيل: Sep 2010
الدولة: زيدل
المشاركات: 247
الجنس: ذكر
عبد العزيز is on a distinguished road
مواقف طريفة

صارت معكم شي مرّة ؟؟؟
كلّفني أحدهم بتطعيم شجرة فذهبت لعنده بالوقت المحدّد واتّجهت فوراً لمكان الشجرة ولمّا لم أجده في الحديقة أخرجت الخليوي وعلّمتلو حتي يعرف إني حضرت وأعدت الجهاز لجيبي وبعد قليل جاء الرجل وبدأنا العمل إلاّ أنني كنت أسمع أصوات قريبة منّي فسألته عن مصدر الصوت فأجابني بعدم معرفته فبدأنا البحث عن مصدر الصوت فلم نجد أحداً على مقربة منّا والصوت مستمر فاقترب الرجل منّي وقال الصوت قريب جدّاً وكأنّه يصدر منك فأخرجت الجهاز وإذا هو مصدر الصوت استغربت جدّاً ولكن اكتشفنا أن الجهاز غير مطفي ومصدر الصوت يأتي من جهاز الرجل الموضوع قرب التلفزيون ؟؟؟؟؟؟؟ والنتيجة خسارة 120 وحدة ؟؟؟؟؟
__________________
أكبر إنجاز تفعله في الحياة هو أن تتقبّل الآخر وأن تجعل الآخر يتقبلّك
رد مع اقتباس
  #15  
قديم 5th September 2014, 01:27 PM
الصورة الرمزية ماجد سطّاح
ماجد سطّاح ماجد سطّاح غير متواجد حالياً
مشرف المنتدى الأدبي
 
تاريخ التسجيل: Jun 2005
الدولة: zaidal
المشاركات: 1,045
الجنس: ذكر
ماجد سطّاح is on a distinguished road
عن Desert rose
اقتباس:
دكتور ماجد قصتي أسلس وأهضم من قصصك مع انو ضحكت من قلبي على سر سر سر ...
ما في شك وعادي جداً .....طالما إنتو الهضامة كلا إم ملحم ..
أبو وسام :
قصّتك طريفة ولو إنها ياما وياما صايرة وبأرقى العائلات كمان ..والحمدلله إنها انفدت 120 وحدة ..مو متلي بضياع نص نهار على الطرقات ..هههه..
رد مع اقتباس
إضافة رد

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


Sponsored Links

جميع الأوقات بتوقيت GMT +3. الساعة الآن 12:09 PM.


Powered by vBulletin V3.6.2. Copyright ©2000 - 2020
تصميم الموقع وسام عبد العزيز جميع الحقوق محفوظة, Copyright ©2001 - 2020
المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص