موقع زيدل الصفحة الرئيسية  

العودة   منتديات زيدل > المنتدى الزيدلي > المنتدى الأدبي > الشعر العامّي والزجل

إضافة رد
 
أدوات الموضوع تقييم الموضوع انواع عرض الموضوع
  #1  
قديم 14th February 2010, 06:48 PM
الصورة الرمزية ziad sattah
ziad sattah ziad sattah غير متواجد حالياً
مشرف المنتدى الأدبي
 
تاريخ التسجيل: May 2005
الدولة: zaidal
المشاركات: 1,742
الجنس: ذكر
ziad sattah is on a distinguished road
من مجموعتي .. شعر : زياد سطاح ( زجل )

نزولا ً عند رغبة بعض القرّاء الذين طلبوا ان أجمع بعض قصائدي في صفحة واحدة لسهولة الوصول إليها , فقد قمت بجمع بعضها في هذه الصفحة شاكرا ً لهم حـُسن القراءة :

(( أمّا مجموعتي الدينية فهي موجودة على الرابط التالي : البشارة \زجل\ ‏( 12) ))




لو تعرفوا


شو صاير بـ ْ زيدل . .


بِحْكي أنا


أو بِتْرُك ْ الأفكار تِتْجَوّل ؟


لو تعرفوا


شو صاير بـ ْ زيدل


____




طَلّ الرّبيع بـ ْ كنزتو الخضرا


عـ َ تْلال


من لون الحلا أحلى


و ْ حَسّـــــونْ


عـم يـنـظـُمْ زَجـَل ْ


طالِع عَبالو اليومْ يتغزّل. .


لو تعرفوا

شو صاير بـ ْ زيدل


_____


شِفْتوا العروس اللاّبسة الطّرحة؟


هَـي ْ لـوزْنـا الزَّهـَّر ْ


بْموسم غـني بَـشـَّر ْ


تا تِكْمَل ْ بْفلاّحنا الفرحة


و ْ بُستانّـا


بْقَطر النّدى تْكَلّل ْ . .


عْرِفتوا بقى


شو صاير بـ ْ زيدل !!


*********************************




سَألَتْني ماذا قلتُ لها غَزَلا ً , فأجبتها زجلا ً : ( بالعامية )


لا تسأليني وْ لا أنا رَحْ إسألـِك ... كلشي كـْتَبتو مِن غَزَل صادِقْ: إلـِكْ


كلشي كـْتَبتو مْنِ الزّجَل بالمُرتجَل ... كِذْب وْ دَجَل. وَحْدو الغَزَل بيرَسْمِلِكْ



شايِفْ أنا بْنظراتْ عَينيكي وَجَل ... وْ يِمْكِن أنا مِن هَيك قاصِد ْ مَنزِلِك



وِحْياة خَد ّ مْوَرَّدو لَون الخَجَل ... لولا طـْلَبتي بْرمش عيني بْكَحّلـِك



وْشـُ بْيِإمرو شْفافِك أنا بْجاوِبْ: أجَل ... جايي بعيد الحبّ هنّيكي أنا


وْ كِرمال عَينِك ما بْفارِق زيـدَلـِك



***************************
__________________
إذا كان الله معنا فمن علينا
رد مع اقتباس

Sponsored Links
  #2  
قديم 14th February 2010, 06:55 PM
الصورة الرمزية ziad sattah
ziad sattah ziad sattah غير متواجد حالياً
مشرف المنتدى الأدبي
 
تاريخ التسجيل: May 2005
الدولة: zaidal
المشاركات: 1,742
الجنس: ذكر
ziad sattah is on a distinguished road
في عيد ميلاد موقع زيدل :



أربع سنين و يوم صار عمر اللقاء

عمر المحبه و الوفى للمنتدى

ضيوف و أحبه و أهل صاروا أصدقاء

و صار الأمل مرسوم عا طول المدى

و أقلام عم تكتب أساطير الوفاء

حلو الوفاء : يدوم , و الأحلى : الصدى


كان الصدى مكتوم,ما عندو رجاء

و كان الحدى مجهول , ما يعرف حدى

حتّى أطلّتْ من حلمْ: صرخة إباء :

" الضيعة الجميلة كتير حابب إسعدا"

زاد الأمل مع ناس ربيت ع العطاء

جهد العطا يا ناس مابيذهب ســــدى

ربّي يبارك جهدكن يا أصدقاء


و يضلّ ْ منبر حر بِـ ِ صَوتو :شـــدا


*******************************
(( عهد )) :



عهد إنْكَتَب ْ


بالدّمّ ْ منْ زُمرِة: عَرَبْ


ما في عَرَبْ


وِحْدو المقاوم قادِرْ يـ ْ فَجّر غضَبْ


وحدو المقاوم


قادِرْ يـ ْ زيد الأجيج


قادِر يشَرّف إمّتو


مْنِ الـ ْ مُحيط وْ للخليج


وْ يْعيد للأمّه النّسب


أنبل نَسَب ْ .


وْ غَيرَكْ يـ َ داعم حِزْب ْ


لـ َ الله انْتَسَب ْ


مافي عَرَب


**


شْبِعْنا خُطَب ْ


و الدّمّ سايل للرُكَب


.


شْبِعْنا حروف مْزَيّنه


بِحْروفها ضاع النَّقَب


.


بـ ْ صَيْحات شَجْبْ مْوَلْدَنه


صار العراق بْلا كرامه


وْ لا شَعب


.


وْ بْحِجّة الإرهاب قَصْفوا الميذَنه


وْ قَصْفوا الكنايس و المدارس و الشُّعَب


.


وحدو المقاوم


قادر بـ ْ لحظة غضب


يرسم مَلامح فَجرْ


بـ ِ ماء الذّهَب


يِخْسى الذّهب


هَيدي دِماء مْعطّرة


للشمس عم تعطي لهب


تـ َ تْعود أرضي مْحرّرة


بـ ْ جولان سوريّّ ّ النّسَبْ


*********************************
__________________
إذا كان الله معنا فمن علينا
رد مع اقتباس
  #3  
قديم 14th February 2010, 07:03 PM
رامي السوري رامي السوري غير متواجد حالياً
عضو
 
تاريخ التسجيل: Oct 2007
المشاركات: 29
الجنس: ذكر
رامي السوري is on a distinguished road
حلو كتير أستاذ زياد ...... قصيدة زيدل رائعة و القصيدة الاخيرة روحها حلوة كتير .....
زيدنا من هالحلا ...
رامــــي
__________________
ســـــــــــــــــوريا لـــــك الســـــــــــلام .....
رد مع اقتباس
  #4  
قديم 14th February 2010, 07:03 PM
الصورة الرمزية ziad sattah
ziad sattah ziad sattah غير متواجد حالياً
مشرف المنتدى الأدبي
 
تاريخ التسجيل: May 2005
الدولة: zaidal
المشاركات: 1,742
الجنس: ذكر
ziad sattah is on a distinguished road
لـَيش الورد مسكين مـَ بـْيِحكي
وْعَنّو انحَكى أشعار و رْوايات
مثل الـكأنّو ما حَدى مِثلو
عالسّكت حامل ألف لون وْ لون
وْ حامِل عطر آيات..
عن حبّنا بـْيِشكي
وْ معْ حزنـّـا بـْيِبكي,
و الّليل كلما وَدّعو بـْحرقه
بـْيِمسَح عيونو وْ دمعتو بـْتِبقى
ذِكرى على ورقه,
وْ بيضَلّ بالو للمَسا مشغول
وْ لولا حكي هالورد
شو بيقول!!
**
لولا تركتو يِمكن بـْيِزعَل
بـْيِزعل وْ ما بيبوح
بـْرِقّه, بـْنعومه عالهَدى بـْيِذبَل
لا لـَوم حتّى وْ لا غضَب

لا دْموع , لا نظرة عَتَب
فَتَّح زرارو عالهَدى, بـْذات الهَدى بيروح
مسؤول.. عنّو ما حدى مسؤول
وْ لولا حكي هالورد شو بيقول!!
**
ظالِم يـ َ هالإنسان من يومَك
لولا عشقت الورد بِتْجِمّو
مـ َ بـْتِكـْتفي بـْشَمّو
هـُوّي ِ استَبْشَر خير بـِقْدومَك
لمّا سرقتو مِن حضن إمـّو
تـا تِبْعَتو مَرسول
هَمَّك حِمِلْ , مـ َ اعتَلتلو هَمّو
مكتوب , بِعطور الوفى مجبول
وْ لولا حكي هالورد
شو بيقول !!
_____________
\ 21 \ 7 \ 2009
زياد سطاح
__________________
إذا كان الله معنا فمن علينا
رد مع اقتباس
  #5  
قديم 15th February 2010, 09:52 PM
ريَّان الحلو ريَّان الحلو غير متواجد حالياً
عضو مخضرم
 
تاريخ التسجيل: Aug 2009
المشاركات: 221
الجنس: ذكر
ريَّان الحلو is on a distinguished road
تعليق سريع ، ريَّان الحاو

عزيزي زياد !

كما توقعت بل تعودت لم أفاجأ بروعة زجلك ولو اعترف
الجميع بالشاعرية نوراً لسموك الشاعر صاحب النورين
والآن إليك محاولة بدائية من صديقك مع الرجاء بغض النظر
عن مواضع الضعف :

إقتباس
ــــــــــ
طل الربيع بكنزتو الخضرا
ع تلال
من لون الحلا أحلى
وحسون
عم ينظم زجل
طالع عبالو اليوم يتغزل
لو تعرفوا
شو صاير ب زيدل

**************

حسون
عم ينظم زجل
إسمو زياد
اللي ارتجل
أحلى غزل
بْضَيعا
ترابا عنبر
وماءا عسلْ..
تْغَزَّل
وبدو بَعْد يتغزل.
هلق عرفتوا
شو صاير ب زيدل ..

مع محبتي ، صديقك ريَّان
ألمانيا 2010.2.15
ــــــــــــــــــــــــــــــــــــ
__________________
أيضاً إذا سرت ُ في وادي ظل الموت
لا أخاف شراً لأنك أنت َ معي .
مز. 23
رد مع اقتباس
  #6  
قديم 16th February 2010, 09:28 AM
الصورة الرمزية ziad sattah
ziad sattah ziad sattah غير متواجد حالياً
مشرف المنتدى الأدبي
 
تاريخ التسجيل: May 2005
الدولة: zaidal
المشاركات: 1,742
الجنس: ذكر
ziad sattah is on a distinguished road
الصديق د. ريان : أعتزّ بصداقتك .
و كونك شاعر الفصيح فهذا لا يعني أن تتواضع كثيرا ً في وصف نفسك عند كتابة الزجل .. ستبقى لك مكانتك الخاصّة .
( لولا حِكي هالورد شو بيقول ! )
__________________
إذا كان الله معنا فمن علينا
رد مع اقتباس
  #7  
قديم 15th March 2010, 01:32 PM
الصورة الرمزية ziad sattah
ziad sattah ziad sattah غير متواجد حالياً
مشرف المنتدى الأدبي
 
تاريخ التسجيل: May 2005
الدولة: zaidal
المشاركات: 1,742
الجنس: ذكر
ziad sattah is on a distinguished road
مِن وَين يا قطرة ندى جايه .... وْ شو حامله حكايه ورى حكايه

؟

لمّا سـَألـْت العاشق تأثّر .... وْ قلّي: القمر من عشقنا بيغار

مِن بعد ما عا حبّنا تْستّر .... نُورو عِلي تا يكشف الأسرار

وْ زَرْزَبْ عرق وجهو عالمرايي

***

و الورد لمّا سْأَلت: شـ ُ بـْيعني .... قطر النّدى الـْ عا ورقتك موجود

قَلـّي: لأنـّو الـلـيـل وَدَّعـْنـي .... وْ قبل المسا ما عاد فيه يـعود

دمعو نِزِل آيه ورى آيه

***


و النّبع أعطى رأي بالموضوع .... وْ قلـّي: وْلادي السافَرو وْ راحو


صوب السّما, مهما يكَفّو طْلوع .... لابـدّ مـَ يـْعـودو تـَيِـرتـاحـو


وْ تِِبْدا حكايه ما لها نْهايه


***


وْ قَلـّي الشِّعِر لـِمْ عَبَّق بـ ْ نهدات: .... قدَّيش صعبه بـْحَرف تإسِرنا


وحدي أنا وْ قطر النّدى شردات .... شو ما خَطَر بالبال فَسِّرنا


وحده الوَسيله مَعْ ألف غايه


***


وْ مـن ْ وَيـن يــــا قطرة ندى جـايـه


؟؟؟
رد مع اقتباس
  #8  
قديم 24th April 2010, 12:26 PM
الصورة الرمزية ziad sattah
ziad sattah ziad sattah غير متواجد حالياً
مشرف المنتدى الأدبي
 
تاريخ التسجيل: May 2005
الدولة: zaidal
المشاركات: 1,742
الجنس: ذكر
ziad sattah is on a distinguished road
قرية و مغترب

قصّة عـِشـْق

لـمّـا الهوى دَقـْدَقْ على بابـو --- جانـِح ْ عِشِقْ مِنْ غربتو جابو

وْ رَتـَّل بـِقلبو عـ َالدَّربْ مـوّال --- وْ بـاب الحبيبه صار مِحْرابـو

ذات الهوى, و الحال ذات الحال --- الإحـسـاس يـَلـّي انتابها انتابـو

وْ كان الوَعـِد تِبْقى العُمُر لو طال --- أوّل وُ آخـِر حـَرْف بِكـْتابـو

وْ لمّا التَقو: "بـْحِبِّكْ" غَمَزّها وْ قال: --- بـَعدي لـِوَعـْد الحَبّ عـَرَّابو

وْ قـالـِتْ إلـو : مِثْلـَك أنـا مازال: --- (زيدل) أنا قصّة كَرِمْ وِ نـْبيذ

وْ ما في عـَريشه بـْتِحْمُل عـْناقيد --- بالكـَرْم حتّى يـْعـود غـيـّابو

*****


18 \ 4 \ 2010

***************
و هذه القصيدة لكل عنقود مشتاق للمغتربين :


عنقود




عنقود وَشْوَشْ صاحبو وْ قـَلـّو ... وَين الـّلي مِنـّا سْـلالهُنْ مَلـّو



بالأمـس كانـو يِـسْـهَرو مَعنا ... و اليوم سَــهْرات العُمُر قـَلـّو



ياما بـ ِ شَــــفـّة كـاس وَلـَّعـْنا ... وْ ياما بـ ِ خَمْرِة كَرِمنا صَلـّو



وْ ياما الغـَفى بـِعيون جَوَّعْنا ... تـَنـْشوف شَمْس خـْيوطها طَلـّو



همسـة زَجَل ما عاد سَــمـَّعْنا ... حَـسّــون فـارَق عـِبـّنا مـْحَـلـّو



قـَوْلـَكْ بَـعـِد للعُمْر في مَعْنى ... مِـنْ بَـعْـد ما سُـــمّارنا فـَلـّو؟؟



لـِلـْســـافَر وْ ما مَـرّ وَدَّعـْنا ... حابـِبْ صَدى بَيتين يـُوصَلـّو:



مازالْ دَمْع الشَّـوق شَــبَّعـْنا ... وِ غـْصونـَك بـْلا شْروشْنا غـَلـّو



مـَرّه تـَعا وْ مِنْ شِرشنا اقـْلـَعْنا ... حـَلـّو الصَّبِرْ يِـِرتاحْ.. ما حَلـّو؟




ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ ّ


16 \ 5 \ 2010
زيــــــــــــــــــــــــاد
__________________
إذا كان الله معنا فمن علينا
رد مع اقتباس
  #9  
قديم 24th April 2010, 06:15 PM
الصورة الرمزية mariam
mariam mariam غير متواجد حالياً
 
تاريخ التسجيل: Mar 2003
الدولة: zaidal
المشاركات: 888
الجنس: انثى
mariam is on a distinguished road
استاذ زياد شاعرنا الكريم ..........اسمحلي اتطاول عليك شوي بهالكلمتين واستعير منك كم كلمة .

وْ لمّا التَقو:
"بـْحِبِّكْ" غَمَرها وْ قال:
بـَعدي لـِوَعـْد الحَبّ عـَرَّابو
قالت :
دمعة بريف العين سهرانة
"بحبّك "شـ ُ ترْكـِتْ للصدى أنـّات
وقلبي بليل الحب محرابو
زيدل انا قصة كرم ونبيذ
حكاية وطن تركع على ترابو


عذرا اخ زياد لطشت منك كم كلمة ........بست حبيت ردعاقصيدتك الرائعة
مريم







رد مع اقتباس
  #10  
قديم 24th April 2010, 06:35 PM
الساخر الساخر غير متواجد حالياً
عضو
 
تاريخ التسجيل: Jan 2010
المشاركات: 103
الجنس: ذكر
الساخر is on a distinguished road
الاخ الكريم
اولا اقدم لك الثناء ولكن تقبل مني هذه الملاحطة يوجد كلمات ليست من بيئتنا
دمت بخير
رد مع اقتباس
  #11  
قديم 24th April 2010, 09:58 PM
الصورة الرمزية ziad sattah
ziad sattah ziad sattah غير متواجد حالياً
مشرف المنتدى الأدبي
 
تاريخ التسجيل: May 2005
الدولة: zaidal
المشاركات: 1,742
الجنس: ذكر
ziad sattah is on a distinguished road
شكرا ً د. مريم


أكتفي بهذه الزهرة :


=====


عزيزي الساخر


أَسعـَدَني حضورك الأمسية الأدبية


و شكرا ً على الثناء .


أمّا عن الملاحظة فدعني أرتـَجـِلُ معلـّقاً بأبيات على السريع:




الحسّون لمـّا يـْرَتـِّل حـْروفو ...... بـْنِطـْرَب إلـو مِن غـَير مـَ نـْشوفو


مْن الشّرق يَمـّا مْن الغَرب جايي ...... مِن سوريا أو سَهل كوسوفو


و الـحـُب لـّما بـْيِكـْتـُب حـْكايـه ...... حـْروف الدِّني مـ َ بـْظنـّهُن ْ يوفو


وْ هيك الزَّجَل أصدَقْ مِنِ مـرايه ... بـْيِِقـْطُفْ زَهِرْ مِن هَون أو مِن هَون


وِ بـيْقـَدّمو تـ َ يـْرِدّ مَعْروفو


__________________
إذا كان الله معنا فمن علينا
رد مع اقتباس
  #12  
قديم 25th April 2010, 02:57 PM
الساخر الساخر غير متواجد حالياً
عضو
 
تاريخ التسجيل: Jan 2010
المشاركات: 103
الجنس: ذكر
الساخر is on a distinguished road
الاخا الكريم تحية
لقد كنت اسرع ما اتصور في سرعة بديهتك وفهمت ما اقصد وشكرا على الابيات
اتمنى لك امارة الشعر ولكن ارجوك ان تبقى في لعبة الادب نقد ورد
كما انه كان يشرفني ان حضر ما ذكرت ولكنني لم اتلقى دعوة وبحلفلك امام الله اني لم احضر
ولكن اذا صار شي مرة حفلة زجل مزاهر وكاس عرق وصحن فواكه بناخذ جوقتنا وبنروح

دمت بخير
رد مع اقتباس
  #13  
قديم 2nd May 2010, 06:56 PM
الصورة الرمزية ziad sattah
ziad sattah ziad sattah غير متواجد حالياً
مشرف المنتدى الأدبي
 
تاريخ التسجيل: May 2005
الدولة: zaidal
المشاركات: 1,742
الجنس: ذكر
ziad sattah is on a distinguished road
بمناسبة اليوم العالمي للضحك ( الأحد الأول من ايّار من كل عام ) كان لي هذه المشاركة :

طَلَبَتْ المعلّمة من التلميذ جملة على كلمة : ( حلو ) , فقال لها :



مْبارح أبي وَقَّف بـ باب الدّار ... و قَلاَّ لإمّي: بتِطْلَعي مشوار؟



قالِت إلو: بْنِضهَر ع ( ضيعتنا ) ... أحـلـى طبيعه دايـر وْ مِـنـدار



مـا يـوم ضيقة حـال مَـنْـعـتـنـا ... لِـمْـهِـمّ نِـضْـهَـر تـا نْطَفّي نار.



وْ بـالـفـنـدق الأقـدار جـمعـتـنا ... مـع جارنا الـْ مِنّو أبـي بـيـغار



سْهِـرنا عَـ عتمة ضو شـمعتنا ... مـن حيث عـنّـا انقطعت الأنوار



وْ إمّـي بـذات الـرَّد صَرعتنا ... تْـقـلّو لـ بَيّي: شـُوف شـُلّلي صار



بَيّي ضَهَر يشكي بـلـوعـتـنا ... يِـســأل عـن الـتّـيّـار شـ ُ الاخبار



وْ مع رجْعتو: صرخات وَعّتْنا ... أفْشـُنْ سَوى إمّي و هاك الجار



مِـن هـيـك فكّرنا بـرجـعـتـنا ... وْ قَـلا ّ: يـ َ عـيـنـي شـي حـلـو والله



ناقص بعد تـ َ تْدَخّني سيجار



& &
__________________
إذا كان الله معنا فمن علينا
رد مع اقتباس
  #14  
قديم 3rd June 2010, 05:11 PM
الصورة الرمزية ziad sattah
ziad sattah ziad sattah غير متواجد حالياً
مشرف المنتدى الأدبي
 
تاريخ التسجيل: May 2005
الدولة: zaidal
المشاركات: 1,742
الجنس: ذكر
ziad sattah is on a distinguished road
قصيدة : شـــروقـي

مشغول

مشغول قلبي عَليكي وْ هاتفِك مشغول

و خايف خطوط القلب لـ َ تـْكون مشغوله


سنتين صَرلي معِكْ لا كِنت إقدر قول:

بْحِبِّكْ , بـْحِبِّك انا, و لا تِقـْدَري تـْقولي


معقول سَرَّب غَلـَط عـ َ جنينتِك مجهول

وْ قـَطَّف وْراق الحَبَق, و الدّار مأهوله


وَحْدو هزار العِشِق يِنْظُم غَزَل معسول

بـِشـْفاف شـَفـّة خمر و عْيون مكحوله



و انْ كان خمر الهوى طاب و عِطي مفعول

وْ سَرَّب عـَ مرْج الزّهر غَيري ألف خولي


مِن بَعد وَعْد الوفا ما ضَمَّن المحصول

ســـاعات طَيش الصِّبا ما عاد مقبوله


وْ عا نار غِيره قـْعَدِتْ و الشَّكْ فِيّي يْجول

وْ بَلـَّشِتْ أكتُب جُمَل بالوهم مغزوله

قـَرَّرْت إبعَث لـِها مِن هاتفي المحمول

مِنّي رســالة عَتَب بالرّوح مشـكوله


وْ للوَقت دَقـِّتْ عـ َبابي دَقـّة المَخجول,

تـْقلـّي : حبيبي أنا عا موعد وْصولي


وْ تا ما يْفِيق الغفى, عندي عُذُر مقبول:

بـِرْجَع بثاني مسا وْ لا كـُون مسؤوله

***
__________________
إذا كان الله معنا فمن علينا
رد مع اقتباس
  #15  
قديم 4th June 2010, 10:52 PM
الصورة الرمزية mariam
mariam mariam غير متواجد حالياً
 
تاريخ التسجيل: Mar 2003
الدولة: zaidal
المشاركات: 888
الجنس: انثى
mariam is on a distinguished road
يمكن الصمت احيانا احلى من الكلام بكثير .....
تعجز الكلمات عن البوح.........
فاسمع همساتنا الصامتة تقول لك .....
بارك الله فيك ....
دعنا نقرأ بصمت ...
رد مع اقتباس
إضافة رد

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


Sponsored Links

جميع الأوقات بتوقيت GMT +3. الساعة الآن 07:35 AM.


Powered by vBulletin V3.6.2. Copyright ©2000 - 2019
تصميم الموقع وسام عبد العزيز جميع الحقوق محفوظة, Copyright ©2001 - 2019
المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص