موقع زيدل الصفحة الرئيسية  

العودة   منتديات زيدل > المنتدى الزيدلي > المنتدى الترفيهي > الأغاني

إضافة رد
 
أدوات الموضوع تقييم الموضوع انواع عرض الموضوع
  #1  
قديم 15th December 2005, 01:48 AM
wisam wisam غير متواجد حالياً
مدير الموقع
 
تاريخ التسجيل: Feb 2003
المشاركات: 449
الجنس: ذكر
wisam is on a distinguished road
بيها شي لا ما بيها

احببت ادراج كلمات جديدة لكاظم الساهر من اخر البوم ... كلماتها لطيفة جدا
و خبرونا انتم اذا بيها شي او ما بيها


البنيَّة

البنيّة .. حلوه البنيَّه
البنيَّة .. تعاكس بيَّ

الإيد الإيد جُكليته
والفم الفم فليته
والخد بسته وبكيته
بيها شي ؟ لا مابيها
عيني بيها شي؟ لا مابيها

راحت تشتكي مني لجدها
ماعرفنا لعبها من جدها
كل المشكلة بوسة خدها
بيها شي؟ لا مابيها
دادا بيها شي ؟ لا مابيها

إلا أجري واحضنها حضنه
واكَرص تفاحات الوجنه
هذا الخد ما أشبع منه
بيها شي؟ لا مابيها
عيني بيها شي ؟ لا مابيها

أتريكَ أتريكَ من خد
واتغده اتغده من خد
عيني وافرش افرش واتمدد
بيها شي؟ لا مابيها
دادا بيها شي ؟ لا مابيها

تتلون في خدها ودمها
تغمزلي وتجري على امها
إلا اخذها بحضني واضمها
بيها شي؟ لا مابيها
كولوا بيها شي؟ لا مابيها
__________________
تلقى و الافضل ان تتفاعل
رد مع اقتباس

Sponsored Links
  #2  
قديم 15th December 2005, 06:34 AM
sulieman safar sulieman safar غير متواجد حالياً
مشرف سابق  
تاريخ التسجيل: Nov 2003
المشاركات: 906
sulieman safar is on a distinguished road
الغالي وسام
صدقاً انك بالش بالجهل على بكير عم يار يت تصبرلك شوي . خذها مني ,و كوني من بيت صفر وبنجهل من الثمانين وفوق ,يا ريت تنتظر لحوالي السبعين على الأقل والله يساعدك اذا قرت الغالية أنجيل هالكلام.
ولكم محبتي
سليمان
رد مع اقتباس
  #3  
قديم 15th December 2005, 04:05 PM
الصورة الرمزية angel
angel angel غير متواجد حالياً
عضو مخضرم
 
تاريخ التسجيل: May 2004
المشاركات: 673
الجنس: انثى
angel is on a distinguished road
يه عم سليمان .. ليش حدا قلك إنو هالكلمات لحدا غيري...!!
سلام إلى الخالة نهلة .. ما عاد سمعتونا أخبار سيمونا..
__________________
الرب راعي فلا يعوزني شيء.. في مراع خصيبة يربضني ومياه الراحة يوردني..
رد مع اقتباس
  #4  
قديم 15th December 2005, 10:03 PM
الصورة الرمزية mariam
mariam mariam غير متواجد حالياً
 
تاريخ التسجيل: Mar 2003
الدولة: zaidal
المشاركات: 889
الجنس: انثى
mariam is on a distinguished road
جميلة كلمات الاغنية والاجمل لحنها ولمن موجهة......بس ياوسام هيك أغاني إذا كتبتها ياريت تشكلها لانها باللهجة العراقية وقد تفقد الكثير من معانيها ........وانشالله ياسليمان بتصير جد قبل ما تجهل وتجرب ....شلون الواحد بيهرب من اهلو لجدو.........ياريت تنزلوها سماع
رد مع اقتباس
  #5  
قديم 15th December 2005, 10:20 PM
الصورة الرمزية Desert rose
Desert rose Desert rose غير متواجد حالياً
مشرف عام
 
تاريخ التسجيل: May 2003
الدولة: بيروت
المشاركات: 2,905
الجنس: انثى
Desert rose will become famous soon enough
مقتبس من كاظم فنان الحب والرومانسية

اقتباس:
ومبروك لنا وله ألبومه الجديد والذي تميز بأغنية رائعة عن دلع الطفولة و أهمية وجود البنات في الحياة

سماع << البنية >> تحميل

شكرا وسام على كلمات الأغنية ..ولكن ماعم بفهم وين الجهل بكلمات هالأغنية ياسليمان (( قولكن أنا صاير فهمي سميك )) ؟؟؟

وتكرم عيونك دكتورة مريم

زهرة الصحراء
__________________
كل مجدي أني حاولت....sanaa jalhoum
رد مع اقتباس
  #6  
قديم 15th December 2005, 10:56 PM
wisam wisam غير متواجد حالياً
مدير الموقع
 
تاريخ التسجيل: Feb 2003
المشاركات: 449
الجنس: ذكر
wisam is on a distinguished road
شكرا على الاغنية ام ملحم من وقت حطيت الكلمات كنت بدي عقب انه السماع و التحميل هلق بيجي من عند ام ملحم بس خفت تكون مش عندك و احرجك
بس كالعادة دوم كله موجود
عم سليمان رديت عليي و ما قلتلي بيها شي او ما بيها و انجيل ردت ما بيها لو الي الحكي
دكتورة مريم الكلمات العراقية صدقي بتشكيل و بلا تشكيل قصتها صعبة
بس انا كل الاغنية فهمتها الى كلمة جكليته و اعتقد انه القصد انه مسك اليد او شكلها

نهاية منضيف كما توقيع ام ملحم ميلاد مجيد و عام سعيد للجميع
__________________
تلقى و الافضل ان تتفاعل
رد مع اقتباس
  #7  
قديم 16th December 2005, 08:10 AM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,160
الجنس: ذكر
hosam abdulaziz is on a distinguished road
يعني هالصرعات ما هي غريبة عن كاظم , بس منيح هالمرة خص الأطفال بغنية من البومه الأخير , لأنه لقا رواجه خافف بين السميعة الواعيين , لهيك حب يتوجه الى فئة عمرية ممكن تساهم باستمراريته.
بيها شييييييييييييييي
اي لا ما بيها , كل كلمة حكيتها صحيحة.
بس بصدق هيك اغاني اشرفلوا من الحان القصائد , حتى بينرقص عليها
وحياتكم محبين كاظم ما تزعلوا , ما بيها شي , حرية تعبير لا اكثر و ابداء راي.

راحت تشتكي مني لجدها
ماعرفنا لعبها من جدها
كل المشكلة بوسة شفتها
بيها شي؟ لا مابيها
دادا بيها شي ؟ لا مابيها
__________________
Life Without Love is no life at all
رد مع اقتباس
  #8  
قديم 16th December 2005, 03:44 PM
الصورة الرمزية Desert rose
Desert rose Desert rose غير متواجد حالياً
مشرف عام
 
تاريخ التسجيل: May 2003
الدولة: بيروت
المشاركات: 2,905
الجنس: انثى
Desert rose will become famous soon enough
Talking هي الحقيقة

رد لوسام :

ياعزيزي كل الأغنية مابيها شي ولكن الظاهر أنت الببك شي ..الهيئة قلبك بلش يعمل ((حق بق)) على شي بنوت مهضومة تتغنجك ألك ولأنجيل لأن بطبيعة البنات بتحب تتغنج وتغنج ..وتدلل وتدلل..بعكس الصبيان تمام ..فالله يبعت شي أخت لأندرو وتصير هالغنية تلبق ألك ولأبو وسام .

وعلى سيرة الجكليتة ....لالا القصة بسيطة ..والصح من هالكلمة شكليتة ...يعني شوكولا

حسام .. الهيئة صعب لابل عبث ....مابدك تكبر...لا بإحساسك ولابعواطفك ....ضيعان الترباية فيك ..والله يعين اللي بدها تاخدك

على كل حال ماعندي أكتر من أني قلك سماع هالغنية لكاظم ربما بتتأثر فيها شوي وبتحنن قلبك على كاظم ...وتيحن قلبك أكتر وجرب شوف كليب هالأغنية اللي قام بتمثيله الساهر مع الفنانة السورية التي لقبت بجميلة العرب (( سلاف فواخرجي )) واللي في كمان حققت واحد من أحلامها الفنية !!!!

الحقيقة أبدع كاظم وأثبت أكتر من أول بأنو فنان الحب والرومانسية .


سماع << أحبك أنتِ>> تحميل


كلمات الأغنية مختصرة عن قصيدة نزار :


<<أحبكِ .. أحبكِ .. والبقية تأتي ..>>


وإني أحبك .. لكن أخاف.. أخاف.. أخاف التورط فيكِ ..
.. التعلق فيك...التوحد فيكِ..

وأني أحبك..

فقد علمتني التجارب .. أن أتجنب عشق النساء وموج البحارْ ..

وأني أحبك . .

دعيني أصب لك الشاي ... أنت خرافية الحسن هذا الصباح ..

دعيني أترجم بعض كلام المقاعد وهي ترحب فيكِ ..

دعيني أعبر عما يدور في بال الفناجين .. وهي تفكر في شفتيكِ
أأعجبكِ الشاي ...؟؟

وهل تكتفين كما كنتِ دوماً بقطعة سكرْ ..؟
أما أنا... فأفضّلُ وجهكِ من غير سكّرْ ..

دعيني أقولكِ بكل اللغات التي تعرفين ولا تعرفين .. أحبكِ أنتِ ..
أحبك ِأنتِ..

دعيني أفتّشُ عن مفرداتِ تكون بحجم حنيني إليكِ ..

دعيني أفكر عنكِ .. وأشتاقُ عنكِ .. وأبكي وأضحكُ عنكِ ..

وألغي المسافة مابين الخيال وبين اليقينْ ..

دعيني أنادي عليكِ بكل حروف النداء .. لعلي إذا ما تغنيت باسمكِ .. من شفتي تولدينْ ..

دعيني أؤسس دولة عشق .. تكونين أنت المليكة فيها ... وأصبح فيها أنا أعظم العاشقينْ ..

وأني أحبك ..


أكتر من مرة سمعوها وشوفوا كيف رح تحبوها وتحسوا أكتر بلحنها وكلماتها .



زهرة الصحراء
__________________
كل مجدي أني حاولت....sanaa jalhoum
رد مع اقتباس
  #9  
قديم 17th December 2005, 10:26 AM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,160
الجنس: ذكر
hosam abdulaziz is on a distinguished road
هلق يا سناء اذا بدك تقيمي احاسيس و عواطفي من وراء استماعي او اعجابي او تأثري بأغاني كاظم فمنهلق بقلك اني خالي من الأحساس و لو بيظل يغنيلي من اليوم لبكرة ما رح يأثر فيي و خصوص اذا كانت من نمرة الغنية اللي هديتيني اياها.
و رح كون وقح (هلق رح رد عموضوع الجرأة و الوقاحة لهيك بعدني بالجو) اكثر و قلك انه هالغنية مشكورة عأهدائها بس حقيقة انا بس تطلع بقلب القناة فورا و كرامة سلاف بستنا شي 10 ثواني .
عن جد هالغنية بتجلط و هو عرف ينقي شريكه بالفديو كليب حتى يضمن عدد خيالي من المشاهدين.

هلق تما تقولوا عم بتجنى عالساهر . انا دائما بحكي الواقع و الصراحة:
هي غنية نزار (احبك انت ) اذا هيك اسمها
من اول مرة قلت غنية فاشلة و لهلق ما غدرت ابلعها مع اني بنجبر عسماعها احيانا.

بس الواحد يحكي الحق مبارح كنت بالغرفة الصوتية مع صديقة و حطتلنا اغنية كاظم (بيها شي)
اي بكون كذاب اذا قلت اني ما حبيتها من اول مقطع (فعلا لحن حلو بيدخل القلب فورا و كلمات بسيطة محبوكة باسلوب رائع) فيها شيئا من الخفة و الكوميدية.
و بعدها سارعت لتحميلها و سمعتها 10 مرات يمكن بوقتها.

اللحن و الكلام الحلو لحاله بيجبرك على سماعه.
و بتذكر لكاظم من سنتين اغنية عيد و حب اللي فرضت حالها بقوة على جميع اذواق السميعة.
بنرجع انه كاظم بينجح بلونه و بلهجته اكثر من القصائد.

معليش سناء صحيح هي اغنية بيها شي موجهة للأطفال بس ان لم تعودوا كالأطفال لن تدخلوا ملكوت السماء.
و بدك تقوليلي اغنية بيها شي عاطفية و اني بلا احساس و ما فهمت كلمات الأغنية فهيك انا وقتها رح
__________________
Life Without Love is no life at all
رد مع اقتباس
  #10  
قديم 17th December 2005, 03:32 PM
wisam wisam غير متواجد حالياً
مدير الموقع
 
تاريخ التسجيل: Feb 2003
المشاركات: 449
الجنس: ذكر
wisam is on a distinguished road
هون بس انا بدي علق على كاظم و اصراره على غناء اشعار نزار
انا نزار قباني من الشعراء اللبي بحفظ اشعاره من عمر ست سنين و اذكر قصيدة اني خيرتك فاختاري التي كنت احفظها كاملة منذ ذاك الوقت عدا العشرات غيرها ... يعني نزار قصة و عظمة بحد ذاته ... و كاظم صبحان الله اختار كل الاغاني اللي كنت حافظها لنزار و اسمعها بصوته على كاسيتات و اخرها احبك انت و راح غناهم
يعني مستحيل اقبلهم من كاظم و انا كل اغنية من كلمات نزار لكاظم مش رح حبها لانه اولا بحسه عميحاول يتعدى على عظمة نزار و يعتقد انه باضافة اللحن لهذه الكلمات الرائعة رح تصير مستساغة اكثر للجيل الصاعد اللي اسا ما بيعرف شي عن نزار و ثانيا لانها بتكون غالبا بالفصحة مش اللهجة العراقية اللي انا بحب اسمع كاظم فيها
هلق منرجع للتاريخ كيف انشهر كاظم ... سبب شهرة كاظم هي لبنان و اغنية سلمتك بيد الله اللي غناله ياها جورج وسوف ... بذكر لهلق حفلة المونتكارلو اللي صار عمرها هلق 12 سنة و هي اولى حفلات كاظم في لبنان مع سلمتك بيد الله و يالعزيز و غزال و ما يصيدونه و ياغربة انتي الحرمتيني من اهلي (يعني الاغاني ذات اللهجة العراقية ) .. هي الحفلة كانت عندي على الفيديو و كنت كل يوم احضرها و بذكر انه كان عاصي الحلاني و مادونا من الحضور و ابدوا كما كل الحضور تفاعل رهيب مع كاظم
و طبعا مشيت مع كاظم بعدها على لقعدلك عالدرب قعود اللي كسرت الدنيا
بس ليه كاظم فيما بعد اتجه للقصائد هيدا اللي مش عمفهموا .. نجوى كرم الها 15 سنة تغني لبناني و امورها ماشية عال العال .. هوي باللهجة العراقية بيطير العقل شو الله جابره كل مرة يغني قصيدة و بكلمات نزار فوق الشي مني عارف

بس يبدو بنظره ما فيها شي
__________________
تلقى و الافضل ان تتفاعل
رد مع اقتباس
  #11  
قديم 17th December 2005, 06:14 PM
الصورة الرمزية Desert rose
Desert rose Desert rose غير متواجد حالياً
مشرف عام
 
تاريخ التسجيل: May 2003
الدولة: بيروت
المشاركات: 2,905
الجنس: انثى
Desert rose will become famous soon enough
Talking الصحبة لحال والمنتدى لحال

يعني يا وسام كان بعد بدو طاووسنا حسام دفشة صغيرة لينفش ريشوا أكتر ويلاقي دعم من شخص يتهجم معوا على كاظم ...فوصلت أنت الله يخليلنا ياك بالوقت المناسب مشكور ياسيدي !!!ولكن أنا رح أعتبر رأيك واسطة مش قناعة وبيطبق عليك القول وشهد شاهد من أهله ..وهو ن بدك تعذرني الصحبة لحال وأنكم تتهجموا على فناني المفضل فنان كل العرب لحال ...يعني مافي مسايرة

حسام مابعرف شو لازم رد عليك لكن لقيت بعد تفكير طويل بأنو اللي مابيجي معك تعا معوا لذلك سماع هالغنية لكاظم أكيد رح تعجبك ورح ترقص عليها كتير ....ولكن قبل ضروري أشكرك على ردك الحلو


<<>>


صدقني حسام لو إحساسك مش من صخر كانت حركتوا أمثال هالأغاني الهادية بكلماتها اللي مامنقدر ننقدها وبلحنها اللي كمان مامنقدر نحكي عليه ....!!!
ولك أنو لتنهز أحاسيسك لازم يكون اللحن قوي والموسيقة رنانة ..والدربكة شغالة ...والطبل والزمر عم يهدروا هدر ...وقنينة العرق بإيدك ؟

هلق صار بيها شي

زهرة الصحراء
__________________
كل مجدي أني حاولت....sanaa jalhoum
رد مع اقتباس
  #12  
قديم 18th December 2005, 07:24 AM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,160
الجنس: ذكر
hosam abdulaziz is on a distinguished road
يسلم ثمك يا وسام عهالتحليل و اللي طبعا ما رح يعجب معجبين كاظم اللي محوطيين عيونهم بهالة سوداء كبيرة بتمنعهم من رؤية الحقيقة , يعني لازم نقلهم شو ما غنى الساهر بيطلع منه حلو تيرضوا علينا ,
اما عن ذوقي فانت و غيرك يا سناء احرار بالتشكيك فيه , و حتى عن عواطفي الميتة كمان.
بس في كثير ناس كان بأمكانها تعطي شهادات بهالموضوع لو الظروف بتسمح , بس الأيام جاي بكل الأحوال.
انا رح اهديكي غنية من الأغاني اللي بتعبي راسي و من الألوان اللي بسمعها , و بنفس الوقت بهديها لصديقة غالية كثير عقلبي بالمنتدى هي بتعرف حالها. و بعدين عودي حكي عن ذوقي.
سمعي و حكمي
__________________
Life Without Love is no life at all
رد مع اقتباس
  #13  
قديم 19th December 2005, 12:56 AM
الصورة الرمزية Desert rose
Desert rose Desert rose غير متواجد حالياً
مشرف عام
 
تاريخ التسجيل: May 2003
الدولة: بيروت
المشاركات: 2,905
الجنس: انثى
Desert rose will become famous soon enough
مع الأسف

كنت أعتقدت آخر رد كان ردي الأخير بها الموضوع ولكن حسام الهيئة مش حابب يجيبها عالبر فلذلك من بعد إذن الأعضاء أسمحولي هالمرة رد بناءً لإقتباس من مشاركة حسام ماقبل الأخير ة

اقتباس:
و رح كون وقح (هلق رح رد عموضوع الجرأة و الوقاحة لهيك بعدني بالجو) اكثر و قلك انه هالغنية مشكورة عأهدائها .


ليك التاني .....حسام بيطيب لوسام.... و....وسام بيطيب لحسام ....حقكن ياعمي المثل قال :

أنا وأخي على إبن عمي وأنا وإبن عمي عالغريب

أما عن الغاية من الإقتباس أنا رح إختار كلمة جرأة مش وقاحة وقول أغنية حكم علينا الهوى لأم كلثوم رائعة ولكن كل شيء بوقتوا حلوا ...وكاظم شي وأم كلثوم شيء تاني ...
ومرة تانية حسام إذا حبيت تهدي أغنية لصديقة غالية عليك بالمنتدى مايكون هالشي بحجتي أنا .... لذلك غنيتك مش مقبولة مع أني حملتها ولكن مش رح إسمعها مرة تانية وتحميلها كان فقط لأني أعتقدت إنها ممكن تكون لكاظم .


مع محبتي للجميع .



<<>>

زهرة الصحراء
__________________
كل مجدي أني حاولت....sanaa jalhoum
رد مع اقتباس
  #14  
قديم 19th December 2005, 09:56 AM
الصورة الرمزية hosam abdulaziz
hosam abdulaziz hosam abdulaziz غير متواجد حالياً
مشرف المنتدى التقني و الرياضي
 
تاريخ التسجيل: Feb 2003
الدولة: سوريا
المشاركات: 2,160
الجنس: ذكر
hosam abdulaziz is on a distinguished road
مرحبا سناء
على كل اذا غنيتي ما عجبتك هيدا شي بيرجعلك و ما تقولي كلشي بوقته حلو.

مبارح صار جدل بيني و بين وسام و صديقة النا بالمنتدى حول لمين عميغني كاظم؟؟؟؟
انا قلتلهم عميوصف حياته مع بنته او طفلة اخرى
بينما وسام مصر انه المقصودة بنت (ربما حبيبة مثلا)
و قال انه الغنية بيجوز عليها الوجهين.
انا ما زلت مصر انها موجهة لبنته اوطفلة زغيرة و انا ناطر الكليب تبعها اللي متخيله يكون حلو كثير
ليفسر اكثر الغنية (ما بعرف اذا كان نزله)
و اذا حدا عنده تعليق عهالنقطة يا ريت يفيدنا.

بالمناسبة سناء قلتي عن كاظم انه فنان العرب , يعني هيك ررح يزعلوا منك السعوديين كونك تعديتي عفنانهم الأول محمد عبده اللي بيلقبوه ب فنان العرب , (حسب تقييمهم).

طيب هلق مشان حكم علينا الهوى , شي يوم بايام هالميلاد , حطيلك كاسة شمبانيا او نبيذ بهالليل , و حطي هالغنية و قولي حسام شو مزوق.

__________________
Life Without Love is no life at all
رد مع اقتباس
  #15  
قديم 12th January 2006, 08:16 PM
الصورة الرمزية Desert rose
Desert rose Desert rose غير متواجد حالياً
مشرف عام
 
تاريخ التسجيل: May 2003
الدولة: بيروت
المشاركات: 2,905
الجنس: انثى
Desert rose will become famous soon enough
ماتزعل وسام بس خسرت الرهان

<<وينك ريس خسرت وبكل جدارة >>



اقتباس:
مبارح صار جدل بيني و بين وسام و صديقة النا بالمنتدى حول لمين عميغني كاظم؟؟؟؟
انا قلتلهم عميوصف حياته مع بنته او طفلة اخرى
بينما وسام مصر انه المقصودة بنت (ربما حبيبة مثلا)
و قال انه الغنية بيجوز عليها الوجهين.
انا ما زلت مصر انها موجهة لبنته اوطفلة زغيرة و انا ناطر الكليب تبعها اللي متخيله يكون حلو كثير
ليفسر اكثر الغنية (ما بعرف اذا كان نزله)
أعذرني ريس وسام الحق لازم يبان واليوم كلنا صار ألنا حق نشهد بعد ماشفنا الكليب الحلو البنية لكاظم الساهر بأنك ماكنت على صواب بتوقعاتك بأنو الأغنية لصبية حلوة .

ولكن كيف أختار كاظم هالبنية سمعوا شو جاوب :

إنها جود أحمد سلامة ابنة صديقي وأيضا جدها من أصدقائي المقربين وعندما التقيتها أول مرة خافت مني وابتعدت فاضطررت إلي أقوم بزيارة لها في منزل اهلها وأثناء الزيارة أمضيت عدة ساعات داخل غرفة ألعابها ولعبنا سويا حتي كسبت صداقتها وأصبحت جاهزة لتصوير الأغنية معي وسرقت مني الكاميرا والأضواء أثناء التصوير بذكائها الشديد

شوفوا هالكليب حلوا كتير ومهضوم وصدقوني اللي مابيحب كاظم رح يرجح يحبوا أكيد فتميثلوا بالكليب كان كتير قريب للقلب والبنت الطيوبة اللي معه كانت أطيب منوا يعني بتخلي الواحد يتمنى مايجيب غير بنات ....شو ريس صح ؟؟؟....رائع كاظم بها الكليب ولكن البنات أكثر روعة

حسام أسمحلي أرجع إهديك أغنية لكاظم مع شكري الكبير ألك لأغنية أم كلثوم المميزة .


سماع <<من تكون أنتَ >> تحميل



زهرة الصحراء
__________________
كل مجدي أني حاولت....sanaa jalhoum
رد مع اقتباس
إضافة رد

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


Sponsored Links

جميع الأوقات بتوقيت GMT +3. الساعة الآن 02:30 PM.


Powered by vBulletin V3.6.2. Copyright ©2000 - 2014
تصميم الموقع وسام عبد العزيز جميع الحقوق محفوظة, Copyright ©2001 - 2014
المنتدى | الجالري | صفحة الافراح | شبكة زيدل محادثة صوتية صور المناسبات العامة خارطة منتدى سوريا حمص