رسالة خاصة جدا

[hosam abdulaziz]

انا مني متعود كثير حط مشاركات كثير بقسم الشعر , بس عاد لكل قاعدة استثناء ,
وصلتني رسالة خاصة من احدى العضوات الغائبات نوعا ما و هي غالية عقلبي كثير فيها كلام حلو كثير عجبني , فما حبيت احرمكن منه و ما تفكروا انه عمشوف حالي فيه , بس حبيت انشره لردلها عطريقتي الخاصة كنوع من الشكر , و هي عاد اذا بتملك الجرأة بتابع هالأبداعات عطريقتها عصفحات المنتدى.

القصة بلشت بعد ما بعثتلها رسالة خاصة اتطمن عن حالها و عن سبب بعدها عنا و كان ردها بطريقتها الخاصة على النحو التالي:


هي :
أنت الشاغل بالي يا بو عيون وردية
كيف القمر ينام لما بتطلع فيي بسهر الليل وما بنام
عيونك ألوان الزهر وصوتك يا ليلللللللللللللللللللللللللللللللللللل متل الوتر
غنيت باسمك زجل والحزن لما سمعك رحل
أنت طير وأنت الزهروأنت الربيع بهالمنتدى.


انا:
قلي عبعدك كثير تحصّر و قلي ابعث و اسأل و لا تتأخر
و بردك الحلو الحنين اتفجر , لأحلى عيون بالمنتدى و شو ما قلت بعد اكثر

ان كنت غالي عليكي عيدي الحساب و عن احبابك بالمنتدى ممنوع الغياب.
قلبي عبعدك بحالة اكتئاب , و لو تأخرتي اكثر كان صابه الألتهاب.

برسالتك الحلوة رديتيلي الروح , و للحزن من قلبي قلتله روح.
بعد يا حلوة عنا بعد مش مسموح , احسن ما تنعاد المآسي و تزيدي الجروح.

و قال بقولولي فاقدين للمحبة بين الأعضاء , شو بدكم بعد اكثر من هيكككككككككككك

[liza]

أنا متأكدة أنو لو ما كنت بتستاهل هالحكي ما انكتبلك

يا ترى مين وراء الكواليس معجب فيك هالقد

[hosam abdulaziz]

هلق بستاهل او ما بستاهل ما بعرف بس اكيد اللي كتبتلي هالحكي مزوقة كثير و بتعقد:
و شوفي شو كتبتلي كمان يا ليزا :
الكلام الحلو لعيونك بينقال و لأحلى حسام الغالي بيرخص
يعني و الله مني عرفان كيف بدي كافيها , لو في عنا بالمنتدى جائزة لملكات الذوق كنت توجتها عالعرش بدون منازع
و عقبال ما تلاقي يا ليززززززززززز شي واحد يكتبلك من عالكلام الحلو

[imad_dahi]

ايامك حسامو

[Elie Swed]

نتمنى عودتـكم

وأن يكون لنا معـكم

اللقاء الجميل

عودوا أيها الطيبون